ياوطن قلبي

Part 18

~ ياوطن قلبي ~

رفع راسه وعيونه دموع انصدم ابو نجد اول مره يشوف دموع سطام رغم الضغط الي عليه اول مره يشوفها
تقدم يحضنه: افااا
نطق سطام بتعب وصوت كله حزن: عرفت ابوه ليه مات وكيف ومتى كان صديقك ليه ما حذرته تعبت ي عم والله ماعاد فيني طاقه
وقف ابو نجد :امش معي بنروح نوصل ملهم بيته وانت تجي معنا
وقف سطام بتعب قطع مسافه كبيره طريق ولا نام
ركب عبدالعزيز يسوق وجنبه ملهم ونجد وسطام ورا
كان سطام حاط راسه على نافذة السيارة وسرحان
يفكر كيف يعلم ريوف بمرض ملهم هي حامل وتعبانه حرام يتعبها اكثر غمض عيونه بتعب
-
وقف نواف قدام الجد: كيف يعني مو سطام الي بيخطب لي؟
هز الجد راسه: لا انا بخطب لك تبي لميس صح؟
ابتسم نواف بحب وتقدم يبوس راسه: اييه الله يسعدك
ابتسم الجد بحب مايدري ليه حب هالعيال ولا ليه يحبهم اكثر من احفاده رغم انهم ماكملو السنتين عنده حبهم حبب
-
نزل ملهم وهو تعبان راح ينسدح بالمجلس مايبي يشوف ريوف يدري انه بتعرف انه تعبان تعرفه اكثر من نفسها ، سطام نام بدون مايحس على نفسه كان ساند راسه على نافذة السيارة وغرقان بنوم شوي حس بيد تصحيه فتح عيونه وشاف عيونها قدامه بعد ثواني استوعب وابتعد ينزل من السياره توجهه داخل ونجد ضحكت من شكله كيف نزل وكيف فز يوم سمع صوتها
نزلت وهي مروقه وتغني : للغروب بوسط قلبيي ذكريات ماااتناساها الخفوق ولا نساها
ضحك عبدالعزيز: هاذي الي كانت تصيح قبل شوي؟
ضحكت تحضن ابوها: مدري روقت
سحبها يدخلون وسطام كان واقف بالحوش ينتظرهم
ابتسم يشوف نجد بحضن ابوها وتسولف معه
-
كنت سرحانه بنفكيره دخل تركي عليها : وش عندك هاجده
لميس ببتسامه: افكر
تقدم يجلس جنبها: وش تفكرين فيه؟
لميس بهدوء: نواف متى يجي يخطب؟
ابتسم تركي بحب: بيجي بيجي لا تفكرين ، بسالك
لفت لميس له: هلا
تركي: مين الي كانت بالحوش يوم العيد يوم دخلنا؟
فتحت لميس عيونه بصدمه: ليه !
تركي بخوف : هاه مدري بعرف منهي
هزت راسه : تركي لا لاا مخطوبه يتركي
ابتسم تركي بنكسر لانه حبه حبه عصب عنه وقف يطلع من المكان وهو يحاول يتمالك نفسه يحاول يتنفس بصعوبه
-
كان حضن نجد ويمشي يبي يدخل البيت كان سطام واقف بنص الحوش يتاملهم وهو مبتسم وقف ابو نجد يناظر سطام بحب: هاه اشوفك هديت
ابتسم سطام بهدوء : راسي يعورني شوي
عبدالعزيز: امشو داخل ونجد تعطيك حبوب بندول
دخلو ووصله ابو نجد لغرفه فيها سرير ودولاب صغير : كانت لـ فارس بس هو حاب يكون معكم
ابتسم سطام وجلس على السرير يفكر
كانت نجد بالمطبخ عند دولاب الأدوية تدور حبوب بندول او مسكن اخذت كرتونه وتوجهت للثلاجه تاخذ علبة مويا وتوجهت للغرفه الي فيها سطام
-
كان ماسك راسه بالم وهو وده يبكي كيف يحب انسانه وهو ماشافها الا مره وحده حبها من كل قلبه كان بين بيتهم وبين شقة سطام واخوانه كان يحاول يتنفس بصعوبه متثاقل كل شي حوله طلع نواف متوجه لتركي على اساس يطلعون انصدم يوم شاف تركي جالس عند باب بيتهم وكانه منهار تقدم له بصدمه: تركيي!
