# طشت خرز
كنوز القحطاني
زينب
يابويا
ضاگت حيل گاع الله كلها
كلما اگول تهون يكثر حملها
************************************
رايه :: گعدت ع صوت وَلي الله يدور ع روز ويصيح باسمها شلت راسي سئلني
_ وين روز؟
نهضت فاتحه عيوني تگ وتگ اريد ادور ويا عليها طلعت امي من المطبخ توها وگالت بتعب
زينب :- رجعت لبيت رجلها يمه
شمر العلاگه الـ بيده بالگاع بعصبيه وگال
وَلي الله :- شنو رجعت لبيتها يمه اني شگلت وشلون ترجع وحدها ماعدها چبير
_ عدها نحاش ضلت تنحش بيها لحد ماهججتها وابوك أخذها بيده رجعها
اندار ع غفران الگاعده بيدها سناره وخيط صوف اسود وتحوگ اديها تتحرك بحركه سريعه مصاحبتها رجفه مدنگه راسها بتركيز ع شغلها ولا كأنه اكو احد يمها يصيح
صاح بيها وَلي الله بصوت عالي
_ غفران لهنا ولزمي حدج متحمل منج كلشي بس مالج بأي احد هنا
ذبت السناره من ايدها بحركه عصبيه ورفعت راسها اله تصيح بصوت يوازي صوته
غفران :- يش مالي علاقه مثل ما هي اختك اختي واريد مصلحتها
_و مصلحتها برايج تگعد يم رجال يضربها ويهينها
_هي مره وحده لاتسوي الحبه كبه وتمثل الأخ الحنون وانت تريد تهجم بيتها
ضحك وَلي الله تگ خد بين الوجع و السخريه مستنكر كلامها واتهامها الدائم اله
وَلي الله :- اهجم بيتها !!! .. من اريد اسوي الها قيمه واعتبار اهجم بيتها من اريد اخلي حد للقذر الـ يمد ايده عليها صرت اهجم بيتها!؟
طب ابويا عاگد حواجبه بعدم رضا من الأصوات العاليه اكيد صوتهم طالع برا البيت اول ما دخل حچه بنبرة طاغي عليها الكره ويا وَلي
محمد :- مالك دخل بخواتك عود من اموت ادخل بيهن
التفت عليه وَلي الله صار بين غفران و ابويا بين حاقد و كاره نطق مستغرب
وَلي :- قابل اني غريب يابه اني اخوها يعني من اريد احط الها قيمه والزمه حده ااذيها
من يوم سمعت قصة امي وعرفت شك ابويا صرت اراقب نظرات ابويا لـ وَلي الله وكلامه من گال وَلي يابه انرسم ع ملامحه الاشمئزاز كأنه ما طايقه
ماعرف اذا نظرتي صح او تغيرت وصرت ادقق واحلل من عرفت سبب كره ابويا اله
رد ابويا ينهي النقاش وفضل أنمار ع ابنه
محمد :- وهو هم مو غريب ابن عمها ما يأذيها ساعه عصبيه ومد ايده واجه اعتذر مني ومنها هذا هو سد الموضوع
أنت تقرأ
طشة خرز
Mystery / Thrillerطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم
