نجوم محرقة وليل "دامس"

بارت ٤١

#نجوم_محرقة_وليل_دامس

تصويت وتعليق بين الفقرات لطفاً ♥️.

للتواصل انستگرام // ze8.h
الواتباد // zai9_hr

بقلم بلبل .

₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.

التعَب البيه موش لعُمري مَرسوم انا البگدِي موش بگدي مَهموم .
₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.

وهـــب ::- ايدي على خدي منتظر جماعة يطلعون راح
رتل كدامنا وبقى بس رتل مالنا ، انا قبطت ما عندي شي إلا هم شلعوا گـــلبي وليل بعده للان ما گاصيله وصل .

أشوف كملوا بقى بـــس الطربال صعدوا كم عامل يطربلون وليل يفتر بالكيمونة جكارتة باصبعة يأشر للصاعدين يطربلون ، منا غطوا ومنا جروا .

زفرت نفــس مختنگ مـن عجاج الرمل هاي منا لحد ما تطربل واحدنا يصير جنا هسه ساحبي مــن المگبره كمت امشي واصيح بصوت .

- ليللللل .

التفت بسرعة يباوعلي جر نفـــس أخير مـــن جكارتة وشمرها واجة علية .

- هـــاا ويـن وصلت .

::- قبطت .

باوع للتريله الاسوقها يحجي
- هــاا حملك أسمنت .

::- ااي ، انـــتَ گصولك وصل بعدك .

- منتظر الريس يخلص عشا ، انتَ من يكملون الجماعة اطلع وياهم لا تظل ، أنا اطلع وحدي لو اشـوف بلكي يطلع بعد كم واحد وياي .

سحبت دخان وزفرتة اهز راسي برفض
::- لا يخوي لا وياك انا شعندي هو حتى طربال بعد ما كامل على ما يخلص الريس الصلع انا خلصان .

ابتسم بتعب
- لا تفضحنا روح روح گلهم يخلصوك حتى تطلع على وگت .

::- وشاذروان مكة رجلي على رجلك مخبل اروح ويا
جماعة مو مقياسي ياخي واحدهم تگله هلو بشقه يرمقك نظره تضل تاكل بروحك ساعة تراجع حساباتك خاف جفصتلك بحجاية مو نوب اطلع وياهم تطلع اطلع ما يگصولك ارفض هالطلب وخلي يأخذه واحد غــيري .

التفتنا على گلوب طگ علينا قوي واحد من الولد صاح
- ليل تعال وانتَ وهب اطبگ عــلى سره خلي يطربل حملك بساع ولدي بساااع .