نجوم محرقة وليل "دامس"

بارت ٤٣

#نجوم_محرقة_وليل_دامس

تعليق بين الفقرات لطفاً

حسابي الانستكرام للتواصل // ze8.h
الواتباد // zai9_hr

₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.

چا والنَاس ، والوهَواس
واثار البچي ونُوحَه !
ترى التعَبان مِن روحَه
ما أظن تُبرد جروحه .
₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.

نجمـــة ::-

- نجمــة شتردين .

بلعت ريك وهزيت راسي
- احلف اجاوبج على السؤال البالج .
- واللــه اجاوبج على سؤال البالج ، هاهي

درت وجهي وما جاوبتة لميت نفسي كاعده عدل راح
هو صعد بصف عــمر ، مشت سياره بشارع مجهول وما
أعرف نفسي وين ولا اعرف شنو الجابني .

دقايق وطبينا بدربونه ضيگة مدري شلون فاتت سياره
وكف فتح الباب لـيـل نص لأن بس يفتح الباب كله يطخ بالحايط .

نزل فتح باب البجهتي ومد ايده
- تعاليلي .

فكيت باب الجهة اليمي حيل صاحوا اثنينهم
- لاااااا .

فزيت خايفه واسمع بس الباب ضرب الحايط حيل ، نزل عـمر بسرعة مدنك يباوع الجوه سياره واني خفت رجعت ركض الجهة لـيـل نازله .

سد الباب وعصر زندي
- هو هيج اليفك الباب .

بصوتي الرجفة احجي والتفت الذيج الجهة

- واللـه مو قصدي .
- تولي انعل ابوها ، ولزم جف ايـــدي .

كام واكف على حيلة عـمر يحجي
- انعل أبوها دتعال شوف محفوظتك سووت زلغت
سيارة العالم منو يخسرها طيحتوها براس المگرود وهــب مو .

- وزلغتها توولي فدوه الها .

حضن ايــدي بايده وطب يمشي ، صافنة وكل شوي عثرت بطرف العباء حيل طويلة عليه لا ونوب الحجاب صاير اعوج عبالك شرجي طاكة .

فات بقى بالطارمة وصاح
- وووهــب .

عكدت حاجبي واباوع للبيبان يا باب يطلع منه وهــب وليش وهــب هنا وبيت منو هذا .

دقايق طلع وهــب من الباب المقابيلنا راسة ملفوف بشاش ابيض يجر برجله جر جاي علينا .

وكف كدمنا باوعلي وسريع دار عينه
- الحمدلله على سلامتج خوية مسحيها بشواربنا بعد
ما تنعاد .

وعاط ليل بعصبيه يرزل
- هاي فوك ما تدعي يصير البال اخوك تريدها تنعاد بس هي هم منين تتلكاها من شواربك ، وعليي لو عندي حرام اخسر بيهن شفره بخمسمية علج اثنين بربع هواي عليهن .