روايه لشمس في جلدي حروق وعلى سموم القيظ تزهر حياتي

البارت الاول

-
لاتجعل القراءة تلهيك عن الصلاة وعبادة الرحمن🌸"
زهرتي 1
-
دخل حوش الحريم وهو يسمع اصوات مختلطه
تنحنح وهو يوقف جنب الباب لما سمع اصواتهم بيطلعون وحس انه تورط طلعت تهاني على صوته وهو يتنحنح وهي مستغربه لكن تغيرت ملامحها وانصدمت ونطقت بفرحه طاغيه على نبرتها الحنونه:ياهلا ياهلا
والتفت بسرعه لباب المجلس وابتسامتها توسعت:غروب يمه  اصبري جسار بوه
قربت من أمه وهو يحس بشوق لها بسرعه احتضن كتوفها وقبل راسها بحنيه :شلونج؟ طمنيني عنج
تهاني مسكت يده :بخير الحمدلله على السلامه الحمدلله انك جيت
جسار بتوتر خفيف:الضيوف عندج؟ مو بالبيت الكبير!
تهاني مبتسمه:إلا يمه بس بنات خالتك ام سلمان جايين
وجايبين هديه زواج اختك إيثار
جسار ابتسم لـ ابتسامتها وهو يرجع للخلف ويفتح الباب الخارجي :زين يمه أنا بطلع لديوانيه بشوف عمي واذا خلصوا دقي أجيج
هزت راسها ببتسامه وردفت:الله يحفظك
دخلت داخل وشافتهم واقفين عند الباب يسولفون مع أريام وإيثار وبيدينهم النقابات:استريحن شوي ماشربتن فنجال
غروب وهي بالغصب تاخذ نفسها :لاوالله ياخالتي أعذريني مثل ماتشوفين وضعي ماقدر اطول جالسه لازم اتسدح
تبسمت تهاني بحنيه:عادي يمه بعدي المخدات  وانسدحي هنا مع البنات وتتونسن وتتجهزنن مع بعض
قاطعتها اريام وهي ماسكه ذراع غادة :اي تكفين لو تبين اجيب لك مخدات البيت كلها تحتك علشان ترتاحين اهم شى اقعدي ماسولفنا عدل
ناظرتها غادة بترجي
وتنهدت غروب :لاوالله السموحه ياخالتي  خليت نيوف وجنى عند امي اكيد الحين قابسه بينهم
تاففت غاده وهمست :شوفي الحين إذا طلعنا قومي انتي وادخلي داخلي وخذي عبايتك والحقينا والله ماخلي سالفتك اليوم إلا تكملينها
ناظرتهم إيثار وهي تسمع كلام غادة:خير وتخلوني لا مااسامح كملي سالفتك بالقروب افضل
توسعت عيون غادة:صاحيه انتي هيوف معنا بالقروب تبين تعرف اننا نحش بجدتها
التفت اريام لـ إيثار  ببتسامه خبيثه :ماعليك  أكملها إذا رجعت لك وبيكون في حش اكثر بعد العشاء
وفلتت يد غاده اللي كانت تضحك على تعابير وجهه إيثار:تستاهلين محد قال لك تسمعين كلام جدتي وتقعدين وانتي عرسك باقي له وقت
تاففت إيثار وهمست همس خفيف علشان امها ماتسمع:ترا باقي اقل من اسبوع  تبين جبر  ولا امه يشوفوني عندكم ويقولون عني قليله حياء؟
غادة بعدم اهتمام :نعم !!ماله دخل ترا كل هالكلام خرافات جدتي محشيتهم براستس
التفت لها غروب وينظره حاده ؛البسي نقابتس يلا
بنمشي
غاده وقفت ورا إيثار وهي تناظر شكل حجابها بمراية المدخل وترتبه خذت وقتها للاجل ترتب شكل النقاب ومنه تضيع وقت للاجل اريام تجي قبل مايمشون ويرجعون مع بعض
كانوا غروب وتهاني يسولفون عند الباب طلعت غاده
وانهلت عليها غروب :شبلاتس انتي ساعتس سنه؟
غاده ابتسمت وصغرت عيونها الواضحه لهم:لا بس انتظر اريام  رفعت حواجبها تهاني من شافت اريام بعبايتها وبيدها النقاب وشايله كيس فيهه فستانها وبعض الاكسسورات :على وين يالحبيبه ولا معك كيسك؟
اريام بدلع:يمه قلبي بروح مع غادة تتجهز سوا ببيت جدتي
تهاني بحدة:ليه ان شاءالله ماعندك بيت تتجهزين فيه
اريام وهي تعدل نقابها بااصرار:ابي تضبط لي الميك اب غادة تعرف ترسم المدمع ونبي  جدتي نساعدها
سكتت تهاني من شافتها مصره صدت عنها وهي تناظر غروب:زين انتبهن لغروب وساعدنها تنزل من عتبات البيت
ابتسمت لـ تهاني غروب وهي تشوف البنات حاوطوها:لااله الالله شوي شوي مو كذا
ضحكت تهاني وهي تفتح لهم الباب وتوقف خلفه لين ماطلعوا
سكرت الباب
كانوا بالشارع يمشون سوا بحكم ان الحاره جامعه بيوتهم
تقريبا بين بيت ابو تركي"زوج تهاني"وبيت اهله
ثلاث بيوت بنفس الصف
غاده بتافف:حبيبتي غروب ماتقدرين تستعجلين بخطوتك شوي ترا إذا مشينا على كذا ماراح نوصل إلا المغرب!
