أبيه يا سعود لو أنه جمرة تحرق كفوفي

الفصل الاول.

الفصل الأول .

"أبيه يا سعود
لو أنه جمرة تحرق كفوفي" .

***
بسم الله الرحمن الرحيم أولا ً و آخراً .
_______
ما أحلل ولا أسمح لكل شخص يأخذ روايتي
بدون أذن شخصي من الكاتبة .
____
الكاتبة: غيممً ☁️
_
الفصل الأول .

علموة أن المفارق شيء عادي
و إن نوى يرحل أبدور بديلة .
**
إن بغيت الصدق و العلم و الكادي
من تبع درب المقفي عزتي له .

**********************************
" في بيت أبو سلطان "
الكل متجمع في بيت الجد 'سامي'
تجمعوا الأخوان الثلاثة

***************************
***
*
في البيت الزجاجي المخصص للبنات
كان الوضع عباره عن انا أبغى أموت
..
نورة بطفش : وجع يوجع راسك يالمندوب أجل طلبية ساعه؟
غلا بإستهبال : تخيلوا آخرتها يطلع ساحب عليكم
تولان بقهر : والله لألعنه
رهف نطت بحماس : شرايكم نروح مطعم مالي خلق انتظر اكثر من كذا
هديل : و مين بيأخذنا يحظي؟
رهف تغمز لها : فارس
هديل استحيت و قالت : وجع لا تغمزي
البنات فطسوا عليها ضحك
رن جوال تولان و ردت : أرحب يا أطلق أخ فالمجره كلها
سم لبيه قول وش بخاطرك يلبى ؟
علي : ول ول ول الكلام ذا لي ؟
تولان : إي أجل لمين ؟
سحب الجوال و قال : و أنا يعني جدار ولا أبجوره؟
ضحكت و قالت : محشوم يا ثمورتي بس انت غير افهم غييير
علي فهم السالفه : أوريك أنا يالمصلحجيه
المهند بصوت خافت : وجع أحترم نفسك
علي : اقول اترك الهبال عنك
المهند: مالك دخل
فارس : اقول اسكتوا و شوف وش يبون
طبعاً علي نسى تولان انها تنتظره على الخط
رد و قال : جيتك
تولان : نمت ؟
علي بإستهبال : لا بس المهند ما يرضى عليك
تولان : أقول اسمع بس
نبغى نطلع نأكل بنموت جوع
سمعها المهند و قال : يخسي الجوع قوموا يا عيال
سمعته تولان و ابتسمت و قالت : يا زينك
نست أن علي على الخط
علي : إستحي على وجهك
تولان : كلزق
و قفلت
ريناد : بشري ها وش
تولان : تممممم يالله قوموا نجهز ورانا مشاوير
هديل : وجع بكرا عيد ما جهزنا
ريناد : حبيبي توها الساعه 7:21
رهف : أجل نروح الصالون حق أمك على طريقنا
ريناد : خلاص جويي
و بعدها راحوا البنات يجهزوا عشان وراهم مو شغله
وحده ألف شغله فوق راسهم
*****
قسم الرجال / و بالتحديد في بيت الشعر
مشاري : يا عيال معي خبر
ثامر : صدققق وش وش
مشاري يغمز لهم: سمعت جدي يقول اننا بنروح لندن متى ما ادري
العيال فزوا
المهند : ما بغينا
علي : و انت الصادق ابغى اطلع إجازة من زمان
فارس : أقول أنت وياه محد مكروف بذي الدنيا الا حنا اصحاب الشركات
المهند رفع حاجب و قال : قاعد على مكتب و تكتب وش يتعب ؟
علي : ذا لا يجرب الي حنا فيه
كل يوم قضيه و كل يوم مدري وش
فارس : تكفى يا محقق كونان
دخل عليهم أبو علي و قال : السلام عليكم
قاموا العيال يسلموا و اتجه علي عند ابوه يقول له شي بإذنه
المهند جاه الفضول و اول ما شاف عمه الصقر يضحك و يناظره و
يقول : هذي الساعه المباركة
