ايقونه في ميزان القاضي

البارت ٢٦

الغيرة الم لايوجد له علاج .

سعاد:وبس راحت بطه التفت عليها وهو نار .

ابو الحكم:كل عقلج بعد السويتي يجمعني بيج مكان وترجع الامور عادي .

دلال:ومن هذا كلامك عيرتني بطه تكلي يدورج بالملاهي انته وين لكيتني ليش اشوه سمعتي مافكرت بولدك .

ابو الحكم:جا مافكرتي انتي بوضعي وبناتج ولدج طلعتج بوقتها ماتسويها مرة مربايه.

دلال:لا اني اريدك تحجي هاي كدام عمتي والكل لكيتني بملها خلي الله بين عيونك .

سعاد: الولد وعمي بقو مدنكين وهيه صوتها عالي.

ابوالحكم:دورتج بكل مكان ومتوقع كل شي خلص سدي الموضوع واذ تردين اعدد اغلاطج ماتنغفر راح امشيها كدام الناس زوجتي وام اولادي فقط .

سعاد:كسرو خاطري حكم وزيد اشرتله امي بمعنى اسكت واستلمتها .

الحجيه:حاطه بالج ويه بطه وتردين تثيرين المشاكل عبالج تغلبيها شفتي شلون ردت ولج مرة وحده تصرفي بشي مااتفشل منه .

دلال:كل همج بطه الله ينتقم منكم خليتوها اباله من سنين وانتي توصفيها كدامه سهله اني اطلعها منه ومنكم .

ابو الحكم:حذاري يادلال وحق الحق اذ تقربني منها ادفنج وانته عدله نومتي يمج لخاطر امي والحكم اجي الكه فراشي بالاستقبال .

دلال:هههه مكلف نفسك وع اساس هسه طبقت العدل .

ابو الحكم:مالج حق عليه وطلعت من خطيتج عزلتي نفسج مني وبطه ماموجوده مافرحتي برجعتي لاتمثلين.

سعاد:ترخصو بيت سحر وعمي والولد اشرلي عدنان يله عفتهم يحجون وصعدت لبيتي صدك مغثه ..

بطيطه:يمكن صار عندي تبلد بالاحساس من كثر الالم من حركت كلبي اتصلت بالهام ردت بقلق سولفتلها .

الهام:عبالي متكامشات عركه قويه .

بطيطه:خلصت عمري عرك ويه الدنيا والناس ولج موتتني دلال تعبت .

الهام:صل على محمد وكولي يالله شبيج .

بطيطه:اللهم صل على محمد وآل محمد .

الهام : ترى ماكو بيت مابي مشاحنات وغيرة نساء قابل توج تدرين بدلال .

بطيطه:للمرة الثانيه الضروف تشمرني ...

الهام:ما كتيله طلكها ماشرطتي عليه قبل مترجعين .

بطيطه:رغم كل شيء زيد والحكم علاقتهم بيه ماخربت ويحترموني يكسرون الخاطر مشتتين وبعدين صار قرن هو وياها مو ع حال ماطلكها لو يريد يحملني ذنب وشكلك بطه السبب .

الهام:كلامج صح بس يابطه تتحملين تشوفي يروح يمها اذ تصالحو توقعي كل شي ترى الغيرة تخلي الانسان يتصرف بخبث .