الكاتبه زينب الشمري
ماعرف وين انطي وجهي
وكلشي يمي ما اطيقه
واحسد الدم ال بجسمي
ضلمه بس يندل طريقه
قراءه ممتعه
............... ......................... ................
في احد البيوت العراقيه وتحديد
البصره
الصبح الساعه 7:30دقيقه
نزلت مبدله ومكمله ورفعه شعري بكتر وعطري يفوح داخلت المطبخ شفت جنان و نجاه اكثر اثنين اكرهن وحاقده عليهن كاعدت عله الطاوله
سيرين: اي عيني صباح الخير
نجاه: وسم شبيج من الصبح
جنان: انجبي حيوانه مستقويه بجدج لان هنا
سيرين: اووي انجبي جنان ام الجنانووو اريد اتريك لان وراي دارسه هوواي
نجاه: خدامت عندج احنه
سيرين: اي خدامت وغصبن عليج يله بسرعه
سكتت من داخلو الكل كاعدو على ميز الطعام
سيرين: بابي
الاكبر: كولي يروح ابوج
سيرين: بابا شوكت يبلش الدوام
الاكبر: بعد اسبوعين
واكفت مصدومه حطيت ايدي عله خدي وصحت
سيرين: عززاا بابا شوكت الحك اشتري ملابس وقرطاسيه
الجد: جاي احسج راح تزوجين مو سادس
سيرين: جدي هذا سادس مو العبه حبيبي
الاكبر: ماكو مشكله بليل نروح المول اني وياج
سيرين: تمام تمام
راجعت كاعدت واني افكر هذا السادس راح يلعب بيها العب والله و يربيني من جديد
علي الدر: شبيج صفنتي
سيرين: هذا السادس راح يربيني من جديد
علي الاكبر: وعلي يربيج خوش تربيه
سيرين: شنووو يعني اني مامربيه بابا سمعت شنو يحجي
الاكبر: بويه غير انت كالتي راح يربيني بعد عليمن
سكتت عنهم وكملت صعدت الغرفتي كاعدت اقراءه صار وكت الغداء اندك الباب
سيرين: هذا ياشريف ابن الشريف يدك الباب
انفتح و داخل ذو الفقار
ذوالفقار: هذا اني الشريف ابن الشريف
سيرين: صح ابوك شريف بس امك مو شريفه
ذو الفقار: شنو تردين اكتلج
سيرين: انجب واطلع من غرفتي
ذوالفقار: عله العموم عمي يكول خلي تجي تتغداء
طلع من الغرفه وركع الباب حيل غسلت ايدي ونزلت
سيرين: مساء الخير عيني
راحت بست راس جدو و بابا هم
الاكبر: بنيتي تعاي يمي
الجد: اسو حبيبت جدو تعاي يمي
حطيت ايدي عله خدي افكر راحت كاعدت يم جدو
الاكبر: ها بعتيني خلي جدج ياخذج بليل المول
الجد: غصبن عليك تاخذه
سيرين: والله احبكم اثنينكم بس جدي اكبر والزم مانرد الها طلب
ذوالفقار: وانت كلش تحترمين الكبار منج
سيرين: بعد تربيت باجي جنان و نجاه صح لو اني غلطنه
الكل يضحك بدون صوت كاعدنه ناكل وجدي يشيل ويحط كدامي
سيرين: جدو كافي شبعت
الجد: شبيج بويه كلشي ماكلتي
جوري: اي عيني الدلل كله سيرين حنه بيش كيلوو
سيرين: شنو تغارين مني
عهد: لا حبيبتي تتشاقه وياج
كمت وعفتهن اعرف بيه تتشاقه غسلت وصحت
سيرين: حضره اللواء بيش الساعه نروح
الاكبر: نطلع الساعه بثمانيه ونص
سيرين: اوك
صعدت الغرفتي سبحت ونامت كاعدت الساعه بسته ونص صليت وغيرت ملابسي نزلت
سيرين: يله بابا نطلع
الاكبر: اني كتلج الساعه بثمانيه ونص مو
سيرين: اي حبيبي بس اني اريد اتعشه بره
الاكبر: خوش يابه اروح ابدل انتضريني
راحت الجدي بست ايده
الجد: مافكرتي تلبسن الحجاب
سيرين: جدو حنه مو اتفقنه اني من اقتنع بلحجاب اجي واكلك اريد البس حجاب
الجد: خوش بنيتي براحتج
طلع محفضته وانطني فلوس
سيرين: شكراً حبيبي عندي
الجد: عيب تردين ايدي بويه اني هيج معلمج
سيرين: شكراً حبيبي
بست راسه وكفت من شفت علي الاكبر مغير ملابسه عرفته يريد يروح ويانه
سيرين: خير وين تريد
علي الاكبر: وياكم عيني
سيرين: يا بالله شنو بكيفك
علي الاكبر:شبيج بويه اني حجيت وي عمي و هو قبل بعد انتِ شنوو
الاكبر: شبيهم الفاره والبزون
سيرين: بابا شنو هذا يمشي ويانه
علي الاكبر: انجبي شنو هذا الي اسم خوش
سيرين: انجب انت ماتمشي
الاكبر: كافي تره ماخذكم والله
عفته وراحت السياره صعدت كدام اجا وفتح الباب
علي الاكبر: انزل اني اكبر منج
سيرين: انجب وصعد وراه ابن نجاه
