الله ياغرامٍ اعذّب من قصيَد

29

فزت من سمعت البواري ضحك وقال : البسي جلالتس
آلماس : طيب يالغيور
لبست جلالها ودخلوا الكل ابتسم ذياب وقام وقال بعلو صوته يقول : اقلطوا يالله تحييهم
دخل الجد وقال بابتسامه : الله يحييك ياذياب
ابتسمت آلماس وركضت للبنات وقالت ريناد : اوف يآلماس كبرتي وصرتي تقلطين !
ضحكت بخفه آلماس وقالت : ودي الهنوف معنا
جلسوا البنات وقالت الجود : فاتس جوها خطاب
شهقت آلماس وناظرها ذياب بفزع وقالت : اما ؟ ليه توني ادري !
نسرين بابتسامه : شوي شوي خوفتيه ! ، باقي ماتقدموا رسمي بس كلام
انحرجت آلماس وقالت : طيب مين اللي تقدم لها ؟
آمال : دكتور اسمه عز
ابتسمت آلماس بصدمه وقالت : هذا اللي انقذ ابوها !
ريناد بصدمه : تعرفينه ؟
ناظرتها آلماس وقالت : ايه شفته لما كنا معها والله مُز وحليّو
ناظر ذياب وضحكوا البنات وقالت الجود : تقصدك لاتغار يالغيور !
ابتسم ذياب وخزّ الجود
قربت آلماس من الجود وقالت : اخوتس ذا يغار كثير !
ضحكت الجود وقالت : اوف خذيتي اكثر واحد يغار كان الله بعونتس !
ام فهد بصراخ : ريناد تعالي قطعي الخضار
ريناد بهدوء : يايمه ! عزيمة آلماس ترا مو انا !
الجد بابتسامه : قومي يارنودي
ابتسمت ريناد بخفوت وقامت وقال فهد : دلوعه صدق !
طلعت عيونها ريناد وراحت عنده وسحبت شعره وقال فهد بألم : يبه وخر بنتك الدلوعه ذي
ضحك ابو فهد بخفه وقال : المعذره ماقدر اقول لرنودي شي
ابتسمت ريناد وقالت : ماعليكم مادري شفيه عريسنا متوتر
الجود بحده : ريناد وخري عنه !
ضحكت ريناد وفكته وقالت : خذيه من زينه مجاناً حتى
ضحكوا الكل وراحت ريناد تساعد امها
نسرين بابتسامه : آلماس بيجي حمد قريب ؟
عقّدت حواجبها وقالت : عمي ابو ذياب هذا هو !
ضحكوا البنات وقالت نسرين : ياحبيبتي بتحملين قصدي ؟
فزت آلماس وقالت : لا شفيتس باقي بدري !
ضحكت نسرين من شافت آلماس مستحيه وقالت : بقوم اساعد امي ورنودي
قامت ودخلت المطبخ تشوف ريناد تقطع الخضار للشوي وامها تقطع السلطه ناظرت لجوالها من اتصل وكانت صديقتها ابتسمت وطلعت تكلمها وقالت : ارحبي ياجوجو
الجوهرة بابتسامه : الله يبقيك كيفك ؟
آلماس بابتسامه : الحمد لله بخير ياقلبي وانتِ كيفتس ؟
الجوهرة : بخير الحمد لله شرايك نطلع ؟
ضحكت آلماس وقالت : تراني بالديرة !
الجوهرة بملل : اما ؟ غريبه
آلماس : والله وازيدتس من الشعر بيت ؟
الجوهرة : وشو ؟
آلماس بابتسامه : تزوجت ولد عمي
فزت الجوهرة وقالت بصدمه : اللي كنتي معجبه فيه ؟
آلماس بضحكه : ايه اللي كان يعجبني انه شاعر
الجوهرة بصدمه : طيب وش صار على عامر ولد خالك ؟
آلماس بهدوء : حب قديم ياجوجو وبعدين ترا امه ماتبيني
الجوهرة : طيب ليه ماعزمتيني على عرسك ؟
آلماس : ماكان فيه زواج عقدنا القرآن واخذني
الجوهرة بحزن : ياحياتي ياجوجو !
