ما ظنها ياربع خلقت من الطين.. فقولوا ما شاءلله كلكم يا رجاجيل

Part«14»

-الحمدلله-
-لا أستبيح النقل أو الأقتباس-
والبنات ميتات ضحك عليهم وبالغصب مو مطلعات صوت
.
جلست غيم على الكرسي ومعها حلا ورعد وعناد يناظرون بالسطح ومبتلشين فيه
ضحكو عليهم وناظر رعد لـ غيم ونطق مالقيتو غير جدي تنادونه
ضحكت غيم وابتسم رعد من سمع ضحكتها واحتدت ملامحه وشد على يده من ناظرها تنزل نقابها وحجابها لكنه استغفر لأنه بالنهاية عناد يبقى أخوها رغم غيرته لكن مايقدر يحكي شي أبد
ابتسمت بخفه من عرفت بغيرته والتفت تناظر حلا إلي منزله راسها وتضحك بدون صوت على ملامح رعد
تأفف رعد وبدأ ينظف يلهي نفسه عشان مايرتكب جريمه من غيرته الزايده
ضحك عناد من فهم كل شيء وتقدم يساعد رعد وكانو غيم وحلا يتكلمون
تأففت حلا ونطقت بهمس: ذول الشياب مملين أبي فعاليات
غيم بضحكه: حياتي جايين ينظفون وش فعالياته
التفتو لجوالاتهالتفت ل غيم إلي تبكي وحاطه يدها على فمها ورعد عندها يهديها
وتقدم لها وهو يمسك يدها ونطق بعيون مليانه دموع: تكفين غيم هو يحبك ويسمع منك تكفين قولي له اني ما اقدر اخذ غيرهن من وصلهن إشعار وكان من قروب البنات وكان فيديو
فتحو الفيديو وناظرو محسن وراشد ونواف وهم يرقصون ومن جاء الجد ناصر وفرطو البنات يضحكون
التفتو رعد وعناد يناظرون البنات وكيف يضحكون واستغربو
رعد: بنت أنتي وياها وش ذا الضحك
استقام غيم وهي تمشي وتترنح من الضحك وتقدم رعد يمسكها ومدت الجوال لهم وهم يناظرون العيال يرقصون
سكتو يناظرون بعض ومن ثم ضحكو بعلو صوتهم وكان منظرهم يرثى له كل واحد يضحك أكثر من الثاني واشكالهم تضحك
بعد ماهدو رجعت غيم تجلس ورعد وعناد يكملون تنظيف
مسك رعد الدلو إلي فيه المويه وهو يرميهم بالأرض والتفت ل غيم إلي شهقت ونطقت احح من كب مويه
كتم عناد ضحكته من رعد إلي نسى البنات ورمى المويه وجات على رجولهن
ناظرته غيم ونطقت خير رعد تكب علي مويه تراها مره بارده وتعرفني ماتحمل البروده كثير
عض شفته وهو يتقدم لها ونطق أسف والله مانتبهت ياعيوني
هزت رأسها ونطقت خير إن شاءلله
رفع أنظاره ل حلا إلي تناظرهم وعناد إلي منزل رأسه للأرض
ابتسم وتقدم يهمس لها: لو أننا لوحدنا كان عرفت كيف أراضيكي لكن الوضع الآن لايسمح
عضت شفتها وهي تصد بأنظارها عنه من فهمت قصده وهي تعرف كيف هو يراضيها
ابتسم من عرف أنها خجلت واستقام وهو ينطق يلا خلنا نخلص
ابتسمو وتقدمو عناد ورعد يكملون وهم مو طايقين حتى يسوون شي وكان شغلهم ماشي حاله
.
