မဟာ အောက်ထပ်ကို ဆင်းလာတော့ အစ်ကိုက လှေကားအဆင်းမှာ စောင့်နေတာကို တွေ့လိုက်ရသည်။
" ညီ လာတော့ လေ မနက်စာ စားကြရအောင် မုန့်တွေ ရောက်လာပြီ "
" ဟုတ် အစ်ကို "
" မမလေးရတီရော ညီ "
" ရတီ ခနနေရင် ဆင်းလာပါလိမ့်မယ် "
" အော် "
မဟာတို့ နှစ်ယောက် မနက်စာ စား နေတဲ့ အချိန်မှာ ရတီက အပေါ်ထပ်ကနေ ဆင်းလာလေသည်။ နောက်တော့ မဟာ့ဘေးနားက ခုံကို ဆွဲယူကာ ၀င်ထိုင်လိုက်သည်။
" မောင် နောက်ပြီးရင် ဘယ်သွားကြမှာလဲ "
" စိုက်ခင်းထဲ သွားကြမလို့ ရတီ.... ဘာဖြစ်လို့လဲ "
" မောင်တို့နဲ့ အတူတူ စိုက်ခင်းထဲ လိုက်မလို့လေ ဗဟုသုတ လဲ ရအောင်လို့ ။ ရလားဟင် "
" အင်း လိုက်ချင်ရင် လိုက်ခဲ့ လေ "
မဟာက ပြောပြီးပြီးချင်း မနက်စာကို ပုံမှန် အတိုင်းပြန်စားလေသည်။ မင်းခန့်လဲ ညီ့သဘော အတိုင်းဘဲ ဖြစ်လေသည်။
မဟာတို့ အားလုံး ထမင်းစားပြီးတော့ အိမ်အပြင်သို့ ထွက်လာကြသည်။ နောက်တော့ လမ်းလျှောက်ကာ စိုက်ခင်းစီ သို့ သွားကြသည်။ စိုက်ခင်း အ၀င်၀ ခြံနားရောက်တော့ မင်းခန့်က မဟာကို အနားသို့ ခေါ်လိုက်သည်။
" ညီ ... အစ်ကို့ နား ခနလောက်လာပါအုံး "
" ဟုတ်အစ်ကို "
မဟာလည်း အစ်ကို နားကို သွားလိုက်သည်။ အနားရောက်တော့ အစ်ကိုက ခြံ၀က လူတစ်ယောက်ကို ခေါ်ကာ တစ်ခုခုပြောလိုက်တော့ ထိုလူ့ေခါင်းေပါ်က ခမောက် ကို ကိုယ်တိုင် ချွတ်ပြီး အစ်ကို့ကို ပေးလေသည် ။ ထို့နောက် အစ်ကိုက ထိုခမောက်ကို ယူကာ သူ့အပေါ်သို့ အုပ်မိုးကာ သူ့ခေါင်းပေါ်သို့ ဆောင်းပေးလာလေသည်။
ထို ခဏ ၌ အစ်ကို့ရဲ့ ကိုယ်သင်းရနံ့ တစ်နည်း အတိအကျဆိုလျှင် ချွေးနံ့ ရောတဲ့ ယောက်ျားဆန်ဆန် အနံ့ကို ရလိုက်သည်။ တော်တော်လေးကို စွဲ မက်ဖွယ်ကောင်းကာ နမ်းရှိုက်ပြီးရင်း နမ်းရှိုက်ချင်နေမိတော့သည်။
YOU ARE READING
ချစ်ခြင်း သစ္စာ
Action"ငါလေ သွေးစွန်းတဲ့လက်တွေ မလိုချင်ဘူးမောင်" "မောင် က ကိုယ်စားအစွန်းခံပေးမယ် ၊ တစ်ခုဘဲ မောင့် တစ်ယောက်တည်းကိုဘဲ ချစ်ပေးပါ " "ငါေလ ေသြးစြန္းတဲ့လက္ေတြ မလိုခ်င္ဘူးေမာင္" "ေမာင္ က ကိုယ္စားအစြန္းခံေပးမယ္ ၊ တစ္ခုဘဲ ေမာင့္ တစ္ေယာက္တည္းကိုဘဲ ခ်စ္ေပးပါ "