رفع تركي راسه وماقدر يسيطر على نفسه انهار وزاد رحيرت نواف تقدم يحضنه بصدمه: تركي بسم الله فيك شي؟؟
وقف يسحبه برا قبل يشوفهم احد وركبه السياره ووركب يسوق : تروك وشفييك
تركي كان ساكت كان محطم ما توقع ولا واحد بالميه تكون مخطوبه حبها بكل تفاصيلها سند راسه على نافذة السياره بتفيكر متجاهل أسئلة نواف المتكرره
سكت نواف يوم شافه مايبي يتكلم
-
عند فارس وغرام كان نومهم مقلوب عكس الناس
نطقت بعصبيه: فااااارس خيير
ضحك فارس بصدمه: دقيقه ليه زعلانه فزت عليك
غرام بضحك : ياخي غشاش قوم
وقف فارس وهو يضحك: هاه
ومن وقف طلعت تحت اوراق كثيير صرخت غرام بضحك: شفتتت غشاششش
ابتسم وهو يضحك : يلا نعوضك عشاني غشيت وش تبين افطرك
غرام بتفيكر : ابيييك تودين مطعم وبعدها نطلع كوفيي
ابتسم فارس وكان فاهمها: ونشغل اغاني بالسياره
ابتسمت بحب: راشدد الماجد
ابتسم فارس بحب: وعايضض
قامت غرام بحماس: بلبس عباتيي واجييي
-
طقت باب الغرفه بهدوء ودخلت شافته منسدح على السرير بتعب بس اول ما شافها قوم وجلس ونطق على طول: نجد انا اسفف اسف اني تركت يوم العيد واسف اني ما سمعتك اسف
ابتسمت نجد بحب وهي تمد له الحبوب والمويا : نام انت الحين وارتاح وبعدين نتفاهم
-
وقف نواف بمكان بعيد عن الناس شبه بر : ماودك تقول لي وش فيك؟
هز تركي راسه: جوعان
ضحك نواف بستغراب ولف يرجع الطريق: الحين اقول وشفيك تقول جوعان
ابتسم تركي: وش اسوي جوعان صدق
وقف نواف عند اقرب مطعم : وش تبي ؟
تركي : ابي اكل
ناظره نواف من فوق لتحت: احلف
تركي بضحك: مدري جب على ذوقك
نزل نواف تارك تركي بسياره لحاله كان تركي يكلم نفسه ؛الحين انا ليه حبيتها؟ وش ذا ماشفتها الا مره يتركي لهدرجه خفيف انت؟ طيب هي منهي ؟ بنت من؟
تنهد يسند راسه على المرتبه ويفكر
-
كان يغني مع الاغنيه بحماس: اببتعددد عنككك استرراااحة محاربببب
كملت غرام بنفس حماسه :ما عنديييي اكثرر من كذا شي اسويههه
وقف فارس عند مطعم بالصدفه لقى نواف بنفس المطعم : هاااه نواف
نواف بخوف: بسم الله انت وش جابك !
ضحك فارس: ابد والله لعبت مع غرام وغشيت وزعلت قلت اراضيها
نواف بضحك: متى قمتو يوم طلعت انتو نايمين؟
تقدم فارس يضرب راس نواف: يحمار كان بصاله يوم طلعت!
مسك نواف راسه بالم وهو يضحك: طيب لا تضرب
دفه فارس بمزح: وخر وخر خل اطلب لغرامي بس
ضحك نواف طلع من المطعم متجه لسيارة فارس: غراام
لفت غرام بخوف وصرخت: يمه انت كيف جيت هنا؟
ضحك نواف ونطق بعباطه: امداك تنسين انا الي جبتك ؟
كشرت غرام بوجهه: شايفني غبيه زيك اصدق تراك ما تعرف تكذب
ضحك نواف يروح سيارته تارك غرام الي كانت تضحك
كان تركي ساند راسه بتعب مايدري ليه وصل نفسه هنا تعب نفسه بشكل مو طبيعي كان سرحان ناسي كل شي حوله
ركب نواف السياره وشوف حالة تركي الغريبه نطق بضيق: تروك وش فيك؟
ابتسم تركي بنفس ضيقته : طلع الحب صعب
قرب نواف بصدمه: حببب!!