عند حسين وعبدالرحمن
بقو بالمطبخ بعد ماطلع الكل وجلس عبدالرحمن على الطاوله وحسين راح يفتح الثلاجه يشوف إيش في أكل عشان ياكل
تأفف عبدالرحمن وهو يشوف المطبخ رغم انه مافي أشياء كثيره لكنه يشوفهم كثييير
ضحك حسين وهو يسكر الثلاجه ويتقدم ل عبدالرحمن ومعه صحن كبير فيه حلا وكان شكله لذيذ مره
عبدالرحمن: ياخيي جيتني على الوجع وربي كنت جوعان مره
جلسو ياكلون وكل شوي يجيبون شي ويصبون عصير وماكأنه الجد منبهم
التفتو ل وجد وليلى من دخلو المطبخ ومعهم سناكات وشهقن من شافوهم ياكلون وصار المطبخ حوسه
تقدم حسين بسرعه وهو يمسك ليلى ونطق هشش تعالي كلو
ناظرن بعض البنات واستسلمن وهن يتقدمن ياكلن معهم وكانو ياكلو ويضحكون ويستهبلون
.
تنهدو براحه بعد ماطلع من عندهم الجد ناصر وناظرو أشكالهم وهم يضحكون بعلو صوتهم وكان كل ذا يتوثق من قبل ليان ولمار ولانا
جلسو بعد نوبه ضحك ونطقت لمار بجديه: ترا جدي حط وقت ساعتين وعندكم اكثر من غرفه وانتم للحين ماخلصتو غرفه وحده هياا
فزو العيال لأنو لو ماخلصو على الوقت بينجلدون
ضحكو البنات على فزتهم ونطقت ليان أنا بروح اجيب مويه وشويه سناكات خلن عيونكن عليهم
راحت ليان وبدأو العيال ينظفون بطفش وهم مو عاجبهم الوضع وكان نواف أكثر شي يكرهه يرتب غرفته وكان يخلي دايم ليان تنظفها او اي وحده من البنات
كان نواف يرتب الملابس ومحسن الأرض وراشد يمسح الطاولات
.
كانت ليان بتدخل المطبخ لكن توقفت من ناظرتهم اربعتهم ياكلون شهقت بخفيف ونطقت بخبث: انا اوريكو
تقدمت تروح لغرفه الجد ناصر والجده نوره ودخلت لأن كان الباب مفتوح ونطقت يبه
الجد ناصر: وش بغيتي
ليان: يبه رح شف المطبخ صار حوسه أكثر منا قبل وعبدالرحمن وحسين ووجد وليلى ياكلون
احتدت ملامح الجد وهو يستقيم ويتوجهه للمطبخ وناظر وكانو صدق زي ماقالت ليان ونطق بحده: انا قال لكم تشتغلون والا تتسممون وانتن بعد مشاركات
غص حسين بالأكل وعبدالرحمن إلي مايدري كيف بلع لقمته ووجد وليلى تجمدن
ليلى بتوتر: ياجدي حنا شدخلنا هم يشتغلون مو حنا
الجد ناصر: اي يشتغلون واذا ما اشتغلو تعالو قولو لي مش تشفونهم ياكلون وتاكلون معهم
وجد: ياجدي حنا كلينا بس يعنـ
الجد ناصر بحده: اقول لا بس ولا شي انثبرن بالزاويه وحسين ودحوم اشتغلو واذا برجع واشوف نفس الاول انتن يالبنات بتنظفون بعد
راحن بسرعه البنات يجلسن والعيال تأففو بضجر وهم يبدون بالتنظيف واكتشفو انهم فعلاً خلو المطبخ مره حوسه وهو ماكان فيه ذاك الشي
.
عند أحمد ومطلق
كان كل واحد واقف بزاويه وتالا وشهد جالسات بمكان نظيف ومرتب ويناظرون العيال
أحمد: انا برتب وانت امسح
هز رأسه مطلق وفعلاً بدأ احمد يرتب ومطلق يمسح الطاولات وينظف الأرض وبعد وقت قصير انتهو من مجلس الرجال
واستقامن البنات وهن يمشن ورا العيال ودخلو مجلس الحريم وكان فوضى
حطو العيال يدينهم على رؤوسهم يضجر ونطق مطلق: اففف وش ذا
أحمد: يارجل نهاية عمرها ننظف
تنهدو وهم يبدون ينظفون وكانو منفسين لأنهم يشتغلون وهم ماتعودو على ذا الشي
ضحكن البنات عليهم وكان المجلس بالاساس نظيف  بس البنات يلي وسخوه عشان العيال ينظفون ويتعلمون
.
دخلت ليان الغرفه وهي تضحك ومعها سناكات ونطقت بحماس: تخيلو وش صار
فزو العيال والبنات عندها وضحكت من حماسهم وجلست بالأرض ونواف وراشد ومحسن ولانا ولمار حولها وحطت السناكات بالنص
ونطقت بكل حماس: كنت بدخل المطبخ ولقيت دحوم وحسينووه ووجد وليلى ياكلون وطبعاً انا شسويت
كلهم بصوت واحد: شسويتي
ضحكت ليان ونطقت بخبث: رحت ل أبوي وقلت له عنهم وهو راح بهدلهم
ناظروها بذهول وضحكو بعلو صوتهم وهم يسمعونها تكمل وكيف كانت اشكالهم وطبعاً ماتطون ليان اذا ماوثقت الحدث
لانا: شوفو هلحين انتم ماخلصتو شي ابد يعني بس غرفه والا باقي كمان ف لازم تخلصون بسرعه
لمار: اي وحنا لازم نلقى فعاليه
ليان: يسسس
تأففو العيال وهم يكملون تنظيف ولابد من الاستهبال
.
عند وليد وسعد
كانو واقفين بنص الحوش وبيدهم ادوات التنظيف وكان الحوش كبير وحوسه منهم يوم خرعو البنات وكانو ميلان وملاك وعهد
تقدمن البنات يجلسن على الكراسي الموجوده ومعهن قهوه وحلا وسعد ووليد مبتلشين مو عارفين شي
تقدم وليد ينظف لأن كان يشتغل أشياء بسيطه أما سعد ف بحياته مانظف شي ف مايعرف
حك جبهته بوهقه وناظر وليد إلي يبعد الكراسي وكان في جلسه بالحوش ابعدها وكل شي مابقى غيرهم والبنات جالسين بعيد عنهم
التفت يناظر ملاك إلي تناظر وابتسم بخفوت
ناظرت ملاك البنات ونطقت بنات ماتحسون انهم مايعرفون شي
عهد: اي احسن خلهم ينكبون
ميلان: لا حرام خلنا على الاقل نقول لهم وش يسوون
ملاك: اتفق معك
عهد: اجل تمام
استقامو ملاك وميلان وهن يرةحن عند العيال وناظروهم وهم ساكتين
ميلان: شوفو حنا شايفين انكم مو عارفين تسوون شي
ملاك: ف قررنا اننا نقول لكم وش تسوون
ميلان: لأنو لو ساعدناكم رح نتعاقب وحنا مو مستعدين للعقابات
سعد: حنا ننظف بس قولو لنا وش نسوي ابك وربي مني عارف وش اسوي
ضحكت بملاك بخفوت ونطقت شوفو اول شي جيبو المويه ورشوها بكامل الحوش واسقو الزرع كله وبعدها حطو من المنظف ونظفوه كويس
ميلان: وواحد يكنس هنا ويمسح الطاولات وقيمو الفرش إلي يحتاج غسيل والباقي رتبوه
سعد: بس
ملاك: بس، مايحتاج شي مره سهل لكن مو تسوون عكس إلي قلناه انتبهو
رجعو البنات وهن يجلسن ويروقن ويناظرون العيال إلي يناظرون بعض وكأن كل واحد يقول للثاني انت ابدأ
تأفف سعد وهو يتقدم ياخذ الدلو إلي فيه المويه وهو يوزعهم بكامل الحوش
ناظر وليد إلي يعبي مويه ويسقي الزرع وابتسم بخبث وهو يصرخ: وليد وليد
لف وليد برعب وجمد وجهه أول ما كب سعد عليه مويه
شهقو البنات وضحكو بقوه
ناظر وليد سعد إلي يضحك وناظر المويه إلي معه وهو يرميه على سعد
شهق سعد بصدمه وهو يناظر وليد إلي يناظره وضحكو بقوه على أشكالهم
.
