احببتك رغماً عني

البارت الرابع

هَـلاو هَـلاو شلونكم وهذا البارت الرابع والاخير من قصه احببتك رغماً عني للكاتبه ('نـــNooRـــور') مو تنسون لايك وتعليق حلو مثلكم ويلا بينا نبدي البارت
........................................
(وهسه نروح لبطلنا زيد )
زيد : بعدما وصلت نغم ع الحفله ورجعت انتبهت ع اسوارها واكع بالكاع الظاهر ممنتبهه اله واعرف بيها تحبه فكلت خلي ارجع وانطيها ياه ويه ما وصلت وصلني مسج مكتوب بيه زوجتك كذبت عليك وراحت تشوف حبيبها وانت ولا على بالك اني بالبدايه مصدكت واثق منها ف اهملت الرساله ورحت دخلت اول مدخلت شفت نغم واكفه وحدها بالقاعه وشفت واحد يتقرب شويه شويه عليها واكو شاشه وراه عليها صور مال بنت من دققت هاي صور نغم اي هيه هاي رجعت انتبهت ع الولد هذا منو معقوله نغم تحبه لهذا رفضت تزوجني لهذا جانت فرحانه بالتجهيزات لهاي الحفله معقوله ضحكت عليه كذبت عليه كلامها كله كذب ومن سمعتها كالت سنان تأكدت كل شكوكي تعصبت حيل لدرجه كمت ماسمع اي شي وعيوني ماشوف بيهن وصحت بصوت عالي نغممم التفت عليه واجتي ركض تبجي وتشرحلي بس اني ولا يمها دفعتها وخرتها من كدامي ورحت لهذا الحقير وشبعته ضرب وكل شويه يستفزني بحجايه وارجع اكتله وحسيت ع نغم تبجي وتكولي عوفه لخاطري ومايستاهل ومن هالسوالف صحيت ع نفسي وكلت صح اني اعرف شلون اربيه لهذا الحقير صحت وكتلها كدامي ع السياره وهيه راحت تركض كتله ماخلصت شغلي وياك انتظرني واخذتها وصلتها للشقه وبقيت بالسياره مخنوك ماريد ارجع ضليت بالسياره افتر افتر وادخن وماحسيت بالوقت رحت اخذت غرفه ب فندق وكعدت بيها ونغم تتصل ولا يمي ولا هتميت اني الج بس اصبريلي اول مدخلت للغرفه مال فندق نمت وماكعدت لثاني يوم وحتى ماريد اكعد كعدت لكيت كومه اتصالات من نغم اتجاهلتهن اتصلت بعائلتي وسألت عنهم وطلعت افتر شويه ورجعت للشقه لكيتها ع نفس وضعيتها بس وجهها صاير احمر من كثر البجي شافتني اجتي تركض وتعتذر وتكول والله فاهم الموضوع غلط والله ماكو شي وتحجي وتبجي اني مال خلك كتلها حضري غراضج نرجع للبصره
نغم : ليش نرجع ليش
زيد : سمعي الكلام بلا حجي زايد جهزي نفسج وغراضج ونرجع مالنه مكان هنا بعد
نغم : وجامعتي ودراستي واهلنا شنكللهم
زيد : لاتخليني هسه اجيبج واجيب جامعتج ودراستج احترمتج هواي الظاهر الاحترام مايفيد جري عدل لا اعرف شتصرف وياج لحد هسه ساكت ومانع نفسي عنج ف امشي عدل وعفتها وطلعت وهيه ضلت تبجي رجعت بليل لكيتها مكمله كلشي كتلها يلا نطلع هسه وطلعنه وهيه الطريق كله تبجي واني ولا يمي احس كل الي يصير وياها مايساوي شي مقابل كسره الكلب الي بداخلي تأذيت وبعمري ممكسور هيج كسره وصلنه البيت جدي والدنيا كانت نهار والكل من شافنه تفاجىء وعبالهم صاير شي حاولت مابين شي لخاطر جدي وشفت عمي احمد واكف طلبت احجي وياه ع صفحه عمي اكو موضوع ﭑريـد احجي بيه وياك
ابو نغم :إჂ̤ ابني اتفضل اسمعك
زيد : عمي اني ﭑريـد اطلق نغم
ابو نغم : ليش ابني صاير شي شكو حسيت من جيتكم صاير شي احجيلي
