🦋 إسكريبتات شروق حسام 🦋

إسكريبت 🦋 فرصة ضائعة 🦋

إسكريبت 🦋 بقلم شروق حسام 🦋

_" إسلااااام. "

_" أنتِ مين؟ "

نهى ببكاء وصراخ " إسلام فين؟ "

نور بخضة " إسلام نايم، أنتِ مين؟ وعايزة منه إي "

_" أنا عايزة إسلام. "

_" بقول لك لآخر مرة، أنتِ مين؟ "

نهى بصراخ جنوني " أنا مراته اديني إسلام حالًا. "

نور سكتت وهي بتحاول تستوعب كلامها مرات مين إسلام مش متجوز غيرها هو بيحبها هي وبس هي حب طفولته ومراهقته وشبابه ده غير ابنه اللي حامل فيه وجاي في الطريق.

إسلام بنوم " فيه إيه يا نوري؟ "

نور حطت الموبايل في إيده من غير ولا كلمة.

إسلام سمع صوت نهى واتنفض مكانه زي المجنون " نهى أنتِ كويسة؟ "

نهى ببكاء " إسلام تعال لي حالًا بسرعة. "

_" خمس دقايق وهكون عندك اياكِ تتحركي من مكانك سامعة. "

نور بصدمة وجسمها بيرتجف من الآلم " مين دي؟ "

إسلام بقوة وحزم " دي نهى مراتي؟ "

إسلام بص لها بحزن وألم كبير وسابها وخرج بسرعة.

نور بعيون زائغة وأعصاب مشدودة " مراته، طب وأنا إيه؟ ههههه إسلام اتجوز عليا السند والأمان والمأوي طلع خاين منافق كداب خرج وسابني ههههه اتجوز في السر ههههه ااااااه يا ريتني مت قبل ماتتجوز عليا. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

_" نهى نهى أنتِ كويسة؟ "

نهى حضنته ببكاء " أخيرًا جيت أنا خايفة أوووي كانوا كانوا هنا وعايزين... "

_" خلاص خلاص اهدي حصل خير أنا جيت ومافيش حد هيقدر يقرب منك دي مجرد كوابيس. "

نهى استوعبت اللي عملته وبعدت عنه بسرعة " نور نور، أنا إيه اللي عملته ده، إزاي أقول لها كده؟ هنعمل إيه دلوقتي؟ "

_" أنا أسفة أنا أسفة. "

_" في الأول وفي الآخر كانت هتعرف حبل الكدب قصير. "

موبايل إسلام رن لقي حماته هي اللي بترن.

_" إسلام تعال مستشفي (.....) بسرعة نور.... "

إسلام فصل قبل ما تكمل كلامها وجري بسرعة على المستشفي ونهى لحقته.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد فترة في المستشفي

إسلام بخوف " ماما نور حصل لها إيه؟ قولي لي بسرعة هي وحمزة كويسين طمنيني أبوس إيدك. "

ياسين والد نور قرب منه بسرعة ونزل فيه ضرب

ياسين بغضب جنوني " يا بجحتك يا أخي جايب مراتك التانية معاك ده أنا استأمنك على بنتي يا حيوان وفي الآخر تتجوز عليها بنتي بين الحياة والموت بسببك أنت هطلقها وأنت حاطط جزمة في بؤك يا نجس يا زبالة. "

_" أنا.... "

قطع كلامه خروج الدكتور بملامح حزينة

زهرة والدة نور بقلق " طمني يا دكتور بنتي عاملة إيه؟ "

_" ....

#فرصة_ضائعة
#شروق_حسام