احببتك رغماً عني

البارت الثالث

هَـلاو يحلوين وهذا البارت الثالث من قصه احببتك رغماً عني لا تنسون التعليق الحلوو حتى استمر بنشر القصه للكاتبه ('نـــNooRـــور')
.....................................
ثاني يوم كلت لبابا موافقه والكل فرحو وباركولي وبوقتها كان تفكيري شلون اخليه يكرهني ويطلب الانفصال هو اثناء مدا افكر اجه هو وطلب من جدي شغله كله
زيد : من رخصت الموجودين ممكن اقترح اقتراح كال بما انو نغم بعدلها سنه وتكمل دراسه شنو رايكم نسرع ب موضوع الزواج قبل فتره الدراسه متبلش حتى تلحك عليها ونبقى سنه بالشمال هم شهر عسل النه وهم تكمل دراستها واجيبها واجي ...
الكل حبو الفكره بس اني ضليت صافنه هذا بشنو يفكر وشنو يريد يوصل شنو خطوبه و زواج خلال شهرين وشنو نروح للشمال شنو كل هذا قاطعت تفكيري وكتلهم عن اذنكم ورحت ادور عليه جان يصحيني من بعيد
زيد : بس بس ياحلوو جاي ادور عليه
نغم : انت شتريد مني بالضبط مدا افهم شنو نروح هناك سنه ونرجع وشنو زواج بسرعه بسرعه ('نـــNooRـــور')
زيد : اي الخطوبه ميحتاج اطول وكلشي نكدر نحضره خلال شهرين احنه مو غربه واحد يعرف الثاني واني علمودج وراج دراسه وماريد الهيج واشغلج اكثر من هيج
نغم : اني ضليت صافنه وماعرف شسوي وهو اجه قريب عليه همس باذني واخير حتصيرين الي وباسمي وراح هنا اني جسمي كزبر والانفصال بلشت اعيد نظر بخصوص هذا الموضوع بس ما شلته من بالي والايام مشت بسرعه بسرعه والتحضيرات كذالك واجه اليوم المنشود الي هو عقد وحنه سوه ايناس وتماره كانن وياي خطوه بخطوه وقبلها احنه جنه مجهزين الفستان طبعا طلعت عينهم وكوه بطلاع الروح يلا وافقت ع فستان ماروني واني بيضه طلعت فد شي وسويت شعري ستريت يعني سرح وخليت مكياج بسيط بين ملامحي اكثر بحيث اي شخص يشوفني يكول ماشاء الله لعابه بابا وماما اول مشافوني بجو واني بجيت وياهم ورجعنه عدنا المكياج من جديد بدت الحفله والناس فرحانه وتركص واني بغير عالم افكر بالمستقبل والي راح يصير وياي شويه وكالو العريس راح يدخل دخل هو لابس قاط نيلي ومزين طالع صاك بين قوسين شويه سرحت بيه ومن قرب صحيت ع نفسي وهو هم ضل صافن عليه وكال خرب يومج هاي شنو كتله شنو كال لاتصيرين غبيه كتله شبيك تره ابطل كال انجبي واكعدي سديته لحلكي ماكو شي كتله احسن وكملت المراسم لبسنا الحلقات وجان جايبلي تخم مال ذهب نازك وحلو بيه فراشات كلش حلوات اتذكر بوقتها شكد كال تعالي وياي واني رفضت كال حختارلج ع ذوقي وطلع ذوقه حلوو المهم لبسنياهن وباسني من راسي وطلع واني بلشت احس بشعور حلو بداخلي مادري من شنوو وتذكرت ثاني يوم العرس بس تذكرت هاليوم راحت السعاده الي جنت احس بيها ثاني يوم كعدنا من الصبح رحنه للصالون وسويت تسريحه وكتلها اريد ميكب هادي وع ورديات كملنا كلشي وكالو اجه العريس راح ياخذ العروسه لبسوني البركع ع راسي واني حسيت بلشت اختنك شويه شويه والنفس قل وصلنه للسياره وكعدنا بيها واحنه اهناك كنه كاعدين وحدنا هو يسوق وفرحان واني كاعده بصفه بس متوتره وخايفه واذا ذبحتوني بوقتها ماتلكون نقطه دم هو لزم ايدي ولكاها بارده كال شبيج بويه بيج شي بردانه مصخنه ايدج ليش هيج بارده يحجي واني ساكته ولج ماتحجين البزونه اكلت لسانج ردي