"ကိုသူရိန် ဒီကိစ္စက ကောက်ရိုးပုံထဲ အပ်ပျောက်ရှာတာထက် ဆိုးတယ်။ ခုဟာက အပ်က ပျောက်တာလား။ မပျောက်တာလားတောင်မသေချာဘူး။ ပိုဆိုးတာက အဲ့ကောက်ရိုးပုံက ဘယ်မှာလဲ ဆိုတာကိုတောင် ကျွန်တော်တို့အဖြေမထုတ်နိုင်ဘူး...."
ဦးသူရိန် အရာရှိကြီးရဲ့ စကားကြောင့် သက်ပြင်းချရုံကလွဲ ဘာမှ မတက်နိုင်တော့ဘူး.....
"အခြား နည်းလမ်းတစ်ခုခုရှာရင်ရော...."
"ဟူး....ကျွန်တော် အမှန်တိုင်းပြောမယ် ကိုသူရိန်။ အစိုးရက အဲ့ဒီ့ ဘာမှန်းမသိတဲ့ ရှေးဟောင်းသတ္တဝါတွေကို မြောက်ပိုင်းမှာ ရွေ့ပြောင်းနေထိုင်ခွင့်ပေးခဲ့တယ်ဆိုတာက အပေါ်ယံပဲ။ သူတို့လိုချင်တာက အဲ့သတ္တဝါတွေရဲ့ ဇီဝဖြစ်ပျက်မှုကို သေသေချာချာလေ့လာချင်ခဲ့တာ။ သူတို့ လုပ်လည်းလုပ်ခဲ့တယ်။ ဒါပေမယ့် နောက်ပိုင်းကျ အဲ့သတ္တဝါတွေက ဘယ်ရောက်လို့ရောက်မှန်းမသိအောင် ပျောက်ကွယ်သွားခဲ့တယ်။
အချို့အတွင်းရေးစကားတွေအရဆို နိုင်ငံတော်လုံခြုံဖို့အတွက် အဲ့သတ္တဝါတွေနဲ့ ပတ်သတ်တာမှန်သမျှကို အစဖျောက်ခဲ့တယ်လို့လည််း သတင်းကြားမိတယ်။ ဦးသူရိန်ရဲ့သားက အဲ့သတ္တဝါတစ်ကောင်ကို လူကြားထဲ ထုတ်လာနိုင်တဲ့ တစ်ဦတည်းသော သူပဲ။ ပြောရရင် အဲ့ကိစ္စက အထက်ပိုင်းထိသတင်းရောက်သွားသေးတယ်။ ဒါပေမယ့် ဘယ်သူကမှ ဝင်မပါဘူးဆိုတာက မဟာအိမ်တော်က ဖြစ်နေတာတစ်ကြောင်းရယ်၊ အဲ့သတ္တဝါတွေနဲ့ ဝေးဝေးရှောင်ချင်တာ တစ်ကြောင်းရယ်ကြောင့်သာ ဘယ်အဖွဲ့အစည်းရဲ့ ကားမှ မဟာအိမ်တော်ရှေ့ ရောက်မလာခဲ့တာ။ အဲ့တာကြောင့် ခုလည်း ဘယ်အဖွဲ့အစည်းကမှ လိုက်ပေးချင်မှာမဟုတ်ဘူး...."
"ဒါပေမယ့်...."
"ကိုသူရိန်....ကျွန်တော့်ပေါ်မှာ ကိုသူရိန်ရဲ့ ကျေးဇူးတရားတွေ အများကြီးရှိပါတယ်။ အဲ့တာကြောင့် ကျွန်တော် လိမ်ညာပြီး အချိန်မဆွဲထားချင်ဘူး။ ကျွန်တော်တို့ ကူပေးနိုင်လည်း နိုင်ငံတွင်းထိပါပဲ။ ကိုသူရိန်ကိုယ်တိုင်လည်း သိမှာပါ။ ကိုသူရိန့်သားကိုသာ မျိုးစပ်သတ္တဝါက တကယ်ပြန်ပေးဆွဲသွားတာဆိုရင် ဒီနိုင်ငံထဲမှာရော၊ အခြားနိုင်ငံတွေမှာရော မရှိတော့ဘူးဆိုတာကိုလေ။ ပြီးတော့ ပြန်ပေးဆွဲသွားတဲ့သူက သူ့ကောင်လေးပုံစံအတိုင်းလို့လည်း ပြောခဲ့သေးတယ်နော်။ ကိုသူရိန့်အမျိုးသားကလည်း အရင်က စိတ်ကျန်းမာရေးကို ပြင်းပြင်းထန်ထန် ခံစားခဲ့ရသေးတယ်မလား။ အမျိုးသားဖြစ်သူက သားဖြစ်သူကို မခွဲနိုင်လို့ စိတ်ထဲထင်ရာ ဇာတ်လမ်းတွေ ထွင်နေတာလည်း ဖြစ်နိုင်တယ်ဆိုတာကို ထည့်တွေးပေးပါ....."
YOU ARE READING
Love Curse ( အချစ်ကျိန်စာ ) Season 3
Fantasyရှိန်းသုတမဟာဆိုတဲ့ လူသားကောင်လေးရဲ့မျက်ရည်တွေက အဂ္ဂိဆိုတဲ့ငါ့တစ်ယောက်ထဲရဲ့အပိုင်........
