وصلت دزة عروس الشيخ رماح، تستقبلها الشيخة نوره والفرحة مو سايعتها، تهمس مهره لوصيف : مارح اصدق ان هالعرس بيصير لين اشوفه داخل عليها
لفت عليها وصيف تهمس : لاتسمعتس جدتي الحين
تأففت مهره تمشي عند امها الواقفه جمب الشيخة نوره تهمس لها : يمه دزتها ولا دزتتس؟
ميّلت راسها ام ناصر تهمس : حلفي بالله! تقارنيني ببنت الشيخ؟
تنهدت مهره ترد : لايمه ماتتقارنين مع احد
هزت راسها : كثري منها شوفي بس ذهبها بس تساوي ذهب جدتس! والله يامهره ان تزوجتي لا اسوي لتس كذا واحسن بعد
ابتسمت : انا خل اشوف وحده تطل بوجهي بس
تغطوا من انسمع صوت جذلان، ترد عليه الشيخة نوره : ادخل يمه جذلان مابه احد
دخل جذلان يسلم عليها ويحب راسها : وشلونتس ياعمه؟
هزت راسها تبتسم : بخير الحمدلله وانت شلونك ؟
جذلان : بخير دامتس بخير..ناقصكم شي ولا خلاص؟
ناظرت للدزة مبتسمه الشيخة نوره : انتو خلصتوا؟
هز راسه بتاكيد: ايه خلاص
اخذت نفس براحة تنطق : الله يسلمك يمه مابه شي ناقصنا
نطق " يالله السلام عليكم " ولفت عليهم الشيخة نوره : دزه على اصولها ولا شرايكم؟
ام عرّاب : صدقتي يالشيخة! ماشاء الله تبارك الرحمن الله يجمعهم على خير
هزت راسها الشيخة نوره ترمق مهره وام ناصر بنظرة تتنهد بعدها : وين عراب ياام عراب ؟
سكتت لوهله تتذكر ثم ردت : مع الشباب يرتبون العرس
ناظرتهم تنطق : يالله ابيكم تخلصون من شغل البيت عشان لاجات الحناية نكون مخلصين
مهرة بنبرة سؤال : وليه ياجده مانجيب عامله دام ان احنا عندنا عرس بكره
حطت يدينها على بعضهم بنبرة سخرية : ليه يالشيخة مهره..وش ناقصتس يدين ولا رجلين؟
تأففت مهره تشتت نظرها قم نطقت جدتها بجدية : يالله خلونا نخلص بكرا العرس بكرا العرس
مجلس ال مغيرة
دخل المجلس يلقي السلام ويسمع الرد والتراحيب تهل عليه، يتقدم للشيخ رماح المتوسط الجلسه يحب راسه ونطق الشيخ رماح : حيّ الله بوعبيدة..تفضل مكانك ومجلسك
جلس بوعبيدة بين الرجال ينطق : علومك يالشيخ واصله للديار كلها والكل يتكلم عنك وعن نسبكم
هز راسه الشيخ رماح : البركة فيك يابوعبيدة
انسمعت همسات ضحك لان مقصد رماح واضح، وابتسم بوعبيدة ينطق : الزين والخير هو الي نقوله طال عمرك
ناظر سبحته لوهلة ثم ناظره : صدقت! وش عندك من علم
ناظر الرجال بوعبيدة ثم ناظر الشيخ : والله طال عمرك الديار الحين هاديه من قلت لكم عن حابس بن عمران من بن عفيف والامور سالكه ماغير مناوشات
تنهد رماح يهز راسه : رايتك بيضه يابوعبيدة وننتظرك بكره تشرفنا
ابتسم بوعبيدة بنبرة شبه عاليه : ابشر على هالخشم! عرس الشيخ رماح هذا
حوش ال كثران
تقدمت تناظر ابوها عيونه على عصاته، ماقدرت تستنتج شي من ملامحه ونطقت : يبه طلبتني
مارفع نظره لها انما هز راسه : ايه يابنتي اجلسي
جلست جمب ابوها بحذر وتنتظره يتكلم، نبضات قلبها للحين متسارعه من لما قالت لها منيفة انه يبيها الى سكوته الان، تنهد بنبرة سؤال : المها! يابنتي! انتِ مالتس نيه بالزواج؟
شبكت يدينها ببعضهم تتردد بالنطق وكمل : انا ماعطيته كلمه الا اني عارف انه الشخص المناسب لتس ورماح ماهو ايّ شيخ ولا هو عشانه شيخ انا عطيتس له! ان كانتس تفكرين كذا ف هو غلط..انا عطيتس لانه رجال والنعم به! ولا من يستلم الشيوخه ومجالس الرجال بعمر العشرين؟ من بد اخوانه كلهم هو قضى شبابه غير عنهم! وان الله اراد بتعرفينها منه بس الحين ابا اسمع منتس الحين
تنهدت تشتت نظرها وتنطق : يبه انا مااطلع عن شورك وماشكيت لك بشي
هز راسه : انا ادري يابوتس انتس ماشكيتي شي لكن عيونتس تشكي وماهي بواضح عليها الفرحة ولا كان زواجتس بكره
تنهدت تناظر تشابك يدينها : يبه الي تبيه بيصير
هز الشيخ نبهان راسه بالنفي : الي تبينه انتِ الي بيصير قولي لي وش تبين؟
شتت نظرها تسكت لوهله، ثم ناظرته تنطق :
