احببتك رغماً عني

البارت الثاني

هَـلاو  يحلوين وهذا البارت الثاني من قصه احببتك رغماً عني  وتعليقاتكم الحلوه تخليني استمر  للكاتبة'نـــNooRـــور'
..............................
فتت ع الغرفه وسد الباب بقوه كال منو ههَذا الكلب اليہ ديتصل عليج ستين مكالمه شريد ومنو ههَذا وشعنده وياج اني ضليت صافنه عن منو دتحجي منو دك عليه ومنو سمحلك تكمش موبايلي كال ردي ع أجوبتي وهسه ـلا اعرف شسوي كتله شسوي كال لاتختبرين صبري منو ههَذا سنان الكلب احجي كتله سنان كال إჂ̤ صخمان منو ههَذا كتله وانت شعليك ههَذا زميلي بالجامعه كال زميل يتصل عليج ݪيشہَ اصلا ݪيشہَ عنده رقمج كتله هاي פـياتيہ وخصوصياتي انتَ  شعليك بعدين بابا وماما يعرفون هسه بلشت فتره امتحانات وديتصل علمود اقريه ـلا اكثر ݪيشہَ مكبر الموضوع بعدين انتَ  منو وتحاسبني عفته واريد اطلع جان يخلي ايده ع الباب يسدها وبقيت  محاصره بينه وبين الباب وبقيت خايفه وماعرف شسوي كتله وخر ايدك اريد اطلع وباوعت عليه عود اريد اخزره لكيته يباوع عليه وعيونه تجدح من العصبيه اني كلش خفت ونزلت دمعه من عيني هو شافني هيج وسحب نفسه وكعد ع الجربايه وكلي طلعي بسرعه ماريد اشوفج واني مصدكت وركضت وضليت الـيومہَ كله اتختل وماريد اشوفه بس موبايلي بقه يمه شلون اجيبه فكرت وفكرت كلت مالي غير علي رحت توسلت بيه واخيرا قبل وكال راح اجيبه بدون ميحس راح جابه واجه ركض كال شمسويه بيه ولج فد مره عصبي كتله شمسويه اني شعليه هو افتهم الموضوع غلط كال ݪيشہَ هو شكو كتله السالفه هيج وهيج كال اهاا ۿِنا تسكب العبرات كتله يا عبرات كال معليج ههَذا شي مال كبار متفهمينه انتِ قلدت عليه ورحت ركض لكيته مسوي حضر لسنان يلا احسن حل الحضر مجنت مفكره بيه ثاني يوم زيد بقه كالب خلقته بوجهي عاد هو شلون يوميه وجه البومه اجن بنات عمتي تماره وايناس وكعدنه نسولف ونضحك شويه واجه صاحني كال
زيد :نغم تعاي عندي موضوع وياج ....
نغم : اني خفت من اليہ صار البارحه وكتله كاعده اسولف ويه البنات هسه ماكدر اجي كال
زيد : تعااااااي وسمعي كلام .....'نـــNooRـــور'
البنات حسن اكو شي عافني وطلعن وضليت وحدي هو استغل الفرصه واجه ليمي وكال
زيد : راح احجي وياج بكل هدوء واريد جواب واضح وصريح لحتى اعرف شتصرف من البارحه واني براسي مليون فكره وفكره وكوه لازم روحي وساكت فحترمي نفسج  وجاوبي بدون لف دوران ماشييييييي
نغم : جاوبت واني ميته خوف تمام ماشي
زيد : منو هذا سنان وشعنده وياج هلكد اتصل ولا تكولين زميلي وعادي تره احنه هم كنه زمايل لبنات غيرج وما فد يوم مر واتصلنه ع وحده من زميلاتنا مثل ما هذا سوه ..