غروب وهي تاخذ نفسها بصعوبه من تحت النقاب:انجبي احسن لك
اريام بضحكه:تستاهلين
غاده وهي كانت ماسكه يد اختها المين لفت براسها ورا للاجل تشوف اريام اللي من الجهه اليسار:ها منو اللي يستاهل صيري قدها بالله ؟
غروب بعصبيه:انچبن انتن الثنتين مابي اسمع نفسكن كفايه علي الثقل اللي شايلته تضغطيني زود
وصلوا البيت وجلست اريام عند جدتها
واما غادة وغروب دخلوا غرفة غادة  ورمت غادة عبايتها باااهمال
ناظرتها غروب باانتقاد:للحين تحسبين نفسك وغد!ماتبين نشره عليتس قومي ارفعي عباتك تراتس حرمه شكبرتسسس
غاده تاففت وهي ترفعها وترميها فوق سريرها:طيب وش تبين الحين داخله معي غرفتي؟؟
غروب تذكرت كلام غادة واحتدت نظراتها:انتي تبين تفشلين ايثار قدام العالم؟ شلون تقولين لها كلام جدتي فاضي ماتستحين انتي؟ماتدرين ان هذي من عاداتنا ان البنت تجلس ببيت اهلها ماتطلع برا إذا قرب عرسها
غاده نقطت بصراحه :تخلف هذا وش الرابط بين الخجل والطلعات قبل زواجها شفيها إذا زارتنا بالبيت وقعدت معنا ليش تبون تحبسونها لين العرس؟ولا ماتفهمين انتي شى ماشيه على قولتك عاداتكم المتخلفه اللي مال امها معنى
وع متى افتك من التخلف اللي عايشين فيه!!!
وطلعت وهي تسحب الباب وتسكره بقوه وراها بقوه
مااستغربت غروب تصرفاتها لانها عارفه حدة مزاجها وتقلباته والأغلب عاذرتها بسبب آخر مشكله صارت بينها وبين سلمان بسبب المواضيع المتكرره عن عاداتهم ودايم تعاندهم  وسلمان يوقف  لها
اخذت نفسها بصعوبه  غروب وهي تحس روحها مخنوقه طرى براسها ناصر بعد ماسمعت صوت بنتها تناديها
تذكرت ان  له من امس ماكلمها آخر مكالمه بينهم كانت هواش تاففت وهي تفتح على محادثته شافته اونلاين توترت شوي وكتبت كم حرف وتراجعت بسرعه وحذفتهم
من دخلت بنتها جَنى وناظرتها:ماما يمه نوف تقول لك تجيب لك الاكل فوق ولا تنزلين لصالة تاكلين؟
غروب بهدوء ظاهري:وش الاكل
جنى وهي قالبه ملامحها:رغيفات عليهم زبدة غنم مسويتهم لـ يمه رحيمه "خبز صاج اسمر"
غروب وهي ترفع حاجبها:وليش ملامحك مقلوبه؟
جنى بتقرف:ماحب ريحة الزبدة ماما
غروب عصبت من ذكرها  أسلوبها بااسلوب غادة:لاعاد مابي غادة ثانيه قولي الحمدلله على النعمة  واطلعي وقولي ليمه نوف أنا بنزل لكم تحت
طلعت جنى وبقت غروب واقفه ونزلت يدها تمسح على بطنها وبتفكير همست :أنا عليت صوتي عليه بس شسوي احس هالحمل تعبني اكثر من اللي قبله
خذت نفسها لحظه ماسمعت رنة جوالها التفت لسرير وجلست على طرفه وهي تقلب جوالها للاجل تشوف الشاشه شافت مقطع منرسل لها  من N💍❤️
فتحت الرساله بسرعه وانصدمت من شافته مصور  بمجلس جدها بحايل
دق قلبها بقوه كانت متوقعه انه مايجي مع اهله اليوم بعد مشاكل امس
ابتسمت من قلبها وماعرفت كيف ترد عليه اكتفت انها ترسل له ❤️ وتطلع من التطبيق كله وتسكر جوالها
وقفت قدام المرايه التسريحه وهي تشيل البنسه اللي ماسكها شعرها البني الفاتح انساب على كتوفها بنعومه كانت حاطه ببالها اليوم ماتطلع للحريم بالعشاء وتتعذر لهم بالحمل وخصوصا انها بااخر شهر
بس بعد جيه ناصر مع اهله تغيرت مخططاتها وتوردت خدودها