بقلمي || زهراء
#جبروت_ ابي.
" باࢪت العشࢪون "
" بــسم ألله الرحــمن الرحـــيم "
( يِــــا عَـلــــيٌ )
~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.
شهگت ورجعت ليورا حطيت ايدي على حلگي
ركضو عليَّ الممرضين وهشام وجون
شالو كلهم وطلعوا بي من الغرفة
ذو الفقار چان واگف بمكانه يعاين على الدم الي بالأرضية
طلع بسرعة من الغرفة لاحگهم
ضلينه انه وارجُمان ودكتوره وممرضات ثنين گالت الدكتوره
- استغفر الله لعد شگد يحبها؟ بحيث موت روحه وراها.!
تقدمت على السدية الي بيها شهداء غطت وجها وسحلوها وياها الممرضين
اخذوها وطلعوا من الغرفه گعدت بالگاع صافنه
الشغلات الي صارت وگفت شعر راسي
احس بعد ماگدر اتحرك من مكاني
شصار؟؟
ماتوا ثنينهم معقوله؟؟؟
شهداء؟
راكان؟؟
رماد؟؟
ماتوا كلهم گدامي وكلهم عاشرتهم وعشت وياهم
ليش وشلون وشوكت
احس عقلي ما يستوعب الي صار
غمضت عيوني وماحسيت بشي بعد
مرت فتره ماعرف شگد بس اعرف روحي هواي نايمه
فتحت عيوني على كيف شفت روحي بغرفه بالمستشفى
درت عيوني اعاين ماكو احد يمي مجرد شي محطوط على وجهي وكانيولا بأيدي
لزمت راسي اريد اذكر شصار وشجابني لهنا ماذكر شصار !!
درت عيني على الباب لمن نفتحت دخل ذو الفقار
لازم اليدة مال الباب
عاينلي وميل راسه بتعب اجه بأتجاهي عاينتله ونزلت دمعة من عيني
مسحها بطرف اصبعة وهمس
- تردين تعوفيني انتِ هم؟
همست بالگوه
- عمو...
- اشش لا تحچين شي مو زين عليچ.
- شهداء وراكان.
- الله يرحمهم عرسهم بالجنة.
غمضت عيوني وصرت اشهگ وابچي بعلو صوتي واصيح
- الله يااخذهم دمروونه حيااتنه دمررت من وراهم ما رتااحينه بسببهم ما رتااحينه
الله ياخذهم الله يعذبهم مثل ما عذبوووونه.
حط اصبعه على حلگي مسكتني
- مو زين عليچ بابا.
- عمو راح يكتلونه كلنه.
- اشش حــور الــعـين اششش.
- صارلي شگد نايمه؟
- أسبوع.
ـ اسبو؏؟؟ عمو صارلي اسبوع نايمة؟
- حور العين ماگدر احچي كلمة على بعضها هسه.
سكتت وهوَّ ضل گاعد يمي
باس أيدي وراسي وخدودي ضل يبوس بية
رجعت نمت ماحاسه بشي
ورا فترة گعدت چانو آراي وهشام وجون وارجُمان وذو الفقار كلهم گاعدين ولابسين اسود
ذو الفقار من زمان لابس اسود
بس هسه كلهم لابسين اسود
أنت تقرأ
جــــبروت ابــــي
Romanceحقيقية.. الأب هوَّ الأمان هوَّ الحضن الي يلمنة بعد كل رحلة من التعب هوَّ السند هوَّ الشخص الي نلتجأ ألة بكل ضيق لكن ألأب بهذه الرواية بجبروتهُ وتحكمة يجعل ابنتهُ فريسةً سهلة لهذا المجتمع الذي يحارب المࢪئة لكن هناك من يقضي على هذا الجبروت وهذا التح...