ذياب من ورا آلماس : آلماس من تكلمين ؟
ناظرته آلماس وابتسمت وقالت : صديقتي
هز راسه ذياب بالايجاب وقالت الجوهرة : ذا ذياب ؟
ضحكت آلماس بخفه وقالت : ايه ، يلا بكلمتس بعدين
الجوهرة بابتسامه : الله يحفظك مع السلامه
قفلت آلماس ولحقت ذياب عند النياق وقالت : عادي المسها ؟
ذياب بابتسامه : ايه عادي بس انتبهي لاتاكل يدتس النتفه ذي
خزته آلماس وقربت من عنده ولمسته تحرك بانزعاج وفزت آلماس تحضن ذياب ضحك ذياب وحاوطها وقال : انكرتس ماتعرفتس
آلماس بخوف : خوفتني !
ذياب : بروح اساعد العيال بالشوي
هزت آلماس راسها بالايجاب وراح ذياب فتحت التيك توك تصور فيديو مع النياق ابتسمت وحفظت الفيديو عند ريناد خلصت من التقطيع وقالت : يمه خلصت
ام فهد : وديه عند العيال يشوونه
هزت ريناد راسها بالايجاب وراحت تشوف صقر اللي يشوي توترت وراحت عنده وقالت : صقر
ناظرها صقر وقال : سمّي ؟
ريناد بابتسامه : هذا الخضار تقول امي حطوه على النار
اخذه صقر وقال : ابشري
راحت تجلس ريناد عند البنات
وقال عزيز : جبت لكم فعالية
ضحك الجد بخفه وقال : وشهي ياعزيز ؟
عزيز بابتسامه : عبيت بوالين مويه نترايم فيها
ضحك سلطان وقال : مو منجدك اطفال حنا ؟
عزيز بحده : ايه انت طفل حنا لا
خزّه سلطان اخذ بالونه عزيز ورماها على سلطان فز سلطان وقال : عمى ياعزيز ! برد ياحمار
ضحكوا الكل وضحك عزيز وقال : كانت تجربة بس
راح ذياب عند صقر يساعده
وقال صقر بسخريه : كنت عندها ؟
ضحك ذياب بخفه وقال : ايه
جت آلماس وقال عزيز : تسمح لي ياذياب ارمي زوجتك ؟
ذياب بحده : لا ماسمح لك ، ياويلك ياعزيّز
ضحكت آلماس بخفه وقال عزيز : ام الرسميات ارمي مين يعني ؟
سلطان ضحك وقال : ماحد يبي انت وفعاليتك السامجه ذي !
ناظره عزيز وقال : اسكت ولا ارميها كلها عليك
سلطان : خلاص برد
عزيز بابتسامه : بالله ياذياب انت وزوجتك جيبو لنا بزر اجدول عليه
آلماس بابتسامه : خير تجدول عليه ؟
عزيز بضحكه : زعلت علينا بنت راشد
حضروا العشاء وتجمع الكل يتعشى وقال الجد : الله يكرمكم ياذياب انت وحَرمك
ذياب بابتسامه : بالعافيه
قاموا وجلسوا وناظروا القمرا وقامت آلماس تسوي الشاهي وقالت : سويت لكم شاهي حبق من اللي جابه ذياب من الجنوب
عزيز بابتسامه : ياجدي عندي طلب
الجد بابتسامه : هلا ياعزيز
عزيز : شرايكم نسافر الجنوب بر ؟ ونفلها هناك بالصيفيه
الجد : فكره حلوه
ابو محمد : حتى انا ماعندي مشكله
ابو فهد وابو اصايل : موافقين
الجوهرة : حتى انا ماعندي مشكله
ذياب بابتسامه : والله اجواء هناك اوووف
الجد بابتسامه : اجل تم بشهر ١١ او ١٢
ابو محمد قام وقال : ورانا زواج قوموا نسري
قاموا يرتبون وقال ذياب : ماعليكم اسروا بنتساعد انا وبنت راشد
راحوا الدفهاد وباقي ذياب وآلماس جلس بفروته وقال : تعالي يابنتي
قامت آلماس وقالت : انا بنتك وانت الشايب
ضحك بخفه وجلست بجانبه وحضنها وقال بخفه : يعني انا صرت شايب ؟