نغم : اقسملك بالله هذا مجرد زميل وياي بالكليه بس اني دا ادرسهم لان مستواي اعلى منهم ودائما اطلع من الاوائل فدا افيدهم لا اكثر ومو بس هوه هواي غيره اساعدهم شباب وبنات وكل هالشي بعلم بابا واذا تريد روح اسأله وتاكد مخايفه من شي اني طالما اني ع حق
زيد : يصير خير ست نغم ...'نـــNooRـــور'
وعافني وطلع واني ضليت ارجف ماعرف شلون رديته هيج بس هو شنو ليش هيج لح بالموضوع وهو شعليه شويه واجت ايناس تركض ها ولج كولي شراد منج زيد كتلها هذا مو صاحي ابد يدخل بشغلات متخصه
ايناس : مستحيل زيد هيج يسوي
نغم : شنو اجذب عليج هيج وهيج صار وياي وحجيت الموضوع وهيه ضلت فاتحه عيونها ومصدومه
ايناس : عزاا ولج بس لا زيد يطلع معجب بيج
نغم : ايناس انجبي لاتضوجيني هيج ماناقصني غير الغثيث هذا يحبني
ايناس : ليش ولج شناقصه اشو شاب طول بعرض واله هيبه وعيونه لونهن ع صفار وصوته يخبل شنو الي معاجبج بيه
نغم : ها عيني شنو هالوصف الدقيق لازم الكلب مياااال اله وغمزت 😉
ايناس : لا ولج اعتبره مثل اخوي متربين سوه
نغم :اهاا شو باوعيلي زين كالت انجبي وضحكنا بس ضل كلامها براسي وحبيت اتأكد بنفسي وسويت التالي .....
ثاني يوم كعدت الصبح وحضرت نفسي وتكشخت وخليت ميكب هادي وسويت شعري كيرلي ونزلت جوه صبحت عليهم كلهم وشفت علي كاعد رحت عليه اتشاقه وياه وتقصدت ادلع عليه حتى اشوف زيد شنو رده فعله كتله علولي
علي : ها يبعد عيون علولي
نغم : شنو رائيك بيه اليوم ورجعت شعري ليوره
علي : اليوم القمر مخربط وطالع بالنهااار
نغم : اوي فديت خجلتني 🫣 'نـــNooRـــور'
علي : ليش الي مثلج هم يخجلون
نغم : اي لعد شلون حقك مشايف قمر متواضع مثلي اباوع ع زيد لو بيده يكسر الكلاص ع راسنا من العصبيه مدري شلون متحمل وكاعد اني عفتهم وشردت وشويه واسمعه طلع وسد الباب وراه قوي 😂 حبيت الموضوع  يلا اني الك يالغثيث اطلعهن منك وحده وحده صار الليل وهو ماكو تعبت ورحت نمت ثاني يوم كعدت شافني وكالب خلقته بوجهي كلهم صبح عليهم الا اني ـلا بله حموت اذا مسلمت يعني مهتميت كعدت افتر بالحديقه شوي واجه بابا يمي كال نغووم بابا تعاي ﭑريـد احجي وياج بشغله كتله تفضل بابا اسمعك
بابا : تعرفين احنه اهنا اجينا علمود جدج لان حالته الصحيه مو تمام فهو طلب من عدنا شغله واحنه لازم نسمع كلامه بيها ومنزعله لان الدكتور كال ابعدوه عن الزعل وانتي حبيتي جدج واكيد متردين تزعليه
نغم : اكيد بابا اني كلش حبيت جدو واذا اكدر اسويها للشغله مراح اقصر ابد وانت تعرفني
بابا : اكيد بنتي واني ادري بيج كدها لذالك اجيتج
نغم : اي بابا تفضل كول شنو هالشغله
بابا : جدج طلب من عدنا نبقى هنا ونضل يمه
نغم : اي بابا بس وجامعتي شلون بعد شهر وحيبلش الفصل الدراسي واني هاي مرحلتي الاخير شلون
بابا : الدراسه مو مشكله نشوفلج كليه هنا وانقلج الها لاتهتمين لهيج موضوع
نغم : لعد وين المشكله بابا
بابا : جدج طلب شغله ثانيه
نغم : الي هيه
بابا : تزوجين زيد
نغم : 😳 شنو زيد لا بابا مستحيل اني رافضه هالفكره وممخليتها ابالي انت تعرف اني اريد اكمل دراستي واريد واريد ممخليه فكره الزواج ابالي وانوب من زيد لا عفيه بابا ارفض لخاطري 'نـــNooRـــور'
بابا : ليش بابا زيد ابن عمج واولى من الغريب وحباب ومؤدب وبار باهله وهاي صارلنه كم يوم هنا وشفناه وعرفناه زين ماسوه اي عيبه بالعكس واكيد مراح يعارض دراستج واني بنفسي حكله عن موضوع الدراسه
نغم : لا بابا عفيه ماريد ماريد هالشي حاول ترفض هالموضوع لخاطري وكمت ابجي وهو كعد يهدي بيه وكال
بابا : بنتي جدج اول مره يطلب مني طلب بعد سنين البعد هاي وهو تعبان ومريض ماكدر اكسر بخاطره وانتي اذا تحبيني وتحبيه راح تقبلين وبالمستقبل تعرفين انو هالقرار كان صح وحتشكرينه اني وجدج عليه
وتركني وراح واجت ماما تهديني وتسكتني وتحاول تقنعني بس اني ماريد اسمع شي رحت للغرفه وكعدت وحدي وضليت صافنه شويه واندك الباب كلت ماريد اشوف احد عوفوني براحتي اطلعو بره شويه ودخل عليه زيد : ليش مسويه هيج بروحج شنو كالولج احد مات شنو هاي الفعاليه الجديده .....
