بــقلمي || زهراء
#جــــبروت_ أبـــي
"البارت الثامن عشࢪ"
" بــسم ألله الرحــمن الرحـــيم "
( يِــــا عَـلــــيٌ )
~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.
ذو الفقار- بناتي الحلوات انتِ.
ابتسمت وگمت ويا نزلنه جوه چان البيت هدوء
چيف محد بي
بس الولد وأرجُمان ونايمين يمكن
طلعنه للحديقه گعدنه هناك جاب اكل وكلني واكل شويه وگام
- يله بابا تأخر الوقت.
گمت ويا دخلنه جوه صعدنه گبل لفوگ
نيمني على الچرباية ونام بصفي
ضل يمسد على راسي لحد ما غفيت
گعدت ثاني يوم الصبح على هوسه
فتحت عيوني شفته يدور بالكنتور ومستعجل
بلعت ريگي وگعدت بسرعه
بس ماشافني ولا نتبه عليَّ
جر جنطه بسرعه من الكنتور ونزل جوة
عاينت بأستغراب شكو؟
جريت حجابي حطيته على راسي ونزلت جوة
ماشفته جوة يمكن طلع
رحت بأتجاه الهول لگيت ارجُمان بالهول بس هيَّ
حور العين- ارجُمان شكو؟
عاينتلي وجرت نفس
- مادري بس اكيد سالفه تخص الأفعى.
- شوكت نخلص منهم؟
- اووف الله كريم.
دخل ذو الفقار للهول مد راسه شافني موجودة اجه عليَّ
ذو الفقار- وليدي تعال اريدك فوگ.
گالها وصعد فورًا فوگ عاينت على ارجُمان بأستغراب وصعدت ورا
حور العين- ها عمو؟
ألتفت عليَّ وأشرلي اجي وگفت گدامه مسح على خدودي وهمس
- رکزي بابا عندي شغل كم يوم بس اريد اروح
وماگدر اخذچ وياي تگدرين تضلين هنا يمهم بدوني؟؟ وبدون بچي؟
بلعت ريگي ودرت عيوني عنه احاول ما احط عينه بعيني
ذو الفقار- ها بابا شتگولين تگدرين تتحملين لخاطري كم يوم
متخليني اضل قلق عليچ؟
عاينت بعيونه وهمست
- ماگدر اضل بدونك بس ماگدر اخليك تضل قلق عليَّ.
- اروحلك فدوه وليدي يعني شنگول؟
- عادي عمو روح بس دگ عليَّ يوميه علمود احچي وياك.
- صار وليدي.
شال جنط نزلهن جوه ورجع صعد
وگف گدامي ونحنى جر ايدي باسها حيل وگعدني لمستوى
باس خدي وراسي وحضني حيلل
- وليدي الحلو دير بالك على نفسك.
- صار عمو وانتَ هم.
- بعيووني ياروح عمو، اوعديني ماتبچين؟
- وعد ما ابچي.
أبتسم وگام وگمت ويا نزلنه سوه
چانو كلهم جوه منتصرينه سلم عليهم وطلع بسࢪعه
وگف مستهضمه اعاين على مكانه
وعيوني بيها طن دموع بس ماگدر ابچيهن
فركتهن بسرعه ورجعت صعدت فوگ
گعدت على الچربايه صافنه بالفراغ ومقهوره ومخنوگه
بس احس اخلف بوعدي اذا بچيت حاولت ارجع اكمل نومتي بس ماگدرت
ضليت صافنه على السگف وافكار تجيبني وافكار توديني
أنت تقرأ
جــــبروت ابــــي
Romanceحقيقية.. الأب هوَّ الأمان هوَّ الحضن الي يلمنة بعد كل رحلة من التعب هوَّ السند هوَّ الشخص الي نلتجأ ألة بكل ضيق لكن ألأب بهذه الرواية بجبروتهُ وتحكمة يجعل ابنتهُ فريسةً سهلة لهذا المجتمع الذي يحارب المࢪئة لكن هناك من يقضي على هذا الجبروت وهذا التح...