عند أحمد ومطلق
كانو تالا وشهد طفشانات لأن احمد ومطلق كانو ينظفون وكل واحد منفس وماله خلق واذا تكلمو صفقوهم وماعندهم أي فعاليه
ناظر أحمد شهد وتالا وشافهن طفشانات وهو طفش ومو مصدق متى يخلص
تقدم ل مطلق إلي يرتب الطاولات ونطق بهمس: ولد
التفت له مطلق ونطق وشو
احمد بهمس: قصر صوتك
مطلق بهمس: وش فيك
أحمد: شف البنات طفشانات وانا طفشت شرأيك نسوي فعاليه وكذا يعني عشان نتسلى
مطلق: منجدك انت
احمد: لا من عمي هههه، سكت من نظرات مطلق ومن ثم اردف: لاصدق خلنا نسوي فعاليه يالشايب
مطلق: هالحين أنا شايب
أحمد: اي شايب ماتشوف أنك ماتبي فعاليات بالنفسيه
مطلق بحده وهو يتقدم له: اجل انا شايب ونفسيه
أحمد إلي تحمس وهو جوه المشاكل والضرب ونطق يشدها عشان يتهجم مطلق: اي شايب ونفسيه واعلم مابخليك اركبه
ضحك مطلق من عرف نيته احمد والتفت للبنات إلي يناظرونهم وهم مو فاهمين شي من همسهم ونطق أجل انا اوريك مين الشايب والنفسيه
وتقدم بحركه سريعه وهو يمسك يده ويلفها وهو ينزله بالأرض بحيث أن احمد مايقدر يتحرك
لكن أحمد مو بهل سهوله يرضى يضل ساكت
مرر يده بهدوء وهو يمسك رجل مطلق ويسحبها بحيث مطلق يترك يده وأحمد يصير فوقه ويمسك ياقه ثوبه ونطق أجل ودك تمنع حركتي
كانن البنات منصدمات منهم ومو عارفين شجاهم وكانو بينادون العيال لكنهن سكتن من شافن ابتساماتهم وعرفو انهم يمزحون وهن متعودات على مزح العيال ذا
بدأو مطلق وأحمد يهبدون بعض ويتصارعون
نزل مطلق العقال حقه وأحمد بالمثل وهم يهبدون بعض وكانت ضرباتهم خفيفه ومنها إلي توجع وكانو يحاولو مايضحكون لاجل مايخربون شي لكن بالنهايه أحمد ماقدر وهو ينسدح بالارض ويضحك بعلو صوته ومطلق من شافه يضحك جلس يضحك والبنات يصورون ويضحكون
.
*السطح*
غيم: رعد
التفت لها رعد إلي كان يرتب جلسه السطح ونطق سمي
ابتسمت غيم ونطقت جاي على بالي فراوله
فز رعد ونطق ابشري الحين اجيب لك
ابتسمت غيم له وتقدم رعد ينزل من السطح ويروح المطبخ
يدخل ويناظر عبدالرحمن إلي ماسك صحن بيد والليفه بيد ثانيه وينظف فيه ومنظره يضحك وحسين إلي يمسح ويرتب على يد عبدالرحمن وهو كل شوي يهبده من حلطمته والبنات يصورونهم ويضحكن
ضحك بعلو صوته على اشكالهم وفزو العيال وهمي ناظرون رعد يضحك عليهم وكشرو
رعد بضحكه: والله اخرتك انت وياه تنظفون المطبخ
شمق له حسين ونطق اقول اسكت بس ماحط بذمتي عن مهي غيم عامله مسيطره عليك ومخليتك تنظف البيت كله
ناظره رعد بحده والبنات يضحكون وعبدالرحمن يتحلطم
تقدم رعد يفتح الثلاجه ويدور فراوله لين ما لقى وهو يحطها بصحن ويغسلهم ويطلع يروح السطح
ناظر غيم إلي تناظر السماء وباين انها ضايقه
تقدم وهو يجلس بجانبها ويمد لها صحن الفراوله ونطق تفضلي
ناظرته غيم بعيون مغورقه دموع ونطقت رعد احس ببكي
استغرب رعد ولف على حلا وعناد إلي يناظرونهم ومستغربين بالمثل  ونطق بحنيه: ليه ياعيوني وش فيك
تقدمت غيم تحضنه ونطقت مادري احس ودي ابكي
حلا وعناد إلي كتمو ضحكتهم من انقلاب وجه رعد لأنهم عرفو أن كل ذا هرمونات حمل والظاهر أنها كل شوي بتصير دراما
رفع يده وهو يمسح على شعرها وشوي وبتدت غيم ونطق بتكشيره: رعد وش ذا العطر الخايس لوعت كبدي به
ناظرها رعد بصدمه ونطق ابك مانتي يلي جبيته لي وتحبينه الحين صار خايس
ضحكو عناد وحلا من غيم يلي شوي وتجنن رعد من هرموناتها يلي مايدرون اذا بتضل كذا او لا
