في قبضة البازخ

الحلقة 23⚜️

# في قبضة البازخ

بقلمي : ميرال علي

الطفاً لتنسون التصويت والتعليق ومتابعة حساب واتباد

يَشوَغاتي شبَعد وَتفض ! .

<~~~~~~~~~~~~~~~~~~~~~~~~>

~ غُفران ~

مرت أيام عادية علاقتنه اني وقيس كلش حلوه صح مرات يصير بينه مشاكل بس نحلها بسرعة حته متكبر مشكلة عُـلـيـا نجحت وراحت السادس وخطية 24 ساعة حابسه نفسها بــ غرفة وتقرة مرات احجي وياها اگلها ؏ كيفج وي نفسج لا تتمرضين تگلي ما اگدر أمتحانات قربت واني اريد اطلع محاماة حكومية وخايفة ما اطلع معدل يدخلني جامعة حكومية وبابا ماعنده امكانية يدخلني اهلية وهوه صح بابا ما عنده هاي امكانية الـي يگدر يدخلها جامعة اهلية بس هيه هواي جاي تعب نفسها يعني حته صارت متاكل ويانه تاخذ اكلها الغرفة ويادوب تنام ساعتين او ثلاث ساعات بــ يـوم .

ما اعرف ؏ منو ينشغل بالي عليها لو ؏ قُمر الـي صدمتني مـن عرفت الـي صاير وياها قُمر متستاهل الـي صار وياها خطية هواي تعبت بحياتها مـن جهةٍ اهلها ومن جهةٍ ثانية بازخ الـي صار وياهم حجيت وياها تجي تعيش ويانه بس هيه رفضت رفض قاطع وما قبلت نتناقش رغم شكد حاولت وياها وحته بابا حجة وياها بس هيه رفضت .