دخلتني لغرفة التصوير
و هذي كانت أول مره اشوف محمد فيها
كان حلو تبارك الرحمـٰن و ثيابه حلوين و انا ما اخبي عليكم أُعجبت فيه بس إعجاب عادي يعني مب حب
أمي كانت موجوده في الغرفه و كانت تطالع فينا و تبتسم هي و أم محمد
و أنا و محمد مدنقين روسنا للأرض و الخجل وصل ألف
طلع عمر من الغرفه و أخذ نورا عشان يتصورون مع بعضهم براحتهم في غرفه ثانيه لأن محمد كان واقف و نورا ما تعرف تشيل غطاها و تتصور..
أنا كنت واقفه جنب محمد و أم محمد وقفت قدامي و قالت..
أم محمد: انتي زوجة ولدي محمد صح
تالا: اي
أم محمد: يعني انتي حلاله
ما أعرف ليش بديت اتوتر من كلامها و قلت لها اي
أم محمد: عطيني عبايتك و شيلي غطاك عشان تتصورون مثل نورا و عمر
تالا: ااا لا ما يحتاج
محمد: يما اتركيها براحتها
أم محمد: تراها خجلت بس
عادي يما وش فيها انتي حلاله
اخذت عبايتي و شالت الغطى عن شعري
و جلست ساعه تقول ماشاء الله عليك تجننين
و انا وجهي أحمر خجلت
جات المصوره و صورتنا صور يجننون و كنا قريبين على بعضنا..
المصوره: ماشاء الله عليكم، واضح ماخذين بعض عن حُب
انا خجلت و ابتعدت عن محمد شوي و ابتسمت للمصوره و قلت لها شكرا
أمي: الله يخليهم لبعض يارب
أم محمد: آمين آمين يارب
أمي: شوفي كيف يبتسمون لبعض
أم محمد: اي يحبون بعض الله يخليهم
دخل عمر و معه نورا و انا ما كنت متغطيه
تخبيت خلف محمد و محمد واقف مصدوم ما يدري ايش يسوي، ركضت حلا اخت محمد و اعطتني عبايتها تغطيت و بقى شعري عطاني محمد الجاكيت حقه احطه على شعري حطيته و ركضت للحمام الله يكرمكم
نزل عمر و محمد للرجال
وانا كنت بالحمام اظبط شعري و الميك اب
و جيت بطلع
فجأه القى قدامي محمد..
تالا: وش جابك للحمام انت؟ تلاحقني؟؟
محمد: جيت باخذ الجاكيت حقي و ما الاحقك يا محور الكون يا أم الشعر الطويل
تالا: خذ الجاكيت حقك، بروح سلام
نزل محمد و أنا طلعت من الحمام
لقيت حور..
حور: كلهم نزلوا للقاعه و الحريم كلهم وصلوا و انا واقفه انتظرك هنا
تالا: اسفه خليتك تنتظريني
حور: ما عليك، فديتك
ابتسمت و نزلنا لقاعة الزفاف
نزلت مع حور و حور تسلم على الحريم و أنا خلفها اسلم عليهم معاها و جالسه تعرفني على كل حرمه تسلم عليها
وقفنا عند طاوله كانت جالسه وحده مع بنتها..
حور: هلا عمتي
عمتها: هلا يا قلبي
حور: أعرفك هذي تالا زوجة محمد المستقبلية
تالا: هلا خاله
عمتها: هلا حبيبتي
بنتها: بنات العايله كلهم ما حبهم ، ما لقى غير هذي ومن خارج العايله كمان
تالا: عفوا ؟؟
حور: تالا تعالي معايا
تالا: تمام
(عطيت البنت الإبتسامه الخفيفة ذيك)
مشينا للطاوله المخصصة لنا وجلسنا..... يتبع
أنت تقرأ
مُنـقِـذي
Romanceڪُنت مُـنـقِـذي في ڪُل ثانيةٍ في حياتي أحببتُكَ لأنك رجُلٌ نبيلٌ تفي بالعهودِ و الذممِ... كاتبـة القصـه هي أنــا،القصه حلوه كثير و اتمنى تقوموا بالتصويت لها و اتمنى أن تنال أعجابكم ...