ضحكت آلماس وقالت : ايه
رفعوا روسهم يناظرون للنجوم وقالت آلماس : شرايك نسوي فقرة اسئلة ؟
ناظرها ذياب وقال : سمّي ، وشهي أسئلتس ؟
آلماس فكرت وقالت : وش اصعب شعور جاك مني ؟
مسح على وجهه ذياب وقال : يوم اني شفت زياد الكلب يناظرتس وقتها اول مره قلبي ينحرق من الغيره
ابتسمت بهدوء وقالت : دورك
ذياب بابتسامه : وش اسوء شي سويته لتس ؟
آلماس بهدوء : مايجي منك السوء ، بس يوم رحت وخليتني بدون وداع
باس راسها وقال : ماحب الوداع يام حمد
ضحكت بخفه وقالت : اوف صرت ام حمد ؟ احسني صرت كبيره
ضحك وقام يسحبها من يدها عشان يسرون ركبت الجيب وقالت : شرايك تشغل ليلة خميس ؟
اعطاها جواله وقال : براحتس شغلي اللي تبينه
تشغلت الاغنية ومسكوا خط للديرة اخذ يدها وشبكها بيده ابتسمت بهدوء واخذت جوالها تصور وتنزل ستوري انستا رجعت راسها لورا وقالت : كيف كانت دورتك ؟
ذياب بهدوء : الحمد لله زينه ، تدرين اني اتصلت عليتس ومارديتي ؟
ناظرته آلماس وقالت : كان جوالي مع ريناد لما كنت بالمستشفى
اخذ دخانه وقالت آلماس : نسيت اتفاقنا ؟
ابتسم وحطها بين شفايفه وفتح الشباك وقال : أي اتفاق ؟
قربت منه آلماس وقالت : بلا سماجه ياذياب !
طلعت فوق المركى وضحك وقال : وش تسوين يعني ؟
اخذت الدخان من يده ورمته من السياره ورجع ياخذ وحده ثانيه وقالت بحده : ياذياب والله انه مايصلح لا تعاند ! خايفه عليك ! وبعدين مايجوز
ابتسم ورجعت مكانها وخزّته
< بالديرة >
وصلوا ال فهاد ودقوا بواري يفتح لهم العامل او " الحارس " فتحت البوابة نزلوا وقال الجد : صقر انتبه لخوك لين يوصل
صقر بهدوء : ابشر
عزيز ضحك بخفه وقال : وشو يعني قد مسك ذياب خط من الجنوب لين هنا وقفت على العزبه !
ضحك صقر وقال : ماتعرف جدي انت ؟
عزيز : اوف اعرفه اكثر من نفسي حتى
الجود بأبتسامه : الاجواء حلوه
عزيز بسخريه : وش تبين انتِ ؟ تراتس عروس روحي ارتاحي
سلطان ضحك وقال : اي لازم عشان تطلعين حلوه بكره
حضن صقر الجود وقال : حلوه حتى لو مانامت !
الجود بابتسامه : والله انك ازينهم ياصقوري
ناظروا عزيز وسلطان ببعض بحزن ضحك عليهم صقر وناظر ريناد من جت وقال عزيز : بالله يابنت راشد خذي جودي خليها تنام
ابتسمت ريناد وقالت : كلنا ماجانا نوم ، وبعدين انت وش دخلك فيها ؟
رفع حاجبه عزيز بصدمه وضحكت الجود تسحب ريناد لحضنها وبالجهة الثانية صقر ابتسمت باحراج وناظرت بصقر صدت وعرف انها استحت وصلوا ذياب وآلماس وقال عزيز بسخريه : هيا خذلك جوك الكناري
ضحكوا الكل ونزلت آلماس ومعها ذياب وقال : شفيكم مارقدتوا ؟ مشغولين بكره
صقر بهدوء : عيى النوم لايجي
ذياب ناظر الجود وقال : اوف حتى العروس
ضحكت الجود وقالت : بروح احاول انام
ذياب بابتسامه : تصبحون على خير بنروح ننام
الكل : وانت من اهله
راح وتتبعه آلماس دخلت ولبست بجامتها وراحت الحمام تسوي سكن كير وراحت عند ذياب على الكنبة وقال : لتس بالحمام ساعه !
