༘✶ ⋆｡
نجمة سهيل
⊱──────────⊰
كلشي چذبة
حبك وكلمة أحبچ
واني اريدچ ذني چذبة
صدكت لمن كلتلي
انتِ روحي ورويحتي
ودعوة أمي من دعت يارب اسعده
چان حچيك كله چذبة !
ذنبي لمن صدكتك
نيتي چانت حيل بيضة وعكس نيتك.!
اللهفة والخوف ورجفتك
ونظرة عيونك وصوتك
حتى صوتك چان چذبة
⊱──────────⊰
نجمة _ رفعت راسي اخذت نفس حته الغصه تروح تأخرت على الدوام مسحت وجهي من هاي اللحظة ما يهمني شي غير نفسي هوه عايش حياته ومرتاح واني متاذيه كافي نجمة سنين وانتي على نفس الحال شوفي حياتج العمر خلص وعدا وانتي مكانج طلعت لمكان عملي امشي بخطوات ثابته سندت نفسي بنفسي كانو أقوى وحده بالكون وما بگلبي هم وعدت نفسي اتغير واغير گلبي الاغم الما عرف يهوا
اليوم أيضًا
يلهثُ قلبي مُنهكًا
هاربًا مِني
ومِن حنيني
للأشياء الغائِبه
كتبته بالمذكرات وكملت طريقي
. وصل الدكتور؟
ساره _ اي وين جنتي عن الجمال ولج يمموووت يربييي احسد مرته عليه
امل _ وصل ورحبنا بي وراح يكمل أوراق النقل وين رحتي
نجمة _ شفت مريض من اقاربي ما لحكت احضر
امل _ يلا هسه شوي وتشوفينه سوي نفسج تسألين عن دكتور وليد وروحي لغرفته الجديده
نجمة _ ومنو كالج اني مثلج اريد اشوفه وذابحه نفسي عليه
ساره _ طبعاً انتي مو من هاي الناس شكد معقده
نجمة _ يعني الي محترم نفسه وما يركض ورا الزلم يعتبر معقد!! شهل عقل الي عدكم
امل_ ههه ع اساس مسويه نفسج شريفه الله يعلم شنو مسويه وهيج ما تحبين الزلم اذا ما...
نجمة _ قبل ما تكمل صفگته راشدي بكل قوتي... انتي وامثالج ادوسكم برجلي واطلع اذا مره ثانيه تعيدين هذا الحجي حيوانه مفكره كلها مثلج الا اقيم عليجن دعوه سوء تلفظ وبيجن خير واجهني يم المدير عفتهن وطلعت هيج نار بگلبي بس ما بينت شي
ضي _ طگت روحي اريد اطلع اشرب مي اتنفس مخليتني بغرفة ضلمه حته ضو ما بيها فتحت الباب بي صوت حسيت نفسي مخطوفه مو بيت جدي أول ما طلعت افتر بالبيت ما اندل بيتهم قديم وطويل ما عرفت بس المطبخ فتحت الثلاجه اشرب مي ما احس الا جاني صوت
أنت تقرأ
نجمة سهيل
Romanceثم تدرُك لاحقاً أنك طيلة الوَقت كُنت تخطو إلى شيء لا يُرى ، شيء يَشبه العَدم تمامًا تمر الأيام والسنين وانت في محطة انتظار ذاك الشخص نجمه _ كل يوم كرهي يزيد له كلما اسمع احد يحجي بقصتنا جمرات انتقامي تشتعل مرت سنين ولا فكر يرجع كل يوم اتاني انتظر م...
