🦋 إسكريبتات شروق حسام 🦋

الجزء الأخير 🦋

بقلم شروق حسام 🦋

نور بوقاحة وإستحقار " أوووه خطافة الرجالة، أنتِ جاية هنا ليه؟ "

نهى بهدوء " محتاجة أكلمك. "

زاد إحتقار نور ليها وبصت لها من فوق لتحت بقرف " أنتِ إزاي أصلًا عندك الجرأة تيجي هنا؟ عايزة إيه تاني مني؟ إسلام وخدتيه، عايزة إيه تاني؟ أنتِ مش مرحب بيكِ هنا. "

نهى بحزم متخطية إهانة نور بصعوبة " لأنِ مش هقدر أشوف الظلم قدامي وأسكت. "

نور بملل " ظلم إيه؟ "

نهي بإندفاع " إسلام أنتِ ظالماه. "

نور بحدة وصراخ " أنا أنا ظلمته أنتِ شكلك إتجننتي أمشي من هنا أحسن ما أمشيكِ بطريقتي وطريقتي مش هتعجبك وأبقي روحي قولي له إنِ مش هرجع له حتي لو جاني راكع على ركبته. "

ياسين بقلق " فيه إيه يا بنتي؟ صوتك عالي ليه؟ ومين دي اللي بتكلميها؟ "

_" مش مهم يا بابا واحدة ما اعرفهاش. "

نهى بحدة " نور ياريت تسمعيني وتخليني أشرح لك كل حاجة من غير مقاطعة. "

_" عايزة تشرحي إيه؟ جوازه بيكِ، عايزة تشرحي خيانته عايزة تشرحي كدبه وخداعه ونفاقه ليا عايزة، تشرحي إيه بالظبط؟ عايزة تشرحي إزاي خطفتي واحد من مراته وابنهم ابنِ اللي مات بسببه. "

ياسين وزهرة بصوا لنهى بصدمة، إن إزاي تستجري وتيجي لحد هنا؟ هما شافوها قبل كده في المستشفى بس ماركزوش ولا خدوا في بالهم، كانوا قلقانين على بنتهم، ومافيش حاجة شاغلة دماغهم غيرها.

_" إسلام ماخانكيش هو بيحبك وعمره ما حب حد غيرك أنتِ لو شفتي حالته دلوقتي وأنتِ بعيدة عنه هيصعب عليكِ. "

_" أنتِ مجنونة؟ أومال مسمية جوازه منك إيه؟ "

نهى بقوة " جواز صوري على ورق بس؟ "

نهى بتنهيدة " أنا كنت متجوزة مروان ابن خالي كان أخويا وأبويا وصاحبي وكل ما ليا بس للأسف مش مكتوب لنا نكمل ما بعض لأنه مات في حادثة عربية اللّٰه يرحمه. "

_" اللّٰه يرحمه، بس ياريت تختصري كلامك أنا مش طايقة أبص لك أو أسمع صوتك. "

نهى بوجع " بعدها بكام شهر إتقدم لي شهاب ابن عمي مش حبًا فيا ولا حاجة هو كان عايز زوجة تلبي له إحتياجته وقت ما يحب بمعني أصح جواز متعة بس أنا رفضت رغم أن أهلي كانوا موافقين وكانوا هيجوزوني ليه غصب ههه بس كنت هموت نفسي فرجعوا في قرارهم. "

نهى بدموع " بس شهاب غضب وإتضايق وحس إن رجولته إتجرحت، وإن إزاي هو يترفض وأي بنت بتتمناه فراح....خطفني وأنا خارجة من البيت و راح أ... أ..عـ...تدي أعتدي......عليا....عشان يكسر عيني وعين أهلي....وكل ده...وأنا..وأنا مش قادرة أتكلم ولا أعمل حاجة كان كاتم بؤي ومثبتني بقوة حاولت أبعده بس ماقدرتش فضلت أدعي ربنا......كتييير حد يساعدني....بس..بس مفيش حد جيه.....وبعد ما خد اللي هو عايزه...رماني......على الطريق وأنا مغمي عليا وهدومي......متقطعة. "