البارت : 11
استغفرالله ، لا تشغلكم عن طاعة الله
« نجمة ⭐ قبل تقراء/ين يا حلو/ة »
نظر برق بحدة لعمه وهو محروق من شكهم فيه و حاس بيديها الي تتشبث بثوبه و طلع ورقة من المستشفى تثبت ان العنود كانت بمستشفى الـ**** و تم حقنها بأبرة مضاد لسم العقرب بالتوقيت و التاريخ
و اكمل كلامه ؛ وهذي الورقة تثبت كلامي لكن دامكم منتم واثقين فيني كأني ماني تربيتكم فهذا شي راجع لكم
مطلق تقدم بعد صمت و سحب الورقة و تكلم ؛ صحيح هذي اوراق مستشفى تثبت الي قاله
تكلم ابو حمد بحرج من اخوه و ولد اخوه ؛ العذر و السموحة لـ
قاطعه برق بهدوء ؛ لا تعتذر من حقك تخاف على بنتك ، ابتعد عن العنود و اظهرها لابوها و اكمل كلامه ، وهذي هي بخير و صحة و سلامة
تقدمت العنود بخوف لابوها وهي تمسك يده
و مسك يدها وهو يمسح على راسها ؛ الحمدلله على سلامتتس يا بنتي
العنود ابتسمت براحة ؛ الله يسلمك يبه
برق كان بيمشي لكن وقفه صوت عمه ؛ دامك انقذت بنت عمك و طلعت رجال ولد رجال و رضاوة مني ترا بنت عمك لك
العنود نظرت لابوها بكسرة بداخلها " انا ترميني رضاوة لولد عمي يا ابوي انا بنتك "
برق نطق بحرقة على شكلها قدام اخوانه وان عمه حطها رضاوة له ؛ لا يا عمييي بنت العم ما تجيني رضاوة ولا تنرمي علي انا اجيك لحد بيتك بأبوي و اخواني محازمي اطلبها منك معززة مكرمة على سنة الله و رسوله حليلة لي و ما بيننا زعل عشان تراضيني يا عمي
ابتسمو مطلق و رعد على اخوهم بفخر
و رعد غمز لبرق لانه استغل الوضع لصالحه
ابو حمد تكلم بفخر ب ولد اخوه ؛ تم و ابشر بالي تبيه
و رجع مع العنود للبيت
و رجع برق مع اخوانه و ابوه للبيت وهو يسمع مدح ابوه له انه ما وطى راسه قدام عمه و اعتذر على شكه فيه و برق رفض الاعتذار بحجة انه ابوه ولا ما بينهم زعل
..................................••...............
ببيت ابو حمد
دخل ابو حمد و خلفه العنود
و استقبلوها خواتها بالدموع وهم خايفين عليها و يسألونها
مروى بخوف ؛ وش صار لتس؟
عهد ببكاء ؛ وين كنتي؟ خوفتيني عليتس
ام حمد جلشت تمد يدها ؛ بنيتي تعالي
جلست العنود جمب امها وهي تحكي لهم الي صار بأستثناء الاعتراف و تطمنهم ؛ وهذا الي صار ما فيني شي بخير
بكت عهد بخوف ؛ كنتي بتموتين يا عنود مقدر اعيش بدونتس
حضنت العنود عهد وهي تضحك بسعااادة لما تذكرت اعتراف برق
و مروى حضنتهم بأبتسامة ؛ يعني بتتزوجين؟ ماااا اصدققق
عهد ابتعد بصدمة وهي تضحك ؛ صددق؟ قولي تمزحين؟ و مييين "غمزت" برررق
ضربتها عنود بخجل ؛ خيير عهد
ام حمد ابتسمت ؛ الله يتتم لكم ابوتس قال بالمغرب بيجي ابو مطلق روحي تجهزي و بنملك بنفس الليلة
عهد شقت بصدمة ؛ ما يمديها تشتري فستان ولا
ام حمد بمقاطعة ؛ وليه فستان؟
مروى بتعجب ؛ عشان يشوفها يمه!! شوفة شرعية و ما نقدر نعزم البنات ملكتها يمه لازم تستانس!!
ام حمد بتسرع ؛ الحين اعزم كل اهل الديرة بدقيقة و الفستان عندها فساتين وش كثرها مب لازم تشتري فستان جديد
عنود تكلمت بزعل ؛ يمه ملكتي يوم بالعمر وش تقولين لازم فستان جديد لازم اعزم كل اهلي و ناسي ابي انبسط يمه لا تكسرون فيني يكفي ابوي بغى يرميني عليه شر رميه
ام حمد كسرت خاطرها بنتها و قالت ؛ خلاص الحين ابوتس ياخذتس للسوق و تشرين احلى فستان و انا و مروى بنعزم اهل الديرة ولا يهمتس من الظهر للمغرب عندتس وقت تتجهزين
نطت عهد بفرح ؛ وانا بختار معتس فستان يليق فيتس و يخلي برق ينهبل عليتس
ام حمد ضرب راس عهد ؛ وانتي يا قليلة السحا قومي عن وجهي وشذا الحتسي
نطت عهد وهي تسحب عنود الخجلانه بضحك و مروى راحت تعزم اهلهم
أنت تقرأ
جِيتني غَيث و انا قَلبي بدُوي يرحّب بالمِطر حتى لو بَل ثُوبه
Randomتدور الاحداث في ضَواحي ديرة نجد باللهجة المُحببة للكُل و الاجواء اللطيفة تحت قسوة العادات و التقاليد و الصِراعات لكشف الستائر عن الحقائق التي خُبئت في الماضي و غيرُها من صراعات الحب و الغيرة و القسوة و الحنية ابطالي يحملون مزيج من الغرابة و الغموض...
