نجوم محرقة وليل "دامس"

بارت ٣٩

#نجوم_محرقة_وليل_دامس

للتواصل ze8.h ;: insta

حساب الواتباد :: zai9_hr

تصويت وتعليق ابين الفقرات لطفاً ♥️.

𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖
تحـــرگني وتحشــم بـ اليطفــون

ومصدك وياهم كل حجي لسانك .

𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖

مـــروة ::- واكفين بالمحكمة منتظرين عمر يجي وهب واكف كدامي يخابر وليل وزهــير نزلوا دزهم المحامي للاعرضحالجي .

بين ما كاعده اجر النفس خايفة ومتوتره ، خايفة أشوف همام ومتوتره ارجع نوب بعد ما كسرته شلون
ارجع اشوفة نوب خايفة كل جسمي يرجف ،

دنكت اهدي بايديه اعصر بيهن ، بلعت ريگ الدمعة تلاتلي بعيني بـــس وعدت نفسي واعدتها مهما صار اليوم ما أنزل دمعة وحده ،
تنهدت وجريت نفس بحيره ورفعت عيني على رفعت راسي راسًا صارت عيني بعينه لو جسمي كله نهد ، صخنت وجسمي تصلب مـــن نظراتة إلخازرني بيهن هيج يباوعلي بعين كلها شر وعصبيه وجهة ناط عصب كله كوه مثبت كاعــد جسمه يحوص مكاعد يكدر يبقى بمكان ،

رفع راسة وندار تجاه وهـــب الابعده يفتر تليفون على اذنة جاب الممر جاي رايح شوي مسافة لبعيد ما اسمع مــن حجيه شي غير كل شوي فاتح حلكة بابتسامة .

رجعت درت عيني بعده يباوع الوهـــب دار وجهة بسرعة لمن اجه ولد صار كدامة من ركزت بيه عرفتة بـــسام صار بيني وبينا .

درت عيني مختنكة الدموع برمشي اباوع الوهب شنو الاسوي ماعرف افكر شنو اسوي ، سريع اجتي فكره
::- انزل اااي اي انزل .

كمت بجسمي المنتهي وروحي الترجف عين ادور بين
الممر وعين عليهم بــسام بعده واكف مبين مندمجين يسولفون رحت اركض الهواء خانگني ، دموعي تنزل على خدي اااي ليش هيج ليش اني خايفة منه ليشش .

كلي انترست حيره ترس وما عرفت اني ليش هيج صار بيه لان شفته لو لأن خايفة يرجعني لو خايفة يجي يحجي وياي اموت والله اموت ما اريد ارجع بس ليش ارجع دقايق بس دقايق وكلشي اشهد كلشي واخلي يعفن بالسجون واخذ حقي وحق عـــمر وامي وليل ،

انزل على بايات ودموعي ترشح ويا كل بايه انزلها روحي رايحة والغصة تصعد وتنزل مدري ويـــن اريـد اوصل بقراراتي هواي هواي محضره سوالف اريــــد احجيها واشهد بيها كدام القاضي كلشي سواه احجي حتى كتل سمره اطلع مو بت امي إذا ما سجنته الخلف الكلب .

اركض وعثر بدربي ودموعي تارسه خدي بكل حيلي احاول أقاوم ما ابچي إذا صرت كباله بـــس محتاره شلون انطي نفــسي الشجاعة والقوة حتى أواجه بوجهة كله حقد وصلابه مــن دون خوف ورهبه .