ناظرته وقالت : كنت اسوي سكن كير
صغر عيونه وقال : وشهو !
ضحكت بخفه وقالت : عناية بشره
ذياب بابتسامه : اها بالانقّلِيزي
ضحكت من نطقه للانجليزي وقالت : ممكن اطلبك طلب ؟
ناظرها وقال : سمّي ؟
آلماس وهي خايفه من ردة فعله لانه متشدد : أبي اكتب رواية وادخل الشهُرة
رفع حاجبه وقال : مستحيل ! الشهرة والناس ماترحم يابنت راشد
آلماس بترجُي وببراءة : تكفى ياذياب ! والله هالرواية بس
ذياب بهدوء : وشهي الرواية طيب؟
آلماس بابتسامه من عرفت انه بداء يقتنع : قصتنا وكل يوم اكتب الاحداث اللي تصير لنا
ابتسم ذياب وقال : قصتنا ؟
هزت راسها بالايجاب وكمل : بس هالرواية ؟ وتعتزلين
آلماس بابتسامه : اوعدك حتى
ذياب : بالتوفيق يابنتي واول الداعمين لتس
ابتسمت آلماس وقربت تبوسه من خده ابتسم وقال : اذا سويتي حساب عطيني
هزت راسها بالايجاب وقال : ماراح اقرأ بس براقبتس
قام ينام وجلست آلماس بحماس تسوي لها حساب واختارت اسم الرواية ونزلتها بحماس وراحت تنام وهي تحس انها فوق غيمه من فرحتها
< بالحوش >
طلعت نسرين من ماجاها نوم ابتسمت من ناظرت القمرا والنجوم والساعة ثلاثة فجراً اخذت مويه تسقي نبتاتها ابتسمت وقربت تشم ريحة الياسمين وقالت : ريحتها تجنن
طاح السطل من يدها بخوف من حست احد وراها ناظرت شافت سلطان زفرت وقالت : خوفتني !
ضحك سلطان بخفه وقال : بسم الله عليتس
وكمل يقول يقطع الصمت والنظرات اللي بينهم : ليه مارقدتي ؟
هزت راسها بالنفي وقالت : ماجاني نوم
ضحك وقال : كله من شاهي آلماس وذياب
ضحكت وقالت : من درجة مانه لذيذ شربنا براديين !
هز راسه بالايجاب وهو يضحك وكملت تقول :
ممكن سؤال ؟
رجع ظهره للجدار وقال وهو يناظرها : اكيد سمّي ؟
نسرين بابتسامه : سمّ الله عدوك ، وش تشتغل ؟ لاني ماشوفك كثير تداوم !
سلطان ابتسم وقال : الا اداوم بس يوم يومين بالاسبوع ، اشتغل ضابط
رفعت حاجبها وقالت : ما شاء الله !
ابتسم بهدوء وقالت : بروح انام ، تصبح على خير
سلطان بابتسامه : تلاقين الخير
< الصباح >
قام الجد وفتح المقلط ولقى سلطان وعزيز وعمر بس وقال بعلو صوته : قوموا الساعة تسع !
فزوا عزيز وسلطان وعمر برعب وقال الجد : ورانا عرس اخلصوا !
عزيز بنوم : ياحبي لك العرس بالليل وش نسوي الحين ؟ اروح امكيج الجود ؟
الجد بسخريه : صدقت روح ساعدها
تنهد عزيز وضحك سلطان رجع ينام عزيز وقال : ترا باقي صقر وذياب ماقاموا
دخل صقر وهو ياكل التفاح وقال : قمت انا لي ساعتين يالمخنز
عزيز بفزع : كيف رسبنت انت ؟
الجد بحده : بالله قومهم ياصقر تعبت انا
صقر بابتسامه : ابشر عندي اقومهم بثانيه
طلع الجد وقال صقر : ارجعوا ناموا امزح معكم
سلطان ابتسم ورجع ينام وعزيز قال : ياحبي لك ياصقوري
قام عمر بتعب وراح للحمام
راح صقر المطبخ واخذ سطل وعباه مويه بارده دخل المقلط يشوفهم نايمين بسابع نومه ضحك بخفه واخذ السطل وكبه كله عليهم فزوا وهم يشهقون برعب ضحك صقر باقوى ماعنده وقال سلطان : اوريك انا
عزيز بحده : الله ياخذك ياصقر
ضحك وقال : الحين بردت عليكم بذا الحر ارجعوا ناموا
دخلت الجود وقالت : خير قوموا زواج اختكم الوحيدة !