قعد علي جنبه
و قرصه المهند و قال : اخلص وش قلت لأبوك؟
علي بدفاشه: قلت له انك خاق على تولان و حاطها براسك
المهند فتح عيونه على الاخير : أيالوصخ كذا نظامك؟؟
علي ضحك : معليش
فارس نط بينهم : وش تقولون
رن جوال علي : هي حبيبتك تدق
المهند عصب و اعطاه ضربه جابت له الشلل
علي : وجععع يوجعك
فارس فطس ضحك
و قام المهند و قال : انا بالسياره
فارس: اصبر بجي معك
علي : بجيب البنات
الا ويشوفوا البنات بوجههم
مشاري : أعوذ بالله من الشيطان الرجيم
رهف مسكت خصرها : خيرر وش شايف أنت ؟؟
مشاري : وحوش
رهف : ما الوحش الا أنت
مشاري ضحك : أستحي على وجهك
رهف : ما ودي
ثامر : وش ذا اللبس ؟
نورة : وش دخلك؟ أهم شي ساتر
محنا متفصخين
ثامر : أخو العيال
نورة: أخت البنات
ثامر : سامجه لا تعيدينها
نورة : زيك
المهند بطفش: زوجوهم و فكونا
ثامر و نورة: يعع
هديل ضحكت: لالا صدق لازم تتزوجوا
فارس : يتزوجوا مين؟
هديل ضاعت علومها و سكتت
المهند ضحك عليها: وش فيك
هديل : مالك دخل
المهند لتولان : امسكي اختك
تولان رفعت حاجب و ابتسمت: خلها بكيفها
إبتسم و سكت ولا رد عليها
الا و يجون الامهات ...
أم مشاري: على وين ؟؟
رهف : ماما بنطلع نأكل و بعدين بنروح المحل حق خالتو أسماء و نروح
الصالون حق خالتو نفنف
أم المهند ضحكت : أجل نفنف
رهف تبوس راسها : شسوي من حبي لك
تولان : على اساس اني مؤدبه
رهف : اص
أم علي : علي يمه مطولين؟
علي : يلبى مامي تخافين علي ؟
أم علي : ولدي أكيد بخاف عليك
علي يغمز لها : معك الصقر يغنيك عن الكل
شهقت امه و طقته
علي بوجع: وش عندكم اليوم ؟
لف لأبوه : هذا جزاي آني اضبطكم؟
أبو علي ضحك : تستاهل
علي فتح عيونه : اح
الكل ضحك عليه : هههههههههههههههههههههههههههههههههههههههههههههههههههههههههههههههههههههههه
تولان ميته ضحك: دور وجهك الحين
ثامر يمسك نفسه : الحمدالله اني ما تكلمت
أم المهند تناظر ولدها الي عيونه على تولان : المهند حبيبي
المهند ماهو يمها
أم المهند تكلم أم علي : شوفي هنا
أم علي : أويلي المهند وش تناظر
أم مشاري: خاق على بنتك من قدك
تولان استحت : وجع خلاص ؟
المهند : احم احم يالله تأخرنا ترا
ام المهند: لا جيت مر لي ابغاك بسالفه !! لا تنسى سامع؟؟
المهند يبوس راسها : ابشري يروحي
الكل طلع متجهين للمطعم
و طبعا كلهم في سياره " ليموزين"
****
في جهه ثانية .
في أحد الشركات كان مرجع ظهره لورا و يفكر
دخل عليه أبوه و قال : سلطان؟ وش فيك
أبو مشاري: سم يبه ما فيني شي تفضل اجلس
سامي: أجل بوشو ساهي ؟؟
أبو مشاري: الشركه تدري لازم اركز بالمعاملات و الصفقات
سامي : طيب و أنا أبوك ترا ابغاكم بعدين كلكم في المجلس
أبو مشاري : سم يبه الي تأمر عليه
سامي : يالله فمان الله
أبو مشاري : بحفظ الرحمن
****
جهت المطعم عند الشله المريضه .
نورة : ياربي ريحه الاكل
ريناد : أحس بأكل نفسي
هديل : يلبى لا تأكلي نفسك نبغاك
غلا : وجع يقهر ذا
رهف : حتى هنا تلعبين ؟