لفت غيم للجهه الثانيه ونطقت لاتكلمني رح
ناظرها رعد بصدمه ونطق الحين ماتبيني
غيم: اي رح مابيك ريحتك خايسه
حلا بضحكه: والفراوله
التفت غيم وهي تاخذ الفراوله وتعطي ظهرها ل رعد وتاكل ودموعها شوي وينزلون
استقام رعد وهو مصدوم ونطق غيم بروح
ناظرته غيم ونطقت اي رح لأنك ماتحبني لو انك تحبني ماكان خليت ريحتك خايسه وبكت
اما عند خلا وعناد إلي انصرعو من الضحك على رعد المصدوم وغيم إلي كل شوي بمزاج
خرج رعد بصدمه يوقف عند باب السطح بحيث مايبين ويمسح بكاء غيم وشوي وسكتت
وهي تستقيم وتروح ل عناد ونطقت بنبره بكاء وملامح بريئه وطفوليه: صح انت اخوي
عناد: اي اخوك امريني
غيم وهي مبوزه: طلقني من رعد ريحته خايسه مابيه
ناظروها بصدمه وتقدم رعد لها ووجهه اصفر وملامح الصدمه بوجهه
غيم بصراخ: لا بعدد ريحتك خايسه وحطت يدها على وجهها
عناد وهو كاتم ضحكته: خلص رح بدل وسوي اي شي تروح ريحه العطر وتعال
هز راسه رعد وهو يطلع ويروح يدخل غرفه نواف إلي كانو توهم منظفينها وتقدم ياخذ تيشيرت من عنده يلبسه وشم ريحته وماكان في شي
وكلع للسطح وتقدم ل غيم إلي جالسه بالزاويه وتناظر القمر وتاكل وهي تبكي
ضحك بخفه على منظرها وتقدم لها ونطق شوفي الحين مافي ريحه تبيني
ناظرته غيم وهي تبكي وشهقت ونطقت جوعانه
التفت رعد لـ حلا وعناد إلي يضحكون وضحك معهم ونطق ابشري الحين اجيب لك اكل وش مشتهيه
مسحت غيم دموعها ونطقت بتفكير: امم ودي بـ كبسه
رعد: ابشري الحين اروح اجيبلك
استقام رعد وهو يخرج
.
بالحوش
بعد موجه ضحك رجعو ينظفون
تقدم وليد وهو ياخذ من الصابون وهو يحطه على الأرض
وتقدم وهو يرفع بنطلونه ونطق سعدد
التفت له سعد ونطق هاه وش تبي
وليد بحماس: شرايك نتزحلق
ناظره سعد شوي من ثم ترك يلي بيده وهو يتقدم له ونطق يلا
ضحك وليد بحماس وتقدمو وليد وسعد وهم يتزحلقون والبنات يصورون ويضحكون عليهم وبنفسهم يجربون لكن مايقدرون
خرج رعد وناظر وليد وسعد يتزحلقون ووقف بصدمه وليد ممكن يتوقع منه كذا واكثر لكن سعدددد
تقدم لهم وهو يضحك بصدمه ونطق سعد ابك انت لا مستحيل
ضحك وليد ونطق بصراخ وحماس:  ياولد تعال جرب
ابتعد رعد ونطق لا لا بروح اجيب اغراض اتزحلقو انتو وطلع وهو يضحك ولكنه للحين ضايق شوي من هرمونات غيم يلي مايدري هي دايم بتبقى كذا والا لا
ركب سيارته وهو يروح ل اقرب مطعم وطلب كبسه وجلس بالسياره ينتظر إلين ماجهز الطلب واخذه وهو يروح البقاله يشتري مشروبات وعصاىر وسناكات ويرجع البيت
يدخل وهو حامل الكياس ويطلع السطح بدون أحد يشوفه
يدخل السطح ويناظر لـ عناد إلي مخلص كل شي بس باقي يرتبون الجلسه وحلا إلي جالسه جنب غيم وغيم تتأملهم ونطق السلام عليكم
الكل: وعليكم السلام
تقدم وهو يجلس بجانب غيم ونطق عناد تعال
تقدم عناد يجلس بين رعد وغيم
وطلع رعد الكبسه وهو يحطها بالنص ومن ثم طلع العصائر وهو يوزعها
ونطق سمو بالله
سمو وبدأو ياكلون وكان رعد مهتم باكل غيم جداً وغيم تسولف وتمزح ما كأنها كانت تبكي ومو متقبله رعد
بعد ما خلصو استقامو يغسلون وينظفون مكانهم ورعد إلي رتب الجلسه
ناظرو السطح بعد ماخلصو وابتسمو من نظافته وترتبيه وجلسو بالجلسه ورعد يحط السناكات بالنص وحلا تجيب اوراق ويلعبون ويستهبلون وكانو يحاولون يغرون نفسيه غيم إلي كل شوي مايعجبها شي او تضحك
.