عزيز ناظر فيها وقال : احلفي بتتزوجين الحين ؟ اتذكر فهد مهندس مو خباز ؟
ضحكت بخفه وقالت : عزيز قم اقول
طلعت ودخل اخوهم الكبير محمد وقال : ياعيال قوموا
سلطان : وش السالفة كلكم دخلتوا علينا ؟
عزيز بسخرية : متحلمين فينا شكلهم
ضحك محمد وقال : لا والله ماجاني جاثوم ياعزيز
رفع حاجبه عزيز وقال : اوف هدف عكسي
ضحك سلطان وقام للحمام
< عند ابطالنا >
قامت آلماس بازعاج من صوت الباب دقت ذياب وهمهم لها وقالت : قوم شوف مين يدق
قام ذياب وفتح الباب وقالت الجود : يمه ماتوقعت انت بتفتح !
مسح على وجهه ذياب وقال : من تتوقعين يعني ؟ ابوي
ضحكت وقالت : اوف شفيكم نكاتين اليوم
ميّل راسه ذياب وقال : طيب وش تبين الحين ؟
الجود بابتسامه : جدي يقول تعالوا للفطور
هز راسه ذياب بالايجاب وراحت الجود وقفل الباب رجع يقوم آلماس شافها على جوالها ودخل الحمام
قامت وغيرت لبسها ولبست فستان ناعم كحلي رفعت شعرها ناظرته من طلع من الحمام انصدم من شاف لبسها ضيق صد عشان ماتحس بنظراته ودخلت الحمام وهي مستغربه من نظراته طلعت وشافته ينتظرها وقال : خلصتي ؟
هزت راسها بالايجاب وطلعوا للحوش يفطرون وقال ذياب بعّلو صوته : صبحهم بالخير يالله
ردّوا عليه وجلس وجنبه آلماس وقال سلطان : والله من بعد شاهيك انت وزوجتك مانمنا زين
ضحك ذياب وقال : عشان كثرنا فيه
قام الجد وقال : هيا قوموا نصلي الجمعه
قام ذياب وقالت آلماس : مافطرت طيب ؟
ذياب بابتسامه : اذا رجعت بفطر
هزت راسها بالايجاب وطلعوا الرجال يصلون الجمعه
آلماس بابتسامه : مستعدة ياعروستنا ؟
ضحكت الجود وقالت : ايه
< بالعصر الديرة >
بدوا يفرشون الزوالى بالحوش وشغلوا العقد والكل يعرف زواج حفيد محمد ال فهاد كانوا يجهزون الكراسي والجد جالس يشرف عليهم وقال بعلو صوته : اخلصو باقي ساعه ونص ويجون الضيوف !
مسك عزيز ظهره بالم وقال : يالله ليه مانجيب عمال طيب ؟
سلطان : هذا هو جدك قول له
تنهد عمر وقال : تعبت انا ياعيال
عزيز : كلنا يارجال
< عند البنات >
الجود تسوي لها الميكب ارتست وريناد تسوي شعرها وآمال تكوي فستانها ونسرين تسوي لها ميكب ووهج تتروش الجود : رنودي وين آلماس ماجت ؟
ريناد : تقول بتتجهز بغرفتها
ضحكت آمال وقالت : شكل ذيابوه ماسكها
ريناد بابتسامه : ماعندها مشكله بتجلس الخفيفه
ضحكت نسرين وقالت : اي والله صدقتي
ريناد : بنات شرايكم بشعري ؟
البنات مدحوا لها وابتسمت تبدا بالمكياج
الجود بابتسامه : لحظه ادراك تتجهزون لزواجي !
نسرين : احس ماني مستوعبه هاذي ثاني وحده تتزوج منا
صغرت عيونها آمال وقالت : والله كبرنا وكانت اقصى طموحاتنا نسافر للخارج وللحين حتى
ضحكوا الكل وقالت ريناد : عادي بتجي سفره لابها تغطي على الخارج
الجود بابتسامه : صادقه
< عند ابطالنا >
دخل ذياب وقال : تخيلي العيال مشغولين ولا لقيت احد يحلق لي دقني !
