البارت الحادي عشر
رواية .. بديلة الدم
بقلمي... نور سمو العراق
💔💔💔💔💔💔💔💔💔
نَسيمك عنبـر
وأَرضك سُكـر
وإني أُحبك.. أكثـر.
- محمود درويش
...............
عجيب الحب شكد صعب وكنت احس صعب ان ننجمع بس هو اخذني بيده لحياة ثانيه الاشياء جنونية اكثر من الحب
اخذني بعيد عن الحياة التقليديه دا احس نفسي احبه باحساس ممفهوم بمشاعر جباره
نزلنه على جسر الجادريه وهو حاوطني بكل حب وهمس.. احبج
درت وجهي عليه وابتسمت .. هههه انت تحاوطني من كل الاتجاهات
رد بحب وهيام .. حتى محد يشوف عيونج العراقيه لمرسومه بهذا الكحل الاسود انتي الي وبس
فرحه غامره اعترت ملامحي .. دا احس نفسي اعيش على قيد الحب
جاوبني ... انتي مو بديله انتي اصيله
عقدت حواجبي وابتسامتي مرسومه على شفايفي .. مفهمت ؟
ابتسم... شوكت ننجمع ونتزوج ان شاءالله ماكو شي يعرقل علينه هذا الزواج
هزيت راسي بقبول ... ان شاءالله يارب
كال.. هسه شنو تكولين لابوج شلون تعرفتي عليه
رديت بثقه ... احجي الحقيقه تعرفت عليك عن طريق دار الايتام
نزل راسه باسى.. اخاف يسال عن اهلي وانتي تعرفين وضعنه اهلي بالخارج من زمان بس اختي هنا ام سجاد
جاوبته ببساطه... عادي تجي اختك وعائلتها وانت واصدقائك وتتم الخطوبه ما اعتقد بابا يدقق بهيج تفاصيل وبعدين مدام اني اعرفك مراح يعترض
رد عليه... ان شاءالله عمري
رجعت للبيت اول ما وصلت دزلي رساله كاتب... مرتاح ليوم حييل وحجيت ويه اختي فرحت حيل وكالت لا تحجي بيها لان هذا حماي دنغوز اخاف يحسدك
ضحكت... هههههه فدوه لكلبها غير تخاف عليك
رد كتب .. كتلها ليوم ورطت نفسي وراح اتزوج
جاوبته... بعد طاح الفاس بالراس هاي مشكلتك
جاوبني.. احلى فاس والله يالله استعجلي وفاتحي ابوج بالموضوع حتى نتزوج ع الشتاء صيف حاره ولعبان نفس
ظليت احجي وياه دا احس مدا اكدر اشبع منه سبحت وبدلت نمت شويه وبعدها باليل كعدت تعشيت وظليت منتظره بابا اريد افاتحه بالموضوع كنت خجوله بصراحه ومحتاجه شخص يحجي عني او يساعدني بهذا الموضوع تمنيت لو ماما كانت موجوده ممكن الامور تكون احسن
لفيت الروب وربطته بالحزام سويت قهوه جكوليتيه واخذتها لكيت بابا كاعد بمكتبه ديراجع اوراق تخص الشركه عنده
أنت تقرأ
#بديلة الدم
ChickLitكنت أُريد أن أُخبرك بأن الجميع خذلني وأصبحت أخاف من الجميع إلا أنت، ولكنك خذلتني قبل أن أُخبرك"..محمود درويش ♥️
