نجوم محرقة وليل "دامس"

بارت ٤٤

#نجوم_محرقة_وليل_دامس

تصويت وتعليق بين الفقرات لطفاً

للتواصل انستگرام // ze8.h

₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.

كَصه بيه الوكت وتنطر تعود
انا اخرس والوكت يرادله صياح
الحزن ماعنده غيري توالف وياي
الفرح خطار مرني ومن وكَت راح
يخاين بس احبك من يجي الليل
استلذ من كون اخلصه بهمك نياح
براسي كليب طايح وادري بيه وين
وراسك ماعرفته بيا متن طاح
الكبل لاحت سما من نومت عليك
ابشرك صار حدها الكض الاصفاح
اذا يوم شتهيت محاضن وياي
تحاذر لاتخجل جفوفوك رماح
وحكَي من اكول هواي تعبان
هوه العنده مثلك وين يرتاح
₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.

مـــروة ::- صحت شايطة مفرفحة اريد اگوم نقطة حيل ما ضلت بيه من شفت جر جداحة من ايده رافعها ، مبتسم بخبث .

- اخذج روح واذبج رماد يطيره ريح

ايده على ضاغط هستوه يريد يشعلها مدري مدري شلون جمعت كل ذرة حيل بيه ورفعت جسمي شامرتة جواه أصيح وابچي بكل صوتي احس بلاعيمي شككت

::- بيش احلفلك بيش وصدگني ما متقربلي ولا عندي
علاقة وياه وحك روح ابوي وحك عيون امي ماعندي كل علاقة وياه ولا احجي وياه ولا يحجي وياي والله والله يكذب والله يكذب عليك يريدك طلگني اكيد اكيد

صاح بس بصوت فاقد اعصاب يرجف گنبص گدامي وبلا كل احساس وحقد لزمني من شعري حيل احس أطراف اصابعة طببها بالحم يضغط ويا كل حرف يحجي ، ينتر ويصيح

- لج حيوانة شلووون تحلفين شللوووون وهو يعد ويصف إذا ما متقربلججججج شلون شلون عرررررف الشامة البجسمج فهميييننني قنعيني

شهكت مفرفحة رفعت ايدي خليتها على أيده ونزلتها
كل حرف يطلع من حلگي برجفة وارتباك
::- جاي احلفلك بروح ابوي ماعندي علاقة وياه ولا بينا
كلام هو حجة هيج مثل ما كلتلك اكيد يريدك اطلگني
هو هو هاي غايتة هاي اكيد .

نزلت دمعتة ملامحة هفتت عيني دور بينا وتنزل للجداحة البعدها مثبته ابين اصابعة بس يضغطها ننتهي اثر ما يبقى بينا .

شهكت فازه من عصر كتفي وهزني
- قنعيني شلون عرف الشامة البجسمج وهو موصفها
نفس نفس المكان كليلي كليلي شلون عرفها .

عصرت عيوني تكب دموع مختنگة وشهگة مچلبة ببلعومي اريــد افتهم هو شلون هيج موصفها مغمضه وعاصره عيوني اذكر الكلام الچان بينا بس والله رغم گصر علاقتنا ما اذكر حجة لو سأل هيج سؤال اغلب سوالفنا جانت احبك وتحبني ازوجج وبس هالفتره اخطبج لو مرات على ليل لو العيشة والشغل ، هاي كل سوالفنا