مو جاي اسألج ماكلت شي بس كلت اختنكت واغمي عليه حسيت ع روحي وهو ديكب المي ع وجهي اول مفتحت عيوني سمعته كال حمدلله ع السلامه شبيج بويه كتله مابيه شي بس متوتره وخايفه كال تره مراح اكلج سكتت و اخذنه للقاعه وهناك كانت مختلطه وبس اقارب والكل يركص وفرحان الا اني اجاني كال ضحكي شويه لا اكلب الدنيا ف ادري بيه مختل عقليا ويسويها ف ابتسمت شلون ماجان بس حتى اسكته كال ولو مو من كلبج بس احسن من غيرها خلصنه كلشي ورحنا للفندق جان حاجز سويت من راحو اهلنا كال هذا السويت كله الج حجزته واني هنا يمج بالغرفه الي بصفج خاف تردين شي شياتين بس اتصلي عليه كتله ليش كال شنو ليش هيج احسن لبين ما ترتاحين وتحسين بالامان وياي اني مو عدوج وابتسم وراح واني كلت الحمدلله خوش تصرف منه المهم بدلت واخذت دوش وتخلصت من الطاقه السلبيه ونمت بهدوء ثاني يوم اجو اهلنا والكل باركلنا ورجعنا للبيت حضرنا غراضنا واتفقنا نروح للشمال علمود جامعتي وهو هم عنده شغل هناك طبعا هو مهندس معماري فوين ميروح يكون مطلوب ف اتفق وياهم ع عقد لمده سنه علمود دراستي وصلنا هناك وعايشين كل واحد بغرفه وهو يحاول يخليني اتعود بعدني ممتقبله الموضوع بلشت الدراسه وداومت اول يوم والكل تفاجئو لمن اجيت متزوجه و اني اعتبرت الشغله عاديه وصديقتي رنا كالت سولفيلي ولج ڪُݪشي من الاول وسولفت كالت عابت كل هالاشياء سواهن علمودج وبعدج مطنكره عليه كتلها إჂ̤ الموضوع كله غصبن عني واني مرايده زواج وهيج شي كاعدين نسولف واجه سنان كال صدك اليہ سمعته كتله شسمعت كال تزوجتي كتله إჂ̤ كال ݪيشہَ وشوكت هاي كتله عفوا يعني لازم اخذ موافقه منك كال ـلا بس حسيت الامور صارت بسرعه بسرعه وحسيت اني كنت السبب لان من بعد اتصالي انتي اختفيتي وماعاد رجعتي فكلت اذا جبروج عليه اكدر اساعدج واكدر اخليه يبتعد عنج كتله ـلا محد جبرني وهيج احسن للكل وعفناه ومشينا متوقعت راح تكبر الامور وتوصل لهل مرحله عدت الايام وتقريب بلشت اتعود على زيد وبلشت اتعلق بيه ومايعدي يومي اذا محجيت وياه وسولفتله عن ڪُݪشي يصير بعد فتره وحده من البنات كالت مسوية حفله عيد ميلاد وهيج وعزمتنا كلنا وكالت بالاخص انتي لازم تجين لان هواي دنتعبج ويانه فهذا مثل الشكر الج طبعا كلش فرحت هاي اول مره احد يعزمني ع هيج مناسبه وكلت مابيها شي هاي اخر سنه وكتلها تمام رجعت كالعاده سولفت لزيد وزيد هم حب هالشغله وكال تستاهلين الناس تحبج ووافق انو ﭑروح فجنت كلش متحمسه واحضر نفسي وترتيبات وفستان وتجهيزات وكله هو وياي وصار يوم الحفلة وجنت جد متحمسه جهزت نفسي لبست فستان نيلي وزيد هو وصلني بالسياره لمكان الحفله شافني نزلت ودخلت وجان يروح اول مدخلت كانت القاعه ضلمه وماكو إჂ̤ صوت اني خفت جايه لغير مكان او جايه من وكت ضليت واكفه حتى ماكدر امشي شويه وسمعت موسيقى حلوه وهادئة واشتغلت الاضويه بس الاناره كانت مال جو شاعري وجانت اكو شاشه كبيره بالوسط اشتغلت واشتغل وياها فديو بس الفديو بيه صور والصور كانو اليہ إჂ̤ هاي اني منو ماخذلي هاي الصور وضليت افكر واكول هاي شـِنو ومصدومه شويه ويطلع من وره هالشاشه شخص من بعيد ماعرفته بس بلش يتقرب شويه شويه عرفته ههَذا سنان سنان اشجابه ۿِنانَۿ شـِنو علاقته بالحفله هاي شديصير الف سؤال براسي قرب سنان عليه وكتله شـِنو كل ههَذا كال