رفعت راسي وباوعت عليه عندك علم بالموضوع
زيد : اي طبعا غير اني فاتحت جدي بالموضوع
نغم : شنو ليش ليش فاتحت جدي بهالموضوع انت شتريد مني شسويتلك انا مو حرام عليك راح تحرمني من دراستي وجامعتي والناس اليہ بيها
زيد :واحرمج من  الحب سنان باستهزاء 'نـــNooRـــور'
نغم : ياربي  كم مره كتلك اني مالي علاقه بيه يا اخي والله مو بحاله وماعندي حب لابره ولا جوه انت شنو مشكلتك وياي كم مره كتلك وروح اسأل بنفسك واسأل اهلي واذا تريد اتصلك بيه حتى تتاكد وتتراجع عن هذا الزواج
زيد : طيب اذا مو هذا السبب ليش كارهتني هيج
نغم : اني الزواج مو ابالي من زمان وحتى الحب مركزه ع دراستي وحابتها وماريد التهي او ابتعد عنها
زيد : اذا ع الدراسه اني مراح امنعج من شي وحتروحين تكملين دراستج ومراح ابعدج عن شي بس كوني موافقه وخلص
نغم : ليش دتسوي كل هذا وياي شسويتلك اني
زيد : ولج شمسوي غير جاي اكلج موافق ع كل شروطج
نغم : لا انت تكرهني وتريد تنتقم مني اني كلت هيج وهو طكها بضحكه
زيد : اني اكرهج ههههههه زين سمعي هالقصه واحكمي انتي
نغم : ماريد اسمع
زيد : انجبي واسمعي 'نـــNooRـــور'
(اني اكبر منج ب تسع سنوات واول ما اجيتي للدنيا وشفتج حبيتج وفرحت بيج وحسيتج مثل بنتي واول مره احس بهيج احساس تجاه شخص وكلما تكبرين احبج اكثر واكثر لحدما صار عمرج ست سنوات وصارت المشكله بين ابوج وجدي وانقلتو من يمنه واني كانو اخذو روحي وراحو من اخذوج وضليت كل هاي السنين ماتحلى بنت بعيني من بعدج ولا كدرت احب او اخلي بنت تتقرب مني رغم هنه جثيرات بس كلبي مايريدهن كلهن يريد بس بنيته الي اخذوها منه وبعد مرور هاي السنين وسمعت انكم حتجون كنت فرحان فرحه جبيره  الدنيا مسايعتني وشفتج لاول مره وضليت صافن حتى معرفت اسلم عدل ع عمي ومرته من الخبصه وتفكيري كله بيج بس ضجت وانقهرت لانج كنتي ممحجبه واني اغار عليج من الهوه وولد الجيران كانو يباوعون عليج لا والي زاد الطين بله عليوان وشلون جان يشاقه وياج وانت تضحكيله جنت بس اريدج ادخلين وماريد احد يشوفج او يشاقيج وعلي ستين مره كتله لا تتحارش بيها واكعد راحه بس هو يعاند وبلشتي انتي هم تعاندين وشفت اتصالات هذا الحقير عليج خلتني افووور واجه ابالي مليون احتمال انو في احد ابالج او بقلبج واكو احد ياخذج مني ف ضليت افكر وافكر الا ان توصلت الى موضوع الزواج هذا حيرضي كل الاطراف ماعداج بس مع الايام حتفهمين مشاعري وحبي الج واني مراح اقصر بشي وياج وكلشي ترديه راح يجرالج )ها بويه شكلتي هسه
نغم : اترك هالموضوع اذا تحبني لخاطري
زيد : الظاهر انطيتج وجه زياده خل اروح احسن والي كلت عليه يصير برضاج او عدم رضاج .....
وعافني وطلع واني ضليت افكر وافكر ماعندي حل ثاني غير انو اوافق عليه بس قررت اكرهه عيشته واخلي يفصخ الخطوبه هو من نفسه
'نـــNooRـــور'
.........................................................
لهنا خلص البارت الثاني  من القصه انتضرونا بالبارت الثالث ونشوف خطه نغم هل راح تنجح وتخلي زيد يتركها او راح يصير العكس وهسه صار لازم نكول باي باي