هز تركي راسه بـ"ايه"
-
وقف يطلع من الغرفه بملل رغم تعبه ابتسم يوم شافها جالسه بصاله تتابع بالآيباد ولابسه سماعات
تقدم يشوف وش تتابع وكانت تشوف فديوهات وصور لبنت صغيره تقدم وطلع صوت عشان يبين لها انه موجود ابتسمت تعدل جلستها وتنزل السماعه : اهلين
ابتسم بتعب كملت نجد: نمت؟
هز راسه بـ"لا" وهو مبتسم يتاملها ابتسمت بستغراب من نظراته طال الصمت بينهم وكانهم يعاتبون بعض بنظراتهم ، نطقت نجد بعد الصمت الي صار: تعال شوفني وانا صغيره
ابتسم وهو سااكت ما نطق بحرف من اول ما جاء عندها فتحت نجد الايباد وهي داخل الصور وتشوف نفسها من البدايه: شوف هاذي تهاوشنا انا وفارس على لعبه ، وهنا بالعيد
ضحكت تكمل: هاذا ملهم وهاذا فارس وهاذي لميس وهاذي انا وجنبي لينا
ابتسم سطام ورفع اصبعه يؤشر على فارس: ذا فروسس
ضحكت نجد: اي وجهه يضحك وهو صغير
ابتسم سطام يسند راسه على الكنب : والله اني تعبااااان مدري وش فيني
نزلت نجد الايباد ولفت له ببتسامه: بسم الله عليك
ابتسم لها بحب رغم تعبه نطق بتعب: نجدي اناا اسف اسف اني تعبتك واسف اني زعلتك واسف اني ما سمعتك اسف
تقدمت نجد تحضنه: اشش لا تتاسف
ابتسم يبادلها الحضن الحضن الي كان هدفه من البدايه كان مشتااق لها بشكل مرعب رغم انه ما غاب عنها الا يومين يوم يوم سافرو ويوم يوم راحو لـ عمه ورجع لها باليل شد عليها اكثر وهي كانت تدري من البدايه انه يبيها تحضنه تعرف عيونه اذا اشتاق لها بس كانت تكابر ، كان سطام يشد عليها لدرجة انه نطقت: قلت مشتاق بس تراك عورتنيي
ضحك يرخي نفسه: اوجعتك؟
ضحكت تشد عليه هي : نشوف منهو الاقوى
ضحك سطام يبعدها عنه ويحط جبينه على جبينها
-
طلعت بعد ما فقدته كانت خايفه من اتصل خاله
دخلت المجلس بعد ما شافته مفتوح تقدمت تشوفه ساند راسه على يده ونايم او شبه نايم تقدمت تصحيه : مُلهم
كانت تهزه بشكل خفيف: مُلهمم
هزته بقوه ونطقت بصراخ: مُلللهمم!
كان سااكت بدون حركه ولا صوت ، حاولت تصحيه بس ما قدرت طلعت من المجلس تركض لبيت اهل ملهم
طقت الباب بشكل جنوني وهي منهاره ، فتحت لينا الباب بخوف: وشووو
ريوف ببكاء: ملهمم ملهمم
لينا بخوف: ووووش فييييييه !!!
ريوف وهي منهاره: ماا يرد
قام ابو ملهم من صراخها بخوف: بسم الله عليك يبنتي وش فيييك
لينا وهي تلبس طرحتها وتحط الشرشف على ريوف الي كان لبسها شبه عاري: ملهم مدري وش فيه
طلع ابو ملهم مع ريوف للمجلس وانصدم من حالة ولده اتصل بالاسعاف وحاول يصحيه بس بدون اي فايده ما يرد عليهم
جاء الاسعاف بعد ١٠ دقايق تقريبا اخذوه وريوف غصب راحت معهم ، وصلو المستشفى وعلى طول دخله وكانت حالته خطيره شبه ميت كان جسمه صار مو قادر على الورم دخلوه العمليات على طول وما قدرو يقولون لـ ريوف وش فيه
صارت حالة صراخ ببيت ال سليمان
ماعاد بيت بعيد عنهم بس شخص وواحد يعرف فيه مايبي الي بالبيت يعرفون اخذ جوالاتهم وطلع وخلاهم بعد ما شاف منظرهم
-
تقدم سطام يحط راسه على رجول نجد وهمس: همزي راسي
ابتسمت نجد تهمزه بعد كم دقيقه وقف واخذ بيد نجد معه دخل الغرفه حضنها وانسدح ودخلو بنوم عميق
دخل عبدالعزيز وشافهم نايمين ما حب يزعجهم واخذ جوالاتهم وطلع وسكر باب البيت

———
كل عام وانتو بخير 💗