ليـالـي سمــراء

6

روايـه::ليـالي سمـراء.

للكاتبـه:: عقيِق العـلي.

ً

" أجِيت الليله أودِعُكم "
شگثر بـعتوني للغُربه ولا مَره بعت مُنكِم
وُقبل لا أمـوت اوصِيكم ذمَه برگبت
الينَسون ، هَوه العاشگ من أيموتّ
يبقه بُكل گلب ذُكرىٰ .
ألليله كُلشي أختلف وعيـوني أطَفيها
ألليله تِبچي عَلي وأللّٰه أخَليـها .

ً
•قلبـي الـ زرقـاوات لا تنسون الـ ★
يعني طبعاً تكـون تقديراً الـ تعبي؟🩶🍂

ً

تــرف

گعـدت على وجـع قوي بـ راسي
لزمت راسي و حاولـت اوگف بس
ما گدرت رجعت گعدت أحـاول اتذكر
شـصار؟
شنو سبب هذا الألـم؟!
من بلشت اتذكر و استوعب الي صـار
بقيت بـ حاله ذهـول
اچـذب تفكيري و اگول لا حـازم ما يسويهـا.
بس ألـم بطـني يثبت الي العكـس.
وگفت شلون ما چان عندي أمـل ما مسوي
هيچ شي. ما چنت منتبهه على شكلي.
تلمست بطني واني بـ حالـه صدمه.
أني ما چنت لابسه هيچ!!
ابـاوع على ملابسي بـ ذهـول
مو نفسهُم چنت لابسه غير شي قبل لا
يصير كُل هذا.
لـ وهـّله نسيت كُل الألـم وركضـت للحمـام.
ماكـو دم!!
يعني شنو لعد ليش ملابسي يختلفـون؟؟
الألم الي أحس بي يبين أن هو معتدي عليه!!
بس بعدني عندي ثقه أن لا يُمكن يسوي هيچ شي.
بس راحت كُل هاي الثـقه من صرت اتذكر شنو الي صـار.
طلعت أبـاوع بعدهم ما موجودين.
هجـر وين ليش ما حاولت تتطمن عليه.
دخلت للغرفه و غلقـت الباب وقفلته.
ما أعرف شنو چنت أفكـر بس ألـم راسي
ويَّ ألـم معدتـي ما خلاني اركز وأتذكر كُل شي.

سمعت صوت تليفوني يدگ.
صرت ادوره إلى أن لگيته صاير جوه
الچـربايه. سحبته وچان تسجيل الفيديو لسه مشتغل.
لگيت شُجـاع يتصـل.
ما گدرت أجـاوبه حقـدت على الكُـل بـ هاي اللحظه.
حطيت راسـي بـ المخـده وصرت اصرخ أحـاول اطـُرد الأفكـار من راسي.
بس ما گدرت من اتذكر شلون چان يباوع عليه
واني أتوسل بـ عيوني حتى يعوفني
بس هو ولا اهتم بقى خانگني ألى أن فُقدت.
بس ليش هيچ ليش راح اتخبل وين ملابسي
الي چنت لابستهم وين راحوا؟؟

صرت اشهـگ بـ البچـي وافكـر شنو الي راح يصير
كُلشي يثبت أن حـازم معتدي عليه.
وين اروح و المنو احچي.

بقيت فتره ابچي إلى أن صاب گلبي برود غريب.
لازمه بطني و ساكته أول شخص فكرت بـ نظرته
أليه هو نصـار. حلوتّـه راحت انتهت.
سمعت صوت سيراتهُم تدل على رجوعهُم.
گمت حطيت نفسي على فراشي أفكر بـ مُستقبلي
شنو مُمكن يصير؟
ابقى ساكته لو احچيلهُم؟
أثناء تفكيري وصلني صوت التليفون
يدُل على وصول أشعـار.
ما چان الي خُلگ افتحه بس رجعت سمعت صوته.
فتحته.
و بقيت جـامده من الصدمه حسيت أطرافي بردت
دموعي لا إرادياً نزلت.
چانت عباره عن كم صورة لـ ملابسي
مُلطـخه بـ دم!!
چان بـ كُل برود دازهُم ألي وياهُـم فويس.
فتحتها وأيدي ترجف
چان الكـلام بيها كـ التالي.