البارت 5

10.8K 1K 304
                                    

#طشت خرز

كنوز القحطاني

زينب

وصــدك لو كـاالو هلي
لـماله اول مالـه تـالي
والماله حظ بدنيته
لايتعب ولا يتاني

******'

زينب :: نشت عباتي و طلعت اركض و انده باسم وَلي الله و رايه برعب مهدود حيلي بعد الذعر العشته بهذه الثواني القليله وعقلي ما رحمني صورلي اسواء الاحتمالات

وگفت بمكاني من شفتهم اجوا يركضون اخذت نفس گلبي دگاته دمام من وصلوا يمي من حرگة گلبي ضربتهم وصحت بيهم

_ چم مره گلت لا طلعوا من دون ماتگلولي وچم مره گلت لاترحون لغير مكان حدكم باب الحوش وبس هاا شنو احجي ويا روحي اني

گامت تبچي رايه و ولي الله مدنگ راسه ادنيت عليهم اكثر خلى اخته ورا ظهره يحميها من شفتهم هيج غورگت عيوني بدمعها دعيت ربي يبقى دوم هيج حنين ع خواته

ويصير عزوه وسند الهن حنيت ضهري عليهم مسحت ع خده اصابع أيدي طابعه عليه ابد ما ضاربتهم بس خوفي خلانى افقد اعصابي،،، مسحت ع خده وبسته

_ سوده عليَّ يمه كون مكسوره أيدي قبل لا امدها عليك

لزم چف أيدي باس ونطق بسرعه وخوف

_ لا اسم الله عليج يمه اني احبج

_ واني اموت عليك يروحها لزينب انت

مدت راسها رايه من ورا اخوها تعاينلي بزعل مبوزه شفايفها لگدام رغم الضربه القويه اجت باخوها،، جريتها بستها من خدودها

_ وانتِ اني مو موصيتج ع اخوج اذا راح لبعيد تجين تگوليلي

بدت اديها تتشمر بعشوائيه دائما من تسولف اديها تسولف وياها تذكرني بالرجال الـ أسفل شاشة التلفزيون يأشر للصم البكم ويا المذيع

_ مو هو راح بعيد ماگدر ارجع حتى اگلج خاف يعوفني و يروح واني رحت وياه

ضحكت عليها شلون تشرح وأهم شي عدها روحتها ويا حتى اني نستنى،،

رايه متعلقه حيل باخوها لان هي اخر وحده وفرق بينهم من جبتها هو واعي ساعدني بيها يشيلها يسكتها حتى من يدرس يحطها بحضنه ويقرا واني كلما يطلع ادزها ورا

انتبهت الها لابسه ملابسه وكبار عليها مشلها البجامه حتى تصير عليها

_ مو گتلج بعد لا تلبسين ملابس اخوج كبار عليج

رد المحامي يدافع عنها يوضح السبب حلگه و اديه يشرحن هسه عرفت رايه عليمن طالعه

_ اني لبستها ملابسها ويا ملابس غفران و يقين و روز صايرات هواي طلعت الها من ملابسي

ابتسمت عليهم لان ملابس خواته هواي يضوج يدور ع ملابسها يختصر السالفه يلبسها منه ويطلعون

طشة خرز حيث تعيش القصص. اكتشف الآن