အနက်ရောင်ရှိသော မဟူရာကျောက်ပေါ်မှာ စိန်ပွင့်ကလေးများစီထားသကဲ့သို့ပင် သေးငယ်လှသောကြယ်ပွင့်ကလေးများဖြင့် စီချယ်ထားသော အနက်ရောင်ကောင်းကင်ထက်ဝယ် ကြီမားတောင့်တင်းသော အတောင်တို့ပါရှိပြီး လူသားခန္ဓာကိုယ်ပိုင်ဆိုင်ထားသည့် hybrid မျိုးစိတ်သတ္တဝါတစ်ကောင်သည် သူ၏ရင်ခွင်ထဲ၌ လူသားငယ်လေးတစ်ဦးအား ပွေ့ဖက်ကာ လေဟုန်စီး၍ ပျံသန်းနေသည့် မြင်ကွင်းမှာ ပန်းချီကားတစ်ချပ်သဖွယ် လှပလွန်းလှသည်....
အဂ္ဂိ မနက်စောစောတည်းက မြောက်ပိုင်းကို စတင်ထွက်ခွာလာတာဆိုပေမယ့် ယခုမိုးချုပ်တဲ့အထိကိုမရောက်နိုင်သေးပေ။ အဂ္ဂိ သူ့ရင်ခွင်ထဲက ရှိန်းကို ငုံ့ကြည့်လိုက်တယ်။ စထွက်လာတုန်းကတော့ ဟိုနေရာလှတယ်။ ဒီနေရာမိုက်တယ်။ လေပေါ်ပျံနေရတာ ကြောက်စရာကောင်းတယ်။ ပျော်စရာကောင်းတယ်နဲ့ တစ်မျိုးပြီး တစ်မျိုးပြောနေပေမယ့် ခုတော့ ပင်ပန်းသွားလို့ထင်သည်။ အိပ်နေတာမှ သိုးလို့။
အဂ္ဂိ ရှိန်းကို ကြည့်ပြီးတာနဲ့ မြောက်ပိုင်းဘက်ကို အမြန်ရောက်အောင် အတောင်တို့ကို အားစိုက်ကာ ပျံသန်းလိုက်တယ်။ သူရော ရှိန်းရော ဒီနေ့တစ်နေကုန် ဘာမှမစားရသေးဘူး။ သူကတော့ ရက်နဲ့ချီမစားပဲတောင် နေခဲ့တဲ့သူမို့ပြဿနာမရှိပေမယ့် ရှိန်းကတော့ အိပ်ရာကနိုးတာနဲ့သေချာပေါက် ဗိုက်ဆာနေမှာပဲ.......
အဂ္ဂိ မြောက်ပိုင်းက တောအုပ်ကြီးရဲ့အပေါ်ဘက်ကို ရောက်လာတာနဲ့ တောအုပ်ရဲ့အလယ်ဗဟိုတည့်တည့်ကို အမြန်ဆုံးပျံသန်းကာ လေဟုတ်စီးပြီးမြေပြင်အခြေအနေကို အရင်စစ်ဆေးလိုက်တယ်။ ဘာသားကောင်၊ ဘာအန္တရာယ်မှမရှိဘူးဆိုတာ သေချာသွားတာနဲ့ တောအုပ်ရဲ့အလယ်ဗဟိုတည့်တည့်မြေပြင်ပေါ်ကို ဆင်းသက်ဖို့အတွက် ရင်ခွင်ထဲမှာပွေ့ထားတဲ့ ကောင်လေးကို ပြုတ်မကျစေရန် ပိုပြီးတင်းတင်းကျပ်ကျပ် ဖက်ထားလိုက်တယ်။ ထို့နောက်မှာတော့ အတောင်တို့ကို အသာခတ်ကာ မြေပြင်ကို ဦးတည်ပြီး ဆင်းသက်လိုက်တယ်........
ဖလပ်! ဖလပ်! ဖလပ်!
အဂ္ဂိ မြေပြင်ပေါ်ကိုဆင်းသက်ပြီးတာနဲ့ ရင်ခွင်ထဲမှာ အပူပင်ကင်းကင်း အိပ်ပျော်နေတဲ့ကောင်လေးကို အောက်သို့ချပြီး အပင်ကြီးတစ်ခုပေါ်မှီစေကာ နှိုးဖို့လုပ်လိုက်တယ်.....
YOU ARE READING
Love Curse ( အချစ်ကျိန်စာ ) Season 3
Fantasyရှိန်းသုတမဟာဆိုတဲ့ လူသားကောင်လေးရဲ့မျက်ရည်တွေက အဂ္ဂိဆိုတဲ့ငါ့တစ်ယောက်ထဲရဲ့အပိုင်........