بالحوش
بعد ما تزحلقو العيال واستهبلو وخلصو نظفو كل شي وهم مببللين وحالتهم يرثى لها لكنهم خلصو وكان باقي الترتيب
راحو يتروشون وبعدها رجعو ضبطو الكراسي والجلسه ومن انتهو وقفو وهم يناظرون الحوش بتعب وابتسامه ملازمتهم وكان الحوش يجنن ترتيبه ناعم ورايق ويلمع ومع الليل جلسه من الأخر
ناظرت ميلان سنابات حلا ونطقت عاملين جلسه بالسطح
وليد: من
ميلان: عناد ورعد وغيم وحلا
سعد: امشو نروح لهم
مشو يروحون السطح وفاتن البنات وبقو العيال برا إلين ماتغطت غيم ومن ثم دخلو وهم يجلسون ويتكلمون وكانو جوهم هادي لأن مامعهم راشد ومحسن ونواف وليان
.
بالمطبخ
بعد ما انتهو عبدالرحمن وحسين من تنظيف جلسو بتعب والبنات يسولفون ولا هم يمهم
حسين: هي بنت
التفتو له البنات ونطقت ليلى: وش فيك
حسين: هسا منجد انتم كل يوم تنظفون زي كذا
ضحكت ليلى ونطقت يحبيبي وش نظفت انت أصلاً هذا ولاشي
عبدالرحمن: اح كل ذا ولا شي وحنا تعبنا من ولا شي
استقامن البنات ونطق حسين: شوفو من خلص ووين مجتمعين وقولو لنا
هزو رؤوسهن وتقدمن يروحن يشوفن الحوش نظيف ومافيه احد والغرف نصها نظيفه وعرفو انهم بالسطح وراحت ليلى تقول لهم وخرجو كلهم للسطح
دخلو وهم يسلمون وبعدها جلسو وكانو كلهم مجتعمين ماعدا السداسي
رعد: لازم نقفل الباب عشان مايجون المصاريع ويصرعونا
غيم وعيونها فيهن دموع: حرام ليه تقول عنهم كذا
التفتو لها بصدمه وضحكو عناد وحلا
حلا بضحكه: لا تنصدمون الهرمونات ضاربه عندها
رعد: الحمدلله والشكر
ضحكو على غيم ألي شوي تبكي وشوي تضحك وشوي تشتهي شي ورعد كل شوي ينصدم منها
.
بأحد الغرف الأضافيه بالبيت
كانو موجودين السداسي وكل واحد جالس بمكان منهم إلي يغني مثل نواف ومحسن ومنهم إلي على الجوال مثل ليان وراشد ومنهم إلي يهوجس مثل لانا ومنهم إلي يتامل عيشتهم مثل لمار
تنهدت ليان بملل وهي تنطق مابتخلصون
محسن بتحلطم: ياخي وش نخلص هذي ثالث غرفه حنا اكثر من كرفنا
لمار: اي بس لا تنسون انتم اكثر شي
نواف: شرايكم نتساعد ونخلص بسرعه
ليان: اي بليز لأن العيال والبنات متجمعين بالسطح ومابقى غيرنا
فزو العيال من سمعو بتجمع وهم يحبون يجتمعون مع بعض وبدأو ينظفون
.
