يحيدر طلب عدنه يوالدنه
ولو ليله تخلي الوالده يمنه
ابزغرنه تالمنه وتيتمنه
وبعدنه ماشبعنه من حنان امنه
بعدنه ازغار يبويه والوگت مابيه كل رحمه
بعدنه ازغار اخذ امنه وحرمنه گلمه اليمه
بعدنه ازغار ونشوف الدنيه گلها بعينه ظلمه
بام الحسن شمسويه الايام
اتموت وعمرها اثمنطعش عام
جار الزمن ياطيب الذات
دنيانة ظلمة والضوه مات
ماترجع النه امنه هيهات
خلي النعش يم زينب يبات
الحسن راح لبو الحمله بجه وگله
جبير اولادها وحك فاطمه اعليه
اريدن نعش امي يضل يمي
خبر موت الحبيه حط جرح بيه
علي بويه تره زينب گلبها اعله امها يتگطع
علي بويه اذا يطلع نعشها روحها تطلع
علي بويه تكول الغاليه مو سهله تتودع
عرفتها ليله وحده وتروح
شبگت نعشها وظلت تنوح
بيت وصفه متروس اهات
ودنيانة ظلمة والضوه مات
ماترجع النه امنه هيهات
خلي النعش يم زينب يبات
واجه حسين وصرخ ويلي انهدم حيلي
انحنه يم والده واعله الضهر ايده
يگله الگلب جمره عله الزهره
التموت امه بعد ياصبر اليفيده
يبو الحسنين عزيز الزهره مو گلكم تسموني
يبو الحسنين هدم حيلي زماني ونطفه لوني
خوفي اعله زينب خايف تموت
تبجي اعله نعش امها بلا صوت
اتگلها وداعج كله حسرات
دنيانة ظلمة والضوه مات
ماترجع النه امنه هيهات
خلي النعش يم زينب يبات
اويلاه اجت زينب اجت زينب
وعلي من شاف مشيتها بجت عيناه
شبگها واهي اتشبگه ابجي وحرگه
تگله الليه خل امي تبات اهنا
انه زينب وحك امي اعله فرگة امي مابيه
انه زينب بعدها بدنيتي ماشوف حنيه
انه زينب تره من اتموت امها تموت البنيه
باب وفتح للنوح الف باب
اولها امي يضمها التراب
راح اگضي عمري گله لجمات
دنيانة ضلمة والضوه مات
ماترجع النه امنه هيهات
خلي النعش يم زينب يبات
تلفت علي وناده عله اولاده
ارحمو گلب ابوكم بي الف جمره
يولدي وصيتها أبمنيتها
ابضلام الليل لازم ادفن الزهره
شواسيكم وانه المحتاجلي واحد يواسيني
شواسيكم مسحت ادموعكم واني بجت عيني
شواسيكم تره فراگ الزجيه سهم راميني
ماتدري املاك السماوات
الميته فاطم لو علي المات
الوجه الفجر ماباقي ساعات
دنيانة ضلمة والضوه مات
ماترجع النه امنه هيهات
خلي النعش يم زينب يبات