سنان : نغم اني صارلي سنتين كاتم هالشي ابكلبي وكلما اجي حتى اكلج واحجي وياج تصير شغله وتبعدني بس بعد ما اكدر اتحمل هالشي اني احبج واحبج مو اليوم والبارحه صارلي سنين وحتى رسبت نفسي وسويت روحي مافتهم بس حتى اقرب منج بالي وتفكيري وعقلي وروحي كله يمج
نغم : انت من كل عقلك دتحجي شنو هالكلام ('نـــNooRـــور')
سنان : اني اعرف انو انتي هم تبادليني بنفس الشعور ولا ماكنتي سمحتيلي ابقى وياج وانتي كنت حاسه بحبي الج واعرف زواجج من ابن عمج هذا كله فيك وانتي متحبيه وانجبرتي تزوجي صدكي اذا قبلتي بحبي مراح تندمين وراح اخلصج منه
نغم : ضليت مصدومه من الي دا اسمعه وشويه وحسيت بصوت من وراي يكول نغممممم التفتت ع الصوت وجان اشوف زيد واكف وراي وعيونه تجدح نااار وعاصر ايده قوي محجه ولا كلمه رحت ركض ليمه اريد اشرحله وافهمه انو اني معليه وكل هذا كان فخ الي بس منطاني مجال و دفعني ع صفحه وراح لسنان و تعاركو هو وياه وزيد كان كلش عصبي كاله شلون تجرء وتخلي عينك عليها وسنان يستفزه بالكلام ويكله اني احبها من قبل لا تدخل بحياتها انت هيه مجبوره عليك هيه متحبك الك وزيد يتعصب اكثر واني كاعد ابجي واتوسل بيه حتى يتركهه اكله زيد لخاطري كافي اتركه راح يموت بين ايدك مايستاهل تورط روحك علموده وكوه قنعته يتركه ابتعد عنه وصاح صعدي بالسياره رحت ركض صعدت واجه وراي الطريق كله ولا حجه حرف وصلنه للشقه كال انزلي كتله وانت كال نزلي ـلا تخبليني نزلت وهو شحط بالسياره وراح مدري وين واني فتت جوه وضليت انتضر هسه يجي وهسه يجي وماكو صارت الساعه ال ٣ بليل وزيد ماله خبر اتصل وماكو ميرد ضل بالي وماعرف شسوي اني هناك وحدي كلت اتصل بعلي ـلا هسه الوقت متأخر اخوفهم بالزايد يربي شسوي وضليت فكره تاخذني وفكره تجيبني الا ان غفيت وحسيت ع روحي حسيت الدنيا ظهر باوعت داير مدايري زيد مارجع وين راح ههَذا شـِنو اكدر اسوي هسه فتحت فوني لكيت اتصالات هواي من رنا كلت يمكن هاي لان مرحت للدوام بعدين اتصل شويه وهم رجعت اتصلت رديت عليها
رنا : وينج نغم من الصبح احاول اوصل الج وماكو
نغم : ويني يعني بالشقه كاعده ليش شصار
رنا : هذا سنان يمشي ويحجي ويكول اني اعترفت لنغم وخلصتها من هذا الزواج ومدري شنو صدوك يحجي هالخبل
نغم : لا مستحيل ماتعلم من ضرب البارحه كتلها صار العكس بالكوه خلصته من ايد زيد راد يخلصه بس من شافني خفت وبجيت بعد عنه هذا ناوي يسويلي مشكله مناوي ع خير.
رنا : فهميني ولج شصار وياكم
سولفتلها كلشي صار من البدايه وكالت
رنا : ياااا ولج زين اجه زيد وخلصج من هذا الخبل
نغم : اي والله الحمدلله بس هسه هو ماكو واني ماعرف شسوي اتصل بيه وميرد وبالي مشغول
رنا : انتضري شويه حقه الموضوع مو صعب ولا تنسين هو يحبج فصعبه عليه يشوف ويسمع هالكلام
نغم : اكيد مقدره هالشي بس ان شالله يرجع بسرعه سديت الفون وتوضيت ودعيت ربي يحفظه من كل مكروه ويرجعه بخير وسلامه
...............................................................
لهنا خلص البارت الثالث من القصه انتضرونا بالبارت الرابع ونشوف زيد وين اختفى و شـِنو صار وياه وهسه صار لازم نكلكم باي باي يحلوين ('نـــNooRـــور')