🦋 إسكريبتات شروق حسام 🦋

الجزء الأخير 🦋

بقلم شروق حسام 🦋

_" أنتِ يا اللي اسمك هند فين الفطار؟ "

_" أنا مش طباخة عندك. روح اعمله بنفسك ولا أنت متكسح؟ "

_" فيه واحدة تقول متكسح أقول إيه بس دبش. "

_" أنا دبش ياللي صوتك في الغني يقرف ومش بتعرف تغني. "

عمران بسرسجية " نعـــم ابقي شوفي صوتك يا حبيبتي اللي الدبانة تقرف تسمعه ده أنا المغني رقم واحد في الوطن العربي و..... "

معتز بضحك " بــــــس من غير ما تكمل كلام أنت وهي أنا اللي جهزت الفطار يلا على السفرة. "

عدى الوقت مابين مضايقات عمران لهند وضحكهم لحد ما خلصوا فطار

عمران بجدية " بمناسبة إن إحنا متجمعين الكل يجهز هنسافر لندن كلنا حتي أنتِ يا هند جهزي نفسك و الولاد هنسافر كمان أسبوعين. "

_" بس أنا مش معايا باسبور. "

_" الحفلة لسه بعد أسبوعين تكونِ عملتيه مش مشكلة. "

_" إن شاء اللّٰه. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد أسبوعين في مطار لندن

كانت هند فرحانة ومنبهرة بكل حاجة حواليها أول مرة تسافر وحاسة إنها هتطير من الفرحة صدق اللي قال إن النفسية هي محرك الإنسان الرئيسي وهي دلوقتي في أقصي مراحل راحتها النفسية.

_" يلا يا جماعة زمان العربيات وصلت اللي هتوصلنا للفندق هنرتاح شوية والحفلة بليل. "

كلهم في صوت واحد " يلا. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد فترة

كانوا وصلوا الفندق وكل واحد دخل أوضته وهند نيمت عمر وشهيرة وماسة كانت مع معتز هند حاولت تنام ماعرفتش.

هند خرجت تستكشف الفندق لحد ما وصلت للجنينة قعدت على المرجيحة اللي موجودة فيها وسرحت في الجنينة وجمالها.

_" بتعملي إيه هنا؟ "

_" اعععع خضتني فيه إيه؟ "

_" هههه خوافة. "

_" مش هرد عليك. "

عمران بإبتسامة " تعرفي يا هند أنا ماكنتش بطيقك في الأول بس دلوقتي بقيت اتقبلك بس بحب اضايقك. يومي مش بيكمل غير لما أحرق أعصابك ههههه. "

هند بقرف " دبش أقسم باللّٰه دبش. "

_" ههه مقبولة منك يا ستي مش هتقولي لي بقي ليه دايمًا حزينة كده. "

هند بتنهيدة وجع " أقولك إيه ولا إيه؟ "

_" قولي لي كل حاجة. "

هند اتنهدت وبدأت تحكي له كل حاجة حصلت معاها لحد ما قابلته وقابلت أخوه.