زيد : عمي فكرت هواي بهذا الموضوع وشفت هذا انسب حل لكل الاطراف بنتك سعادتها مو وياي اسف مكدرت احويها وطلعت
(نرجع للبطله )
نغم :اجه سيف وكال اليہ قريتوه فوك ومالي حل غير اسمع كلامه وكمت ضميت هالي اكدر عليه لان تعبت يومين واني بس ابجي رجع هو اخذني بالسياره والطريق كله ابجي ومخنوكه وهو ماحجه ولا كلمه بس يدخن وصلنه لبيت جدو سلم عليهم طبيعي ويضحك ويشاقه ولا كانو اكو شي بس اني مبين عليه باجيه فكالو شبيج كتلهم ماكو شي بس اشتاقيتلكم واجينا كعدنه شويه واجه بابا كال بنتي زيد حجه وياي كتله شكال
ابو نغم : بنتي ماعرف شكلج حجه كلام غريب وكال سعادتها مو وياي ويريد ينفصل عنج بنيتي صاير شي وياكم سولفيلي بلكي اكدر اساعدكم
نغم : ضليت صافنه ماعرف شرد مالي عين اكله بالي صار كتله مصار شي بابا وعفته ورحت لغرفتي وضليت صافنه ماعرف شسوي لهناك واجت ايناس عرفت بينا جاين واجتي تسلم كالت ولج شبيج كتلها هيج وهيج صار هيه ضلت مصدومه
ايناس : عزاااا ولج هاي شصاير زين زيد مسوه شي بالولد جان هسه هو رايح بيها وانتي سوده عليه مالج ذنب
نغم : الشغله مو سهله ادري بيها بس مو لدرجه يطلقني حجيتها بكسره ونزلت دمعه من عيني وضليت هيج لليل سمعت صوته بالبيت ورحت دا احجي وياه بلكي هدء دكيت الباب كال
زيد : منو ادخل
نغم : دخلت واني منزله راسي كتله هاي اني
زيد : نعم شتردين طلبج وراح انفذه
نغم : ليش تحجي وياي بهل طريقه منو كلك اني اريد هيج
زيد : لعد شتردين حضره جنابج ست نغم
نغم : ماريد شي بطلت
زيد :بعد الاحسن شوفينا عرض اكتافج اريد انام
نغم : باوعتله هيج 😑 ودرت وجهي دا اريد اطلع جان يصحيني حسيت راح يكلي سامحتج جان يكول طفي الضوه وياج 😒 اني عفته وطلعت وسديت الباب قوي مليق وره اسبوع وصلني خبر انو هو راح يسافر للخارج عنده عقد لمده سنه يبقى هناك اول مسمعت انعقج كلبي صح احنه منحجي بس ريحته بالمكان يكفيني رحتله واني دموعي بعيني
زيد : فعاليه جديده مو
نغم : حتسافر من صدوك
زيد : لا من جذب مشفتيني كلت للكل شنو مسمعتي
نغم : طيب وانا
زيد : انتي شنو ماعاد تخصيني باجر حتوصلج اوراقج وتصيرين حره وشتردين تسوين سوي
نغم : تمام كلتها واني معصبه ورحت لغرفتي وسديت الباب قوي وكعدت ابجي ثاني يوم الصبح صدوك اجه محضر من المحكمة وبيده اوراق الطلاق من شفتها ماعرف شنو صار بيه كوه اتنفس صرت بس من شفت توقيعه حقدت عليه واني هم وقعت وكتلهم اني هسه حره واريد ارجع اكمل دراستي كالو انتظري شويه كتلهم ما وثاني يوم طلعت اني وبابا وماما ورجعنا ع بيتنا وحسيت براحه وانو رجعت لحياتي الطبيعيه بلا ناس غثيثه ورجعت للدوام طبيعي ورجعت اقوى من قبل ورحت اشتكيت ع سنان عند العميد وطلبت منه مايتعرضلي بحكم انو شاطره ومتفوقه عندي واسطه وكذا وارتاحيت من هذا هم وتركت شغله التدريس ومالي علاقه باحد وكملت دراستي ع اكمل وجه وكالعاده طلعت من المتفوقين هالمره هم الحمدلله حققت الشي الي اريده بس طبعا بكل فرحه او نتيجه اخذتها كنت اتمنى زيد