المجلس
بعد ما حسو انهم سوو فعاليه ابتعدو عن بعض وهو يرتبون ملابسهم ويبتسمون وتقدمو يخلصون اخر شي وهم يخرجون من المجلس بعد مابخروه ويخرجون السطح لان دقو عليهم وقالو لهم
.
بالسطح
جالسين العيال بجهه والبنات بجهه وكان بالنص في سناكات والعاب وورق
لكنهم رغم كل ذا طفشانين يحسون الجلسه ماتحلى الا اذا كانو موجودين نواف وراشد ومحسن وليان
التفتو من دخلو محسن وراشد ونواف مع بعض ماسكين يدين بعض ووراهم ليان ولمار ولانا نفس الحاله وكانو العيال يمشون كانهم بعرض أزياء ويستهبلون
انتشرت ضحكاتهم بين بعض من استهبالهم وكأن الحين صدق حلوت جلستهم
جلسو العيال بالنص وليان معهم ولمار ولانا عند البنات
محسن وهو ينسدح ويحط راسه على رجع نواف ويدها بحضن راشد ونطق اهخخ ياظهري يا اني تكسرت
نواف: وربي تعبت اخر مره اتفق على شي معكم
التفتو كلهم له وضحكو
عناد باستغراب: وش فيكم
محسن: والله يالاخو معك عمك ذا الخبل كل مانسوي شي وجدي يعاقبنا يصير يقول " وربي تعبت اخر مره اتفق على شي معكم" جملته المشهوره وثاني يوم يجيبلك خطه جهنميه لا تعلم من فين يجيبها
ليان: هو العقل المدبر للمصايب
غيم:  لا حرام لا تظلمونه مو دايم هو احيانا منكم تيجي الخطط
راشد: صح أحياناً حنا نجيب خطط لكن اكثرهم منه
عناد: ماشاءالله حلو
نواف بغرور: ادري ادري
ليان: يوووه الحين يشوف نفسه علينا
حلا: يطلعله عمي الحلو
نواف: شوفولي ذي بنت الاخو الكفو تعلمو تعلمو
ضحكو وتقدمو يلعبون وكان جوهم حلو
تغيرت نفسياتهم بعد ذي الجلسه وبدأو يتخطو شوي
ناظر رعد لـ غيم إلي متربعه وحاطه يدها على خدها وتناظرهم وتعبانه
استقام رعد وهو يتقدم لها ونطق هيا قومي
ناظرته ونطقت بهمس: ابي اروح
هز راسه وهو يمسك يدها ويقومها ونطق حنا نستأذن
العيال: وين لسا تونا جلسنا
رعد: والله ياعيال تأخر الوقت وبكرا بنصحى بكير عشان جدي يبينا
هزو رؤوسهم وراحو رعد وبعدها بدأو شوي شوي يروحون
نزلن لمار ولانا مع ليان وهن يدخلن غرفتها وكانن موجودات تالا وشهد وعهد وملاك
وكانن فارشات جمب بعض عشان سهرتهن لانهم بينامون مع بعض
اما العيال
كان عناد بيروح عشان امه ماتبقى لوحدها لكن العيال اصرو عليه انه يبقى ورن على امه وقال لها بيبقى هو ولمار ولانا عندهم وهي قالت له انه يضل ويستمتع
وجلسو عناد ونواف ومحسن وراشد ووليد وعبدالرحمن وحسين والباقي راح
عناد: شرايكم ننام هنا
محسن: اي والله صدق الجو يجنن
استقام نواف ونطق اجل بننام هنا ثنين يجون ناخذ الفرش والباقي ينظف الحوسه لبين مانجي
نزل  نواف وعناد ووليد ومحسن وراشد وعبدالرحمن  وحسين بداو يرتبو السطح ويقيمون الحوسه
نزلو نواف وعناد ووليد وهم يروحون غرفه نواف اخذو كم فرش وبعدها راحو عند غرفه ليان
دخل نواف بعد ما اعطى الفرش لهم ونطق يابنات ودنا ب فرش
ليان: ليه وين بتنامون
نواف: بننام بالسطح
استقامو البنات يحطونه فرش وبعدها طلعو
