نجوم محرقة وليل "دامس"

بارت ٤٢

#نجوم_محرقة_وليل_دامس

تصويت وتعليق بين الفقرات لطفاً

للتواصل انستگرام// ze8.h
واتباد // zai9_hr

𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬

چي طيب گلب
من كل كتر ملچوم
حضن نفاضه ياهو الجاي چاويني

𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬

مـــروة ::- دگات گـــلبي تتسابق ويا نظرات عيوني لتفتر للشارع ذرة حيل ما باقيه بيه دموعي طافحة من الدموع اشهك مفرفحة ، عــــمر كاعد بصف زهـــير اليسوق على آخر عدد بالسياره ، كل شوي وخابر وماكو ولا خبر لا لاگين وهب ولا متأكدين من ليل إذا
عايش .

لزمت گـــلبي ودنكت ابچي النفس مخنوگ بصدري الرجفة مختله بكل جزء من جسمي .

شهكت عاضه شفتي وادعي من روح ملهوفه ضايعة بتفكيري
- رررررربي اااامانتك ليل اااامانتك لا تفجع گلب امي
وگـــلبي بي إلهي إلهي ليل عندك بحفظك ورعايتك ربي ما عندنا غيره هو التچايه الوحيده لا تأخذها منا عـمري روحي ربي ليل ليل وحيدنا ياهو النا من بعده يااااهووو .

ضرب عــــمر ايده بالدشبول يصيح
- لااااا توجعين گـلبي لا توجعيني مررروة ابوس ايدج كاااااااافي كااافي والله والله مابي شي والله ما دام ما لاگين اي اي اثر منهم يعني عايشين هسه واللــه هسه يلگوهم هسه بس لا تبچين عليج الحسن بسج .

خليت أيـــدي على حلگي ابچي كتم ذرة روح ما ضلت
بيه فزيت وفكيت عيوني على وسع ، من اسرع حيل كلش زهــــير يسوق بقوة ، رفعت ايديه لأزمة الكشن المنتچي عـــليَ عــــمر واشهك احس هيج هسه نطب بسياره چن يمشي مو على گاع .

دموعي تنزل على خدي جمر ، ساعتين واحنا حالنا شبة الموتة بس نتنفس والسياره ما وكفت دقيقة من
طلعنا من بيتنا لحد ما طبگنا مكان الحادث وانشوف
الونش واحد رافع سياره واكف على جهة والثاني يشيل بيها ، عـــمر وزهـــير نزلوا ركض ، هستوني فكيت الباب ، دفره عـــمر ويسويلي براسة لا من ورا شباج .

راحت روحي واني اشوف شرطة وعالم صاحبة سيارات نازله من شارع وهم واكفة تباوع ، فكيت الباب ما قبل لزم ايدي ورجعني وتقرب بقى الباب مفتوح .

- هنا هنا مروة ابقي هنا هسه نرجع نازله ششوفين بس گليلي .

شهكت دموع حارگة روحـــي والغصة تصعد وتنزل ببلعومي خانگتني .

- اخوووووي عـــمر اااااخوي شنو شنو ششوف .
- محد هنا بـس شرطة احنا نستفسر منهم ونرجع ندور عليهم بلكي شايلتهم سياره .