يكون وياي ويباركلي بيها هو مفارق تفكيري ولا لحظه ودائما اسأل ايناس وتماره عليه سمعت هو سافر ومرتب اموره هناك ومرتاح بعد مرور فتره ايناس كالت في شخص وياها من الجامعه متقدم لخطبتها وكالت اريدج تجين توكفين وياي واني كيفت الها وكتلها طبعا اول الحاضرين ثاني يوم اخذت بابا وماما ورحنه لبيت جدو علمود العرس ورحنه سلمنه والكل كان مشتاق الي وعلي كال عمي ع كيفج ويانه تخرجتي وشلتي خشمج علينه هيه بكلوريوس لو دكتورا جان شسويتي
نغم : ههههه حساباتي عندك كلهم لو تريد جان راسلت انت ها هسه منو المتكبر
علي : لا عمي اني المتكبر لوتيه فرتها عليه
نغم : ههههه غير اني ماحجي وينهن البنات كالو بالغرفه رحتلهن وسلمت عليهن وكعدنا نسولف واخذتنا السوالف شويه وكالو اليوم يجي زيد مو السفر اول مسمعت الاسم كلبي وجعني بس فرحت حشوفه بعد كل هاي المده شويه وسمعنا الهلاهل معناها اجه رحت اشوفه من بعيد بس كلها ملتمه عليه ماكدرت اشوفه شويه وبقه وحده شفته متغير من دار وجهه عليه ختلت ماريده يشوفني وضليت هيج بالمكان اليہ يتواجد هو ماتواجد بيه اني لحدما قرب يوم العرس ورحت ويه البنات للصالون ف جان المفروض اليہ يوصلهم علي واني مأمنه علي راح ياخذنا اول ما اجت السياره وصعدت بيها لكيت زيد بالسياره مو علي وانصدمت وماعرف شسوي عاد سلمت ودخلت وهو كال
زيد : وعليكم السلام اهلين
نغم : سلامه مجان مثل متوقعت بس كلما اشوف المرايه الوسط اشوفه يباوع عليه وصلنا للصالون وسوينه تسريحات وميكب حلوو واني هم سويت ع الواهس واخذنا الفساتين ويانه وهيه طلعت احلى عروس كلش فرحت من شفتها لان معتبرتها مثل اختي من خلصنه اجه امجد (الي هو خطيب ايناس )اجه اخذها وبقيت اني و تماره خابرت ع بابا يجي ياخذني بس بابا كان مشغول وكال حدزلج واحد شويه واجت سياره من بعيد مشفتها دكت هورن ورحتلها ركض صعدت وجان اشوف زيد تفاحئت و صعدت والصمت كان سيد الموقف ف تماره حبت تغير الجو شغلت اغنيه وكعدت تغني وتركص 😂 ...
نروح لبطلنا زيد
زيد : بعد الي صار جنت كاره الدنيا ومابيها وماريد ابقى رحت وافقت ع عقد ويه شركه بالخارج اثبت نفسي يوم بعد يوم وصرت مدير عام وبعد مرور سنه كامله خابروني وكالو معزوم ع عرس ايناس وطبعا هيه بمثابه اخت اليہ فجيت ع طول اول موصلت سلمت ع الكل وشفت عمي احمد وزوجته فتوقعت نغم موجوده شكد جنت حاب اشوفها بس ما اجت يومها تسلم وبيوم العرس كنت مجهز نفسي حتى اطلع واجه علي كال اخذ البنات للصالون صارت عندي شغله كتله تمام معندي شي صعدو البنات بس نغم اول مصعدت كانت متفاجئه سلمت عليه ورديت السلام بس اول مشفتها جنت بودي احضنها بس اكو شي يمنعني متغيره محلوه اكثر لمهمہ وصلتهم للصالون وبالرجعه كان المفروض امجد يجي ياخذ زوجته وعلي ياخذ نغم وتماره بس مراح كان مشغول ف عمي ابو نغم اجه وطلب مني ﭑروح اجيبهم اني ف كتله حاضر عمي رحت وصلت يمهم صعدن بالسياره بس شـِنو شطالعه محجيت شي وضلينه ساكتين وتماره كالت شـِنو هالملل احنه بعرس وشغلت اغنيه كلي يا حلو منين الله جابك كلت ويه نفسي إჂ̤ والله
