မင်းခန့် ကောင်လေးပို့ပေးလာတဲ့ location အတိုင်း လာခဲ့တော့ ဘားတစ်ခုရဲ့ အရှေ့ကို ရောက်လာခဲ့သည်။ မင်းခန့် က ကားပါကင်မှာ ကားကိုအရင် နေရာတကျ အရင် ထိုးလိုက်သည်။
ဘား အဝင်ဝကို ရောက်တော့ ဘားအဝင်ဝ မှာ စောင့်နေတဲ့ လုံခြုံရေးနှစ်ယောက်က သူ့ကို တားလေသည်။
"ဘားထဲကို ဝင်ဖို့ ကဒ် ပြပေးပါ"
လုံခြုံရေး နှစ်ယောက်ထဲက တစ်ယောက်က သူ့ကို မေးလာသည်။
မင်းခန့် နည်းနည်းတော့ စိတ်ရှုပ်သွားရသည်။ ဘားထဲကို ဝင်ဖို့ ကဒ်တွေက လိုတယ်ပေါ့ ။ သူ့မှာ ကဒ်မှ မပါတာ သူဘယ်လိုလုပ် ဝင်လို့ ရမှာလဲ ။
မင်းခန့် ဖုန်းကို ထုတ်ကာ ကောင်လေးကို ဖုန်းခေါ်လိုက်သည်
" ဟယ်လို ရောက်ပြီလား "
"အင်း အပြင်မှာ ရောက်နေပြီ ကဒ်ရှိမှ ဝင်လို့ ရမှာတဲ့ "
"ဝိတ်တာ တစ်ယောက် လွှတ်လိုက်မယ်"
"အင်း"
သီဟ အနီးအနားက ဝိတ်တာ တစ်ယောက်ကို လှမ်းခေါ်လိုက်ကာ ကို မင်းခန့် ကို သူ့ဆီ ခေါ်လာခိုင်းဖို့ ပြောလိုက်သည်။ ဝိတ်တာ ကောင်လေးက ခေါင်းကို တစ်ဆက်ဆက် ညိမ့်ကာ ထွက်သွားလေသည်။
မင်းခန့် အပြင်မှာ စောင့်နေတုန်း ဝိတ်တာကောင်လေးတစ်ယောက်က သူ့ အနားသို့ရောက်လာပြီး
" ဒီက အစ်ကို မင်းခန့် လား ဗျ "
"ဟုတ်ပါတယ်"
"ကျွန်တော့်နောက်လိုက်ခဲ့ပေးပါ ..... သခင်လေး ဆီ ခေါ်သွားပေးပါ့မယ်ဗျ"
"ဟုတ်ပြီ"
မင်းခန့် လည်း ဝိတ်တာ ကောင်လေး ခေါ်ရာ အနောက်သို့ လိုက်သွားလိုက်သည်။ ဝိတ်တာ ကောင်လေးက သူ့ကို အခန်း တစ်ခု ရဲ့ အရှေ့ကို ခေါ်လာခဲ့သည်။ ထို့နောက် ဝိတ်တာ ကောင်လေး က သူဘက်သို့ လှည့်လာကာ
"အထဲမှာ သခင်လေးရှိပါတယ်ဗျ "
မင်းခန့် တံခါးကိုဖွင့်ကာ ဝင်လိုက်တော့ ကောင်လေးက ခြေထောက်နှစ်ဖက်ကို ချိတ်ကာ အရက်ခွက်ကို ဟန်ပါပါနဲ့ ကိုင်ထားကာ တစ် ငုံချင်း သောက်နေတာကို တွေ့လိုက်ရသည်။
YOU ARE READING
ချစ်ခြင်း သစ္စာ
Action"ငါလေ သွေးစွန်းတဲ့လက်တွေ မလိုချင်ဘူးမောင်" "မောင် က ကိုယ်စားအစွန်းခံပေးမယ် ၊ တစ်ခုဘဲ မောင့် တစ်ယောက်တည်းကိုဘဲ ချစ်ပေးပါ " "ငါေလ ေသြးစြန္းတဲ့လက္ေတြ မလိုခ်င္ဘူးေမာင္" "ေမာင္ က ကိုယ္စားအစြန္းခံေပးမယ္ ၊ တစ္ခုဘဲ ေမာင့္ တစ္ေယာက္တည္းကိုဘဲ ခ်စ္ေပးပါ "
