ناضت و هي كاتحاول تستجمع شتات افكارها و قربات منه، بغات تحط يدها عليه بعدما كان عاطيها بالضهر و هو ينطق بجدية
السلطان: روح الندى سيري دابا لبيتك!
خلاها تتنفس بقوة و بغضب من تصرفه، عضات شفتها السفلية و رجعات لبسات حوايجها!
خرجات من عنده و هي كاتغلي من داخلها، بينما هو وقف مقابل مع السما، هز راسه فالقمر .. تأمله لمدة طوييلة و همس بخفوت
السلطان: صورتك مابقاتش كاتفارق خيالي، مابقات كاتقنعني تا مرا دابا، باغيك انتي بوحدك، باغيك تكوني ليا مرا، و نحطك ففراشي (طول الشوفة فالگمرة اللي كاتبانليه بصورتها و نطق بخفوت) و مغانرتاح تا نديرها!
💢💢💢💢💢💢💢💢💢💢💢💢💢💢💢💢💢💢
الليل كوله مانعساتش و غير كاتفكر و هي ممدودة فبلاصتها، عقلها كايدي و يجيب و كاتحاول أنها تلقى حل لراسها!
تنهدات تنهيدة مسموعة و تمتمات بخفوت
شامة: اشنو يكونو كايديرو دابا؟
حسات بحرقة غير طبيعية فخاطرها و فقلبها، تزيرات بزاف و حسات بروحها كاضرها، شدات على صدرها و همسات من جديد
شامة: هو السلطان عرفناها و لكن من قبل ماكانش سلطان و انا كنت معاه بنيتي (عززات سنانها بلا ماتحس) حاسة براسي مخنوقة و معصبة و باغا نمشي عندهم نخنقهم، و واش هادشي يقدر يكون غيرة؟؟ واش انا كانغير؟ ا اه حيت والفتو غير فديك الجزيرة انا وياه ضروري مانغير ، اما تا حاجة اخرى مكاينة. . انا مكانحس من جيهتو بوالو، هو سلطان و انا جارية كاتقلب على طريقة اللي تفاك بيها باش ترجع فحالها لحياتها القديمة، انا هادشي ماشي ديالي و هادي ماشي حياتي، خاصني نرجع فحالي!
نعسات و هي كاتقنع نفسها بهاد الكلام، كانت مامقتانعاش بهاد الوضع و مقابلاش على نفسها تكون فوضعية فحال هادي مع امرأة اخرى
💢💢💢💢💢💢💢💢💢💢💢💢💢💢💢💢
حل صباح جديد، فاقت شامة بسباب الهضرة الكثيرة دالبنات، تأفأفات و هي كتنهد و ناضت بلا گانة من مكانها خاصها تكمل نعاسها، حيت هي يلاه جوج سوايع باش غمضات عينيها، مشات نيييشان من جنبهم خلاتهم غير كايشوفو فيها، طريق طوييلة مشاتها تا وصلات لجنب غرفته و هي فديك الحالة، بقفطانها مخصر و شعرها و تا المكياج بدا كايزول، بانولها حرس واقفين تما و تمتمات بجدية
شامة: قولو للسلطان بغيت ندخل عندو!
طلعوها و نزلوها بعينيهم بنظرة شك، بينما هي كانت حالة عينيها بالزز، مادواوش معاها و بقاو على حالهم واقفين، حتى سمعات صوت جاي من وراها، دارت و هي تلمحو هو و راجل آخر، كانو غاديين كايتمشاو و باينة عندو بزاف دالخدمة بعدما رجع من غيبة طويلة!
أنت تقرأ
👑 ألف ليلة و ليلة 👑 (كاملة)
Fantasyيحكى أنها بين عشية و ضحاها وجدت نفسها مثل شهرزاد، تحكي قصتها للذئب كي لا يلتهمها الليلة على العشاء! و في حكاية أخرى تمنت تلك المغرورة أمنية لا تعقل، ستتحقق بفعل القلم السحري! هي ليلى و هو الذيب و هادي حكاية ليلى للذيب 👑 ألف ليلة و ليلة 👑 بقلم : ن...