الاكبر: كافي مو زعاطيط انتم وانتِ انزل اصعدي وراه يله
نزلت راجعت البيت سويت نفسي ابجي
الجد: شبيج بويه منو مبجيج
سيرين: جدو تقبل اني انزل وكعد وراه لا والله اني ماقبل هذا التيل علي الاكبر يكعد كدام امدني اي والله
الجد: تعاي نروح اني وياج
ركضت بسته حيل وهوه يضحك
سيرين: واووو يله جدو امشي وياك عناد بيهم
الجد: خوش اروح اغير دشداشتي واجي
سيرين: انتضرني جدو هسه اجي
ركضت الغرفه بابا طلعت بنطرون وقميص جدو صح جبير بس مامبين عليه نزلت ركض
سيرين: يله جدو البس ذني
اخذهن يباوع عليهن صفن شويه
الجد: شيخ شكدني شكبرني البس هذني
سيرين: حباب حباب انت مو تحبني يله يله يروحي
اخذهن وداخل الغرفه يهزز بيده سمعت صوت ضحك
سيرين: شلونك هيثمي
هيثم: ولج اني عمج احترميني
راحت بست من خده
سيرين: يمه فدوه العمو حبيبي
هيثم: شلون قنعتي ابوي يلبس بنطرون وقميص
سيرين: حبيبي اني الوحيده الي اعرف اقنعه
طلع جدو حلوو
سيرين: واوو جدو تخبل بس اروح اجيب شي
ركضت الغرفه بابا طلعت ستره الوان اسود انطيته الجدو البسه
هيثم: بويه طالعت تشكك شك
خزر هيثم ومدلي ايدي الزمته بسرعه
الجد: يله جدو نطلع
اخذت جنطتي وطلعنه شفت بابا بعده ماطلع
الاكبر: ها شنو وين طالعه
سيرين: رايحه وي جدو انت خذا هذا وياك
عفته وصعدت كدام يم جدو واني اضحك عليه
سيرين: راح اشغل اغنيه جدو
الجد:لا بويه شغلي باسم الكربلائي احلى
طلعت باسم الكربلائي علي ياعلي
ونصفك ونضحك وصلنه المول نزلنه الزم ايدي جدو صعدنه القسم المطعم كعدنه عله طاوله
الجد: شنو تردين
سيرين: اريد بيتزا وببسي و صاج لحم
صاح اللنادل اجا اخذ الطلب خمس دقايق وشفت بابا و علي الاكبر اجو يمنه
الاكبر: ها شلونكم
سيرين: روح خلي يفيدك علي الاكبر
باس راسي و كعدو يمنه
الاكبر: عيب بابا شلون تغلطين عليه غير اكبر منج
سيرين: لا انت اصلن ماتحبني تحبه اكثر مني
علي الاكبر: شبيج لا تصيرن هتره والله يحبج بس اتعلمي مايصير بابا تغلطين
الجد: انجب انتو تعلموه الحترم
الاكبر: بويه هوه انت طلعت وجه وصارت ماتحترم لا جبير ولا صغير
الجد: ماطول اني اشتم الهواء تعيش وتتدل عله كلبي انتو مالكم دخل بيها
سيرين: فدوه اروح الك جدو شوف بابا انت ابد ماتحبني والله
علي الاكبر: راح تبدي هرمونات النكد مو
سيرين: انت مادخلك جاي احجي وي بابا اوك
الاكبر: والقران احبج شبيج بويه منو مايحب بت كلبه
سكتت اكلنه وراحت الحمامات غسلت وراجعت اخذت جنطتي وكفت
سيرين: يله جدو نروح
الجد: اي بويه يله
صعدنه الطابق الملابس دخلنه المحل مرتب اخذت تلاث سدريات اثنين سود واحده نيلي وتلاث قمصان واحذيه هم
الجد: تعاي نروح الهذا المحل بيها جنط مرتبه
سيرين: اوك
داخلنه جانن كلهن مرتبات جدو بيده الملابس اخذت اثنين سود طلعنه شفت بابا و علي الاكبر
سيرين: اي تعالو اخذو الملابس من جدو
اخذوهم واني اضحك
سيرين: جدو بعد اريد كوزمتك
الجد: شنو هذا دور
سيرين: جدو هذا محل مال مكياج و عنايه بل جسم
الجد: سيرين حنه اتفقنه ماكو مكياج بلمدرسه
سيرين: طبعاً جدو اني اريد اشياء عنايه بل جسم
الجد: خوش امشي
داخلنه كوزمتك كلش حلو اخذت هواي شغلت
وطلعنه
الحد: باجر نروح المكتبه
سيرين: اي جدو
راجعنه البيت شفت الساعه بل وحده يبوووو
الاكبر: بعد وكت مابقيتو
الجد: شنو تحاسبنه
الاكبر: لا بويه
اخذت اغرضي وصعدت الغرفتي بدون ماحجي شفت الملابس موجوده البست بجامه نوم وذبيت نفسي عله الجربايه سمعت فتحت الباب سويت نفسي نايم نام يمي وحجه
الاكبر: شنو حلوتي تنام زعلنه لا مايصير
سكتت ماجوبت حضني حيل
الاكبر: يحلوه شبيج مو احجي وياج
فتحت عيون ضحك بصوت عالي حضنته اكثر
الاكبر: روح الاكبر انت عزيزه كلبي
سيرين: عيونه و روح سيرين انتَ
نامت وهو حضني كاعدت شفتها ماهوه غسلت وجهي والبست اترك طويل ونزلت
