﷽
وقَار_الغريب
. حوراء السعيدي
التصويت قبل القراءة+ رأيكم بين الفقرات
+ مُتابعة لـ حسابي
قناة التلگرام 📌 Harahir
حسابي الانستا 📌
Instagram hawraalsaidi
<_____________________________>
سأعترف لكَ
وبشكل أبدي لم يتمكن أحد
مَن لمس قـلبي مثلما فعلت أنتَ .
. وَهج .
بقت أنظاري متوقفة ناحيته متفاجئه برجوعه وبهذا الوقت
الحالي تحديداً..؟! سحبت نفس بعمق نابع
من قلبي باوعت
الـ جدي هم حالته بقمة الأستغراب نزلت عيوني علىٰ أيده بيها أوراق لازمها .
وَهج : اخونه..؟! زين شنو الي يثبت هوَ اخونه
أردف وهوَ يعدل بياخة قميصه بهدوء
قصي : چنت أدري راح تتوجه إلي كل هالاسئله ، كلشي يم جدي انطيته اله يثبت اني إبن منو .
داخلي متوتر بمشاعر مظطربة بَس ما ادري ليش
ما ارتاحيت اله عكس اسراء أول ما شفتها رغم جمال شكله الفريد
إلا احساسي جان اله رأي آخر أتقرب جدي
مقدملي الأوراق الي بأيده
اخذتهن منه گعدت بجهه قبل لا أقراهن ثبتت عيوني علىٰ المرأة
الي واگفة بصفه شكلها مال الطبقة البرجوازية تباوع بتك عين .
اتجاهلت نظراتها ، اجت صفا بصفي گعدت علامات الصدمة
مرسومة علىٰ وجها مامفتهمة شي من كل الي جاي أيصير همستلي
صفا : شنو اخونه شجاي أيصير
وَهج : أصبري نفهم .
فتحت الأوراق بديت اقرأ بكلشي وفعلاً چانت اكو أثباتات
تثبت هوَ الابن الأكبر الـ أشرف يعني حتى اكبر من رائد وعيسى
ولو ما شفت بذاك اليوم اسمه من ضمن اسماء أولاده چان ماصدگت بس كلشي واضح .
نهضت من مكاني وهوَ عيونه مثبته ناحيتنه
وَهج : بَس ليش هسه راجع وين چنت كل هالفترة
قصي : مسافر
_ اممم مو غريب ترجع بعد وفاة أبوك..؟!
نهضت من مكانها المرأة متنرفزة
علياء : شتقصدين..؟! إذا ابالچ أبني راجع علمود الورث
غلطانه أبني يگدر يشتري منطقة بأكملها هيَّ وبيوتها .
صفا : بليزز ريلاكس ، عن أي أملاك تحچين ابو أبنچ قبل لا يموت خسر كلشي
علياء : ما يهمنا ، أبني من حقه يعرف أهله وعمامه .
باوعتلي صفا ما مقتنعة بكلامها بس كنسلت الرد عليها .
أنت تقرأ
وقار الغريب
Actionعَالم مظلم مغمور بالغموض حكاية خطت ورُسمت بالوان الغموض والخفية سَنشاهد التقاء روحين للتصدي للماضي الأليم والمواجهة مع التحديات الجادية هل ستجد الحياة طريقها للتجديد والتغير ؟ أم ستبقى هَناك صورة مألوفه للألم والوحدة .. بقلم _ حوراء السعيدي لا ا...