زيد: دخلنه للقاعه اني والبنات والبنات راحن يم ايناس واني رحت يم الولد واني دا اسولف ويه الشباب انتبهت ع واحد من الموجودين عينه ع نغم وين متروح عينه تروح وراها عصبت حيل بس مابيدي شي وره شويه وصار وقت الرقصه الثنائيه وشفت نفس الولد رايح باتجاه نغم ويحجي وياها اني رحت بسرعه بدون تفكير كتله نعم تفضل رايد شي
الولد : العفو منك دا احجي ويه الانسه
زيد : تخصني هاي الانسه
الولد : اهاا العفو منك اعتذر
وتركنا وراح
نغم : نعم نعم منو سمحلك تحجي هيج ديحجي وياي جان وبكل ادب
زيد : اني اسمح لنفسي ما اخذ الاذن منج
نغم : هيج صارت وبعدين شنو موضوع تخصني بالله
زيد : اي مجذب شي انتي تخصيني
نغم : من ايمت هاي
زيد : من زمان
نغم : لاعيني احنه منفصلين وانت كلت حتكوني حره محدا اله كلمه عليه
زيد : لو سمحتي انجبي انتي الي وتخصيني ماريد اطولين السالفه خلص نقطه انتهت
نغم : شنو بكيفك تبدي وبكيفك تنهي اني مالي كلمه هيه حياتك لو حياتي
زيد : حياتنا احنه الاثنين بس بهيج مواضيع بس اني يحقلي اقرر
نغم : ليش عيني
زيد : لاني زوجج
نغم : متوهم كان زمان هالحجي
زيد : ممتوهم اني احبج وبعدني رايدج وبس اطخ بعقلي اتزوجج برضاج او بدون رضاج ف الاحسن يكون برضاج
نغم : منين جايب هالثقه منو كلك حوافق
زيد : ماكو شي يصعب عليه 😉
نغم : ههههه
زيد : يعني وافقتي
نغم : لا انطيني مهله افكر بيها
زيد : اخذي كد مايعجبج بس لاطولين عليه رجال جبير صرت
نغم : ضحكت وعفته ورحت يم ايناس كالت شفتج تحجين ويه زيد وتضحكين شنو القصه تصالحتو كتلها اي تصالحنه وعرض عليه نرجع سوى
ايناس : يااااا صدوك تحجين الحمدلله ياربي وانتي شكلتي
نغم : يولي نصي صوتج بعدني كتله افكر
ايناس : انتي غبيه هو يحبج وانتي تحبيه عليمن المكابر هذا
نغم : لازم اخذ وقتي بنتي انتي متعرفين بهل سوالف هسه عوفينا بعدين نحجي كمل العرس ورجعنا للبيت ميتين من التعب بسرعه نمنا ثاني يوم شافني زيد
زيد : صباح الخير يا حلو
نغم : صباح النور شهل طاقه من الصبح
زيد : هههه من يومي نشيط ها شقررتي
نغم : بخصوص شنو
زيد : بخصوص ميزانيه العراق بخصوص شنو يعني شعدنا احنه
نغم : شبسرعه تحولت ع كيفك استوني كاعده ومفكرت بشي
زيد : يلا شنسوي نصبر عليج بس اريد قرار اليوم
نغم :كتله ان شاء الله وعافني وراح رحت حجيت ويه بابا وماما وكانو موافقين وكالو شاب حباب ومتلكين منه وكالو انطي فرصه ثانيه واني هم اقتنعت وقررت انطيه فرصه ثانيه ونهايه اليوم كتله موافقه وهو طار من الفرح وحضرنا كلشي لعرسنا وكنه كثير فرحانين وكانت احلى ايام بحياتنا وعلي وتماره من شافونا حبو يقلدونه وعلي تقدم لتماره وصارت الحياة تجنن كل شخص حقق احلامه واخذ الشخص الي يحبه وعاشو عيشه سعيده

............................................................ ولهنا نكون خلصنه القصه احببتك رغما عني اتمنى تنال اعجباكم وهسه صار لازم نكول الى اللقاء نلقاكم في قصه جديده بأذن الله باي باي حياتي