🦋 إسكريبتات شروق حسام 🦋

الجزء الثاني 🦋

بقلم شروق حسام 🦋

_" البقاء لله ربنا يعوض بنتكم خير الجنين جيه ميت وحصل للمدام نور إجهاض وللأسف حصل نزيف داخلي حاد فإضطرينا نستأصل الرحم. "

الكل بص له بصدمة وتوهان كأنه بيتكلم عن حد تاني مش نور، نور روح قلبهم دنيتهم وكل حياتهم.

زهرة بعنف وعدم تصديق " مستحيل، أنت أنت ليه ماعملتش أي حاجة؟ أنت مسمي نفسك دكتور على إيه؟ ليه ماحاولتش تعمل أي حاجة؟ خلاص بنتي هتروح مني كله بسببك أنت يا إسلام حسبي اللّٰه ونعم الوكيل الهي ما تتهني في حياتك. "

_" اهدي يا مدام أنا متفهم عصبية حضرتك وإحنا عملنا اللي علينا بس مهما عملنا كلها أقدر وكتبها ربنا. "

ياسين بهدوء ظاهري " اهدي يا حبيبتي عسي أن تكرهوا شيئًا وهو خيرًا لكم. "

ياسين بحزن " دكتور نور هتفوق امتى من البنج؟ "

الدكتور بعملية " خلال 24 ساعة مدام نور واخدة بنج قوي لأن الألم كان شديد ده غير حالتها النفسية ف المدام مش هتصحي دلوقتي خالص. "

_" تمام. "

كل ده وإسلام قاعد في ركن بعيد ومش حاسس بحاجة هو السبب في اللي حبيبته وصلت له هو السبب.

نهى بحزن " أنا أسفة أسفة أسفة أنا السبب ياريتني ما كنت كلمتك ياريتني. "

إسلام مش سامع أي حاجة غير صوت ضميره اللي بيجلده في الثانية ألف جلدة.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

تاني يوم

نور صحيت من البنج بتعب " راح صح كنت حاسة إنه راح زي كل حاجة بتروح مني. "

_" أنا عايزة أروح مش عايزة أفضل هنا. "

الدكتور بعملية " لازم على الأقل تفضلي في المستشفى 3 أيام ده جرح ومحتاج وقت عشان يلم وللأسف إضطرينا نستأصل الرحم فعشان كده حضرتك لازم تفضلي هنا. "

_" هههه عادي زي كل حاجة بتروح الحمد للّٰه بس أنا عايزة أروح يا دكتور حاسة بخنقة ومش مرتاحة طول ما أنا هنا أنا مش بحب المستشفيات  وماما وبابا هيراعوني أحسن من المستشفى مليون مرة، مش كده ولا إيه؟ "

ياسين بحب " أكيد يا حبيبتي. "

نور بجمود " هو فين؟ "

ياسين ملامح إتغيرت للغضب " قاعد بره، بتسألي ليه؟ "

_" طب لو سمحت يابابا دخله عايزة أتكلم معاه. "

_" بس... "

_" لو سمحت. "

ياسين بتنهيدة غضب " حاضر. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد شوية

دخل إسلام بسرعة حضنها وهو باين عليه التعب والإرهاق.