سكاكين بالدماء ملطخه

part"23"

تصويت وتعليق بين الفقرات
فضلاً وليس أمراً

بسم الله الرحمن الرحيم

بطرانَه الشَمِس تِچويني كُل يُوم
و آني حِرورتِي تِچوي التَنَانِير
هوَ العَاش عُمرَّه بضِيم وهمُوم
عِندَّه المُوتْ تَسيورَة خِطَاطِير

قراءه ممتعه

~~~~~~~~~~~~~~~~~~¥¥

ارسلان &&

دخلت على حسابه ناشر ستوري وهوَ نادراً ما ينشر ، دخلت عَ الستوري ايده ملوصه دم وبين اصابيعه جگاره وحاط اغنية أنا ابن الفزع مگواره وكاتب "ندمته لو ما ندمته "

ادري بي يم ايمن هسه هوَ وجاي يكتل بي وادري هذا دم ايمن الي على ايده وما اكول غير كفو يا كُميل فرغ نارك بي ارتاح من هاي نارك قبل لاتحرك الاخضر واليابس

حطيتله قلب عَ الستوري تفاعُـل ، فوراً اجه كال
:-شلونها المعذبتني

ارسلان:-اويلي على المعتذب بسببي كلش صدك اني معذبتك
كُميل:-ناوي عليج هاليومين اصبري وشوفي شسوي

بقيت ساكته بأستغراب وخوف شبي هذا رجع كال
:-عرفت شغله
ارسلان:-شنو هيَ

:-غيوده قبلت بعُسر من أجاها يخطب لان جان مهددها
انصدمت شلون عرف بقيت صافنه لحد ما فززني وهوَ يتصل رفضته وكتبت

:-اخواني هنا لا تتصل
كُميل:- اريد اسوي اسوء من سواية اخوج واردها ردود اله

ارسلان:-تره عُسر جان مضطر يهددها لان هيَ راسها يابس وعنيده وهوَ هم يحبها وهم علمود ايمن وجان ماجد همات علمود ميأذوها فجبرها تقبل بي واصلاً غيـده تحبه جانت بس تكابر

كُميل:-اممممم يعني مثلج
:-فررررررق ابد مو مثلي فرق جبير بيناتنه

كُميل:-ماعليً ، اردها اله يعني اردها
ارسلان:-تخرب بيت اختك تره عُسر نار كبره يحرگنا ثنينه والله واختك اكيد تدافعلك ومشاكل راح تصير بينهم انتَ سببها مو غيرك

كُميل:-اختي تدبرها ماعليج ، حضري نفسج ارسلانه بس يومين وارد الصاع بصاعين

ارسلان:-صددددك تحجييييييي
بعد ما جاوب طلع من المحادثه بقيت طول اليوم خايفه على حايره حتى لغيـده ما حجيت مدري شبيه حبست روحي بالغرفه خلصن اليومين بنص الليل حسيت بأيد تمسد على شعري وصوت يهمس وانفاس تضرب بشعري

:-كومي ارسلانه ما عدنا وكت حبيبي
فزيت ادفعه وهوَ كد ما قريب عليه انفه طخ بأنفي

:-تحبيني ؟
ارسلان:-اطلع بره بصوت المهم عليك ثلاثه اخواني اخليهم يخلصون عليك والقرآن