4

11.3K 278 1
                                    

وسعت عيونها تتراجع للخلف تتمتم برجفه أنت أنت هو نفسه
نزل حجاجه يشوف ارتباكها اي انا نفسه وكابوس احلامك بعد
انأ اللي بعيشك الضيم والضلام ،
بلعت ريقها تتضاهر بـ القوه وش تبي توصل له بضبط !
رفع حجاجه يتقدم لانهيار أبوك وعجزه زمت شفتها بنفعال تخسي
ماتقدر في أبوي لأانت ولا غيرك بيخلي ابوي عاجز تفهم
ابتسم بسّخريه : في يومين بس بنته وأملاكه كلها لي بلوي
قاطعت كلامه تلوي ذراعه بي ؟
ابحر عينه لها يستفزها :ذكيه
وسعت عيونها تصرخ  تدف صدره تعقب وتخسي ماأرضخ لك ولا اسمح لك تلوي ذراع ابوي منحط قاطع كلامها بصرخ المنحط اللي قدامك هو اللي منع  العامل عنك أقطُبي كلامك !
عقدت نواضرها ليتني طحت  في يده ولأ قابلت وجهك دبِ
نزل حجاجه بعصبيه يمسك يدها يشدها الزمي حدك ولا
قاطعت كلامه ولا وش ؟ لأيكون بتقتلني بحقدك وكرهيتك
ها ترجعت للخلف تبعد يده بقوه 
تقدم يصرخ اسمعيني زين صرخت بنفس الحده ترفع اصبعها لصدره
أنت اللي أفتح اذنيك واسمعني زين بتلزم حدك ومرح تقرب مني ولا من ابوي إذ وقتها تجرأت وحاولت تبني خططتك وحقارتك بتلقاني بوجهك
التمس قوتها ووقوفها بوجهه صرخها نضراتها رغم خوفهاومكابرتها
قبض كفوفه يكتم غضبه : الهنوف بنت عبدالله تكلمي مثل ماتبين
ولا تنسين ترقبين سقوط أبوك ونهياره على يدي يستفزها بأسم أبوها يزيد نطقه :عبدالله اصبري علي اذ ماخليتك تنزلين فـ الارض وتترجيني ماكون رعد بن عبدالعزيز .يلتفت يعطيها ضهره تاركها خلفه
ركضت ركض ترجع وعقلها وبالها وفكرها بكلامه
وئام :عمه فاطمه بروح اشوف الهنوف طولت كثير
فاطمه :استودعتها الله  اي والله طولت سم الله عليها
روحي شوفي وين راحت
وئام: تمام .
وئام :وهي تدور الهنوف فـ القاعه  كلها ما لقتها ابتسمت اكيد هنوفي عند النخل طلعت وئام برى وهي تعلي صوتها وتنادي الهنوف الهنوف
ركضت هنوف تلهث تشوف نزلت شماغه تنطق وئام تتقدم لها تلهث فتحت يدينها تحضنها ودموعها تسابق كلامها
نزلت وئام حواجبها بـ ستغراب : بسم الله الهنوف روعتيني شفيك !
وش صاير
تمتمت الهنوف :وئام ابي البيت خلينا نرجع،
وئام :تمام مسحي دموعك اول باخذ يارا ونركب مع حمزه رحت وئام اخذت يارا وعمتها يركبون  مع حمزهِ
فـي السياره "
لزت على سنانها تحاول ماتبين انها بكت
التفت فاطمه : هنوف سم الله عليك الكل يسئلني عنك
زفرت وئام  تحاول تغطي على هنوف: آي مشاءالله هنوف فيك
نوم نامي لين نوصل
عند الرجال»
رجع رعد عند الرجال تقدم  خالد رعد وين رحت
رعد وعيونه لـ عبدالله رحت قريب خالد اصبر شوي وجايك
تقدم رعد لـ عبدالله ابو الهنوف يمد يده هلا والله بقاتل سعد اخوي
جمد وجه عبدالله ينطق : والمطلوب !
ابتسم رعد ببرود :استمتع
اعتدل عبدالله يطلع سبحته:مستمتع وزين بعد والحين
يا ولد عبدالعزيز ماعندي وقت لك
ابتسم بسّخريه تعرف ابوي زين يا اااابو الهنوف ؟
اسود وجه عبدالله من سمع أسم بنته ادرك وقتها ان رعد ناوي ينتقم
منه ببنته تمتم : تعرف بنتي !
ضحك ببِرود  لـعبدالله كيف ماعرف بنت قاتل اخوي يعزتي لضعفك ..
ضل يكرر أسم بنته يستفزه ياابو الهنوف عبدالله بن بناصر اذ ماخليتك تركع قدامي ولا ماكون ولد عبدالعزيز تقدم يتخطاه تاركه وراه يتوه بتفكيره
بيت عبدالله ~}}
نزلت الهنوف تروح لغرفتها تلحقها وئام يجلسون على السرير
وئام :الهنوف قولي شفيك ؟؟
بلعت ريقها ترجف وئام رحت المزرعه اخذ هواء سمعت صوت وطلع عامل المزرعه وجاء يبي يلمسني تمتمت تبكي ويتقطع كلامها
وئام :الهنوف اخذي نفس أهدي مالمسك صح ؟
ماجاك قولي لي بسرعه صح ماجاك،!
هزت راسها بنفي لا يخسي ماجاني ساعدني رعد خوفي مو من شوكه خوفي كله من رعد عدو ابوي اللي دخل غرفتي وئام انا خايفه على ابوي هددني قال انه بيأخذ كل شي من ابوي وقالي اصبري كلها يومين  خايفه خايفه على ابوي اكثر من نفسي وش أسوي
وئام :وسعي خاطرك اهم شي انك بخير لاعد تروحين الحالك وأنتبهي رعد ذا مارح يسوي شي ابوك قوي. بس يخوفك بس
كيف عرفتي اسمه ؟
هنوف :العامل وقت صرخ قال أسمه رعد مره خايفه على بوي
زفرت وئام هنوف من اليوم لازم تنتبهين بكل شي تمام
وبقول لك شي يفرحك نوف بتجي مدرستنا خلاص
الهنوف 'نوف حقتنا!
وئام 'اي اي بتنقل عندنا نوف الداشره وطعسه
الهنوف :زين احسن شي تجي تغير جونا شوي عاد مشتاقه لنوف العبيطه
وئام  الحين نامي ولاتفكرين بشئ كل شي وردي والامور حلوه
تأخرت  أبوي بيذبحني اشوفك بكره استودعتك الرحمن
أستلقت بسرير وهي غارقه ب افكرها..

ياوليف الرُوح ياحلو الوصايفحيث تعيش القصص. اكتشف الآن