غلا تغمز لها: أجل وش
هديل : بنات بنات اسمعوا اسمعوا
ريناد : وش
هديل : تسمعوا إلي انا أسمعه ؟؟
ريناد : وش ؟
هديل : أص و اسمعي الي ورانا
ريناد : يراسي يتغزل فيها
غلا : مضيع الغرفه
تولان : أصبري بدله
رهف مسكتها : أنثبري مكانك
تولان تغمز لها : أمزح
و هم قاعدين الا و تجي جماعه الكل حافظها
هديل: وييييعععععععع
غلا : شفيك
هديل : شوفي
الا و تناظر في ٤ أولاد كانوا يناظروهم
نورة : مزز يلبى
تولان تعزز مع نورة : إي والله
ريناد شبكت معهم : شوفي شوفي عيونه أوفف
رهف رفعت حاجب : وجع ؟ وين المزز ؟ ما أشوف ؟
غلا صدت ما تبغى تناظر فيه : الله يأخذك يا سعد
تولان بإستغراب : مين سعد ؟
غلا كشرت : توتو مو الحين بعدين
تولان : براحتك
****
علي للعيال : كأني أشوف شي غلط ؟
مشاري : إلي هو ؟
علي : شوف ذول العيال
فارس ببرود : وش فيهم ؟
علي : يناظروا بحلالنا
فارس فتح عيونه : كأنك تحمست؟
علي ضحك : لا
المهند قام قبلهم يشيك على الوضع
فارس فز : أصبر والله لجي معك
علي قام : و أنا معكم
ثامر و مشاري يناظرون بعض : مشينا
الكل راح و كل واحد يفكر وش بيصير
**
كان واقف وهو و اخوياه يطلبون
ما حس الا بطقة الكتف لف و شاف وراه الشعب الاسيوي
قال : هلا ؟
المهند : مضيع شي ؟
قال : لا
المهند : أجل عينك خلها مكانها عشان ما أقلعها
قال الي جنبه : تهدد يعني ؟
فارس يناظره و يبتسم : افهمه زي ما تحب يروحي أنت
مشاري ضحك : متى بتتهاوشون؟
ثامر : إنت إبليس ؟
مشاري : لا أنا اخوه بالرضاعه
فارس ضحك : الله لا يلعنك
المهند عيونه بعيون الولد : وصل ؟
الولد بتحدي : اك
راح و قعد بطاوله مقابله للبنات
راحوا العيال لهم و انخرشوا ذول مو بنات ذول اسود
علي : بشويش بشويش لا تغصي
غلا : انقلع
علي : خاف تغصي
تولان : خلنا نأكل وش فيك
المهند : عافيه
تولان : ربي يعافيك
ريناد : تولان تكفين تفاهمي مع ذول
لفت تولان الا تشوف
رهف و هديل يتاهوشون عشان صحن
راح فارس و اخذ الصحن : لا انتي ولا هي حقي أنا
شوي الا و يرن جوال المهند
المهند : هلا يبه
أبو المهند : تعال البيت و جيب البنات جدك يبغاكم
المهند : أبشر طال عمرك مسافة طريق
أبو المهند: يلا فمان لله
المهند : مع السلامة
ثامر : شسالفه
المهند : جدي يبغانا لازم نروح
مشاري تحمس : أوف يالله مشينا
دفعوا الحساب
و اتجهوا للبيت عل طول
****
في المطعم جهه ثانيه .
ابتسم بخبث : شفتها أم عيون ؟؟
ضحك و قال : إيي اجل وش
قال ببرود : للحين تفكيركم الوصخ كذا ؟
رجع ظهره لورا : سعد فكنا مو عشان شايف حبيبتك سويت فيها ثقيل
ضحك بشماته : حبيبتي ؟ البخ لاوالله
قال بخبث : والله لجيبها
قال الي معه : معك معك ترا شفت وحده اعجبتني
قام سعد و قام معه خويه : الله يلعنك
و اتجهوا برا المطعم
نواف : شفيك
سعد : ولاشي يالله مشينا
نواف : يالله
***
بالمطعم .
منصور بتفكير وصخ : ها وش قلت ؟
راشد ابتسم : معكك
منصور قام و هو يعدل التيشيرت حقه : قدام
************