أصبح ملاذي...

بارت2

أللهم صلي على محمد وأل محمد...
~~~~~~~~~~~~~~~~~~~~~~~~~~~~~~~~
أصبح ملاذي..

بقلمي أية أل علي.
~~~~~~~~~~~~~~~~~~~~~~~~~~~~~~~~

عشق:-نزل ابوي يركض بخوف يحرگ بيهاا ماتتحرگ
جمدت بمكاني يااربي لطفك أمي ماعندي غيرهاا
كلمة وحده نطقهاا أبوي هدمت كلشي بيه...
خله ايده جواا رگبتهاايشوف أكوو نبض...؟

بابا.. أمي ماتتت..؟؟
گلبي انتفض احس روحي طلعت.. دار وجه عليه وعيونه أمبين بيهن الخوف.. نزل راسه على جهت گلبهاا..

حسن::- ماكوو نبض..

عشق::-جمدت بمكاني ماكوو كلام يوصف حجم الصدمة دمعتي وكفت بعيني دنياا ضاگت بعيوني...

دخلت روان بملابس المدرسة بقت واكفه بمكانه من شافت أمي بذاك المنضر الي مستحيل يجي يوم يروح من بالي...

روان::-تأخرت عشق قررة أروح للبيتهم لان تأخرت  هواي.. دگيت الباب ماكوو صوت دفعت تفأجئة من لگيته مفتوح.. فتحت عيوني بصدمه وأني اشوف خاله نور ماعرف شحجيي..!

حسن::-شبيجج هيج تخوزرين.. اخذي، صديقتج وروحي... اني اخذهاا للمستشفى..

عشق::-لااا بابا الله يخليك خليني اروح وياهاا

حسن::-كااافي مااريد اسمع صووتج گلت مااتروحين وخلصنه..

عشق::-رحت بسرعه غيرة ملابسي ونزلت جسمي كله يرجف الخوف ترس گلبي طلعنه اني وران...
روان جانت مصدومه ماتحجي سكته لحد مااوصلنه حجتت

روان::-اء عش... عشق.. أول مانطقت اسمهاا نهارة بلبجي ترجف من الخوف..

عشق::-رواان أمي أمي مااتت أمي عافتني راحت من بين أديه...   باوعتلي روان بصدمه..

روان::-مااعرف شحجي ضاع الكلام ويااي
شلون منوو ليشش.. عشق تحجي ودموعهاا عشره عشره.. احجي فهميني تراا ماا جاي استوعب شلون ماتت احجي لا تبقين بس تبجين

عشق::-روان أبوي دفع أمي... ماگدرت أكمل كلامي حضنتني روان تمسح بدموعي..

روان::-اشش كافي لاتحجين ماريد اسمع گلبي تگطع عليهاا شنوو ذنبهاا تعيش هيج عذاب بهذا العمر..
بسس سكتي وگومي لا يدك الجرس..

عشق::-الدنياا طفت بعيني كل تفكيري بأمي..
أشرتلي روان ع الحمامات دخلت غسلت وطلعت توجهة للصف دگيت الباب فتحته ست حوراء فتحت عيونها على وسعهن..

خير ماما شبيج ليش هيج وجهج أحمر المديره وياج لأن تأخرتي أحد مزعلج احجي حبيبتي... ليش كل هذا البجي

هزيت راسي بنفي..
احجي بغصه.. ست أمي ماتت.. ونفجرة بلبجي...

شلون ماتت امشي نروح للمديرة مايصير تجين
اندارة على اطلاب ممنوع اسمع صوت..
اخذتني ورحنه للأدارة
حجت كلشي عن حالتي للمديرة..

المديرة.. أنا الله وأنا اليه راجعون.. حبيبتي ماما ليش اجيتي مو لازم انتِ بلفاتحه هسه..
ماحجيت شي بس منزله راسي دموعي تجري سكته
عشق حبيبتي ليش كل هذا البجي..