ضحكت آلماس وقالت : والله اني اعرف كنت احلق لفهد بالرياض
هز راسه بالنفي وقال : اخاف تجيبين العيد وماباقي شي للزواج
طلعت عيونها آلماس وقالت : افا ماتثق فيني ؟ والله اضبطه لك
راح يجلس عندها واعطاها ماكينة الحلاقه اخذتها وقربت منه مسكت وجهه بيدها الصغيرة ضحك بحفه وقالت : لا تضحك بجرحك ترا
حلقت دقنه وخلصت وقالت بابتسامه : ناظرني اشوف
ناظرها وصفقت بفرحه وقالت : والله اني كوفيرا
ضحك وقام يشوف بالمرايه ابتسم وقال : كفو والله يابنت راشد انتس احسن من حلاقة عزيزوه
ضحكت وكملت تحط لها مناكير خلصت وقامت تسوي لها مكياج لبست سماعاتها وراحت لذياب اللي ينادي بالحمام : شفيك ؟
طلع ذياب الماسكات اللي شافها وقال : عادي استخدم ذي ولا ؟
ابتسمت وقالت : ياحلوك تستأذن ؟ كل شي حلالك ياقلبي
ابتسم وقفل وراحت تكمل مكياجها خلصت وراحت تاخذ مبخرة ذياب الاكترونيه وتبخر ثوبه وفستانها قربتهم من بعض وصورتهم ابتسمت باعجاب طلع ذياب وقال : جدي بيهاوشني تاخرت
راح يلبس وطلع وقربت منه وقالت : شرايك بمكياجي ؟
مسك وجهها بيدينه وباسها من خدها وقال : كل شي من يدينتس جميل
ابتسمت وقالت : طيب راح الفونديشن ؟
هز راسه بالنفي وراح يتعطر ويلبس ساعته وهي تناظره وبالاصح تتأمله بحب ناظرها وابتسم وقال : تتأمليني يابنت راشد ؟
ابتسمت بهدوء وراحت تجلس تنتظره يأذن عشان تصلي وتلبس فستانها اذن المغرب وصلى ذياب وصلت وراه آلماس وراحت تلبس سريع عشلن تطلع مع ذياب كان على جواله وكانت بفستانها تلبس مُجوهاراتها ولبست كعبها وناظرت نفسها بالمرايه ابتسمت باعجاب راحت عنده رفع نظره ابتسم من كشختها وجمالها بالكحلي سَرح فيها وبتفاصيلها انحرجت وتنحنحت قام وحضنها ابتسمت من حست بحنيته وبادلته الحضن صغرت عيونها من حست بانفاسه الحاره بكتفها شد على حضنها بعدوا عن بعض وقبلها من ثغرها ابتسمت وقالت باحراج : دقايق اجيب فاين عشان الروج
مسحت الروج من على شفايفه وقال بحرص زايد عليها : تعالي اجلسي احصنتس
ابتسمت وجلست معه وحط يدينه على راسها وقال لها الاذكار بينه وبين نفسه واستودعها الله وقال : قومي البسي عباتس
قامت واخذت شنطتها ولبست وقالت : يلا خلصت
قام معها وطلعوا سوا ووصلها لباب الحريم من بيت ابو محمد
وقال بابتسامه : ودعتس الله
ابتسمت وقالت : الله يحفظك ياروحي
دخلت عند البنات وقالت : انا جييت
ريناد بابتسامه : ارحبببي
ابتسمت آلماس ونزعت عبايتها وقالت : وين عروستنا ؟
ريناد : فوق بغرفتها
هزت آلماس راسها بالايجاب وطلعت فتحت الباب وقالت بابتسامه : عروستنا ؟
الجود بهدوء وتوتر : لموستي ؟
جلست بجنبها آلماس وقالت : ليه ترجفين ؟
الجود : متوتره مره
آلماس وهي تبي تخفف من توترها : ما شاء الله مكياجتس وشعرتس ممره حلوو
ابتسمت الجود وقالت : انشهد انتس انتِ الحلوه يالمزيونه
ضحكت آلماس بخفه وقالت : بلا احراج !