فرشو السطح وطفو كل الأضويه ومابقى غير ضوء القمر وكان الهوا يلعب بهم والجو خيالل
كان عناد منسدح ويده تحت راسه ويناظر القمر ونواف ومحسن نفس حالته ووليد وحسين وعبدالرحمن وراشد كانو إلي على جواله وإلي يهوجس وإلي نايم
وكانت ذي الايام تسوي لهم ذكري جميله جداً وكانو سعيدين بالحيل
كان كل منهم يهوجس بحياته وبالتغيير يلي صار عليهم
التفت عناد يناظر نواف إلي يهوجس ومو يمهم ووليد يطقطق بجواله وكل شوي يتبوسم وباقي العيال نايمين
انتبه نواف لـ عناد إلي يناظر وجلس يتربع ويقرب له ونطق وش فيك
جلس عناد وهو يتكتف ويناظر نواف بعيون تعبانه ونطق بغصه: أول مره أحس أني بين أهلي
سكت نواف يناظره ويسمع غصته وهو يشعر بالحزن الشديد عليه لأنو من وصفه عن حياته تعرف أنه ماعاش شي قليل
رفع رأسه عناد يناظر السماء ونطق كنت أتمنى يكون عندي أب حنون يحبني ويخاف علي أب يهتم فيني أب يحسسني أني ولده صدق أب يكون لي السند والأخ والصديق كنت أتمنى
سكت من عبرته المخنوقه ونطق برجفه:لكن فهد ماكان لي غير ذكرى عذاب
ناظر نواف إلي لمعه عيونه ظاهرة رغم الظلام وكيف أنه متأثر ونطق أخواتي ماكان لهم فهد الأب الحنون والسند لا، أنا يلي عوضتهن عن حنان الأب انا يلي كنت لهن نعم الأب والأخ لاني مابيهن يعيشن ربع يلي عشتو
نواف أنك تحس نفسك يتيم وأبوك عايش شعور صعب جداً شعور ان ابوك هو سبب عذابك وخلاك يتيم وهو موجود شعور صعبب جداً
نزل رأسه نواف من كلام عناد وحس بحقد اتجاه فهد
اخذ نفس ونطق طيب ليه كان يسوي كذا وهنا يعامل الكل احسن معامله
عناد: ذا الشي الوحيد يلي ماقدرت اعرفه ليه كان يعذبني انا بالذات ليهه انا واخواتي وامي دمرنا ليه وش شرينا له
نواف بتساؤل: طيب السؤال كمان ليه تزوج امك وهل تزوجها اول شي او الثانيه
تنهد عناد وهو ينطق قصه غامضه بدها تفكير عميق وتركيز دقيق
نواف: تهقى أن امط او اخواتك يعرفون شي
عناد: ماعرف خلها بعدين اشوف اذا يعرفون او لا هالحين حالتهم شوي صعبه أمي مره تعبانه ومنهاره وتعمدت اتركها لوحدها لانها بحاجه هذا الشي واخواتي يعني بدأت تتحسن اوضاعهم لكن لسا في غصه بداخلهم
انسدح نواف وهو يحط يد تحت راسه والثاني على بطنه تنهد ونطق والله ما ادري وانا عمك
سكت عناد يتأمل المكان وكل شيء ويشعر بشعور صعب شعور أنك تحس بأمان بعد سنين عذاب شعور مايفهمه سوا إلي جربوه
.
عند البنات
كانو جالسات حول بعض ويتكلمون بهدوء ومنهن إلي نايمات وإلي على جوالها تتبوسم كل دقيقه مثل ميلان
كانت ميلان تتكلم مع وليد على الجوال وكان وليد يحاول قد مايقدر يرسم الفرحه لـ ميلان
وليد: أبي أشوفك
سكتت ميلان تلتفت تناظر ليان ولانا وحلا ووجد يتكلمن وكتبت له"تمام بس وين "
ابتسم وليد يستقيم ويكتب لها"تعالي الحوش "
ناظر نواف وعناد إلي يناظرونه ونطق نواف بشك: وين رايح
شمق له وليد ونطق لا تدخل
ناظره نواف بطرف عين وهو متأكد ميه بالميه أنه رايح يشوف ميلان