عشق::-ست اريد اروح للبيت.. بقت وحده تباوع لثانيه.. صاحت للحارس
نبهته عليه أول ماوصلنه للفرع واشوف الفراع مگلوب گلاب الناس وسيارات وصلني الحارس للباب وراح وكلهاا تباوع عليه اسمع صوت الصياح وصرخت أم فقدة بتهاا وأخت فقدة اختهاا
دخلت شافتني بيبي وخالاتي أجن حضنني ويصرخن
حضنتني خالتي وتبجي دفعتها وركضة لتابوت أمي..

هدينننيييي خليني اروح لأمي.. فتحت التابوت حضنت وجهاا بأيدي لأخر مره....

يمه حبيبتي كعدي يروحي والله بعد ماا أعاند اكعد ع الوقت ولاا اضوجج كعدي يمه لا تعوفيني تعرفين محد الي غيرج يمه والله اموووت ماكدر على فراگج يمه يبعد ماي عيني  من عمري لعمرج فدوة اروح لتراب رجليج يمه صدك تعوفيني يعني هاهيه بعد مااصيح يمه بلبيت شلون اتحمل غيابج اني اروح للمدرسة وارجع مشتاقتلج شلون انطاج گلبج تعوفين بنتج..
بجيت بصوت على صرخت بوجع... يممممهه يمه يمه كافي كومي ردي عليه گولي هااا رجعيلي بعد منوو يصيحلي عشقي يمه بعد منو. يعصب عليه..
اني راضيه والله راضيه تكولين عني الفاهيه وراضيه تعلميني شغل البيت.. بس رجعيلي..

يمه شلون بيه شلون بيه
انه محمل فراگ شلون بيه
يمه اريد ليگلي ليش تبجين
أنه غير أمي من يرحم بحالي
يمه انه محد يگلي هناا تعالي

ولجج يمه رجعيلي يمه باجر النتائج مالتي مگلتي اسويلج حفله وافرح بيج يمه اكعديلي يمه

دخلت ازلم يريدون ياخذون التابوت هناا نهاريت بلبجي وصياح.. ماريد ياخذونه..
اخذوني وياهاا المن ابقه والله يمه بعدج اعيش بذله يمه يااهو الي يمه البيت ماريده بيت ماشوفج بي مااريده يمه رجعيلي اخخخخخ يااا نااار گلبي اريد أمي رجعولي أمي... يمهه ولج يمهه رجعيلي مااكدر بدونج... ماحسس بس اضلام اخذني لبعيد..

روان::-دموعي تنزل سكته ماكوو كلام يجبر خاطرهاا وكسرتهاا كلش جبيرة اشوف صديقتي وأختي ربينه سواا عشنه نفس المعانات فقدة امهاا والفقد مو هين
گلبي تگطع عليهاا.. اخاف اخسرهاا خايفه من كلشي.. نايمه واني كاعده گبالهاا لازمه ايدهاا خايفه عليهاا

عشق::-فتحت عيوني احس راسي ثگيل دايخه روان لازمه أيدي وكاعده..

روان::-يالله فتحتي عيونج عبالي متي گلبي وگف..
عشق::-روان اريد أمي..

روان::-الله يرحمهاا برحمته الواسعه.. راحت لدار حقهاا راحت للأحسن مني ومنج.. صلي ودعيلها برحمه البجي مايفيد..

عشق::-البيت سكته هدوء ماكوو صوت لتفت على روان...  روان بيبي وخالاتي وين راحنن صفنت بوجهي.. شبيج حجي وين راحن..

روان::-أبوج طردهم كللهم بعد مايجون لهناا بتهم وماتت وبته تضل عندي هوه ومرته يربونهاا..

عشق::-ما جاي استوعب ابوي يسوي كل هذاا.. شنو مرته تربيني... حجيت بتعب..
وهسه ابوي وين راح..

روان::-راح يجيب غراض وغرفه ويجهز مكان الهم مرت ابوج وأخوانج باجر يجون كلهم للبيت..!

وبين صدمات الدنياا وكسراتهاا تأتي ايام سوداء تعتم حياتي هل من نور يدخل من ثقب زغير...

يتبع...

~~~~~~~~~~~~~~~~~~~~~~~~~~~~~~~~
تصويت بين الفقرات توقعاتكم للبارت الجاي...
انستاا.. aaz7.81..