نجوم محرقة وليل "دامس"

بارت ٣٧

#نجوم_محرقة_وليل_دامس

للتواصل// Insta // ze8.h

حسابي واتباد // zai9_hr

تصويت وتعليق ابين الفقرات لطفاً .

_______________

الفرج محد يعرفه شچم قفل بيه
ابتله بلوه الصبر من صار مفتاح .
𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖

مــــروة ::- أهل الولــد الي الچان عندي داكين على هـــــشام ومهددي يا ينعاف ابنهم يا يرفعون قضية اختطاف ومن هالسالفة عارفين ســـمرة عندي فا كتلوها وركبوها براس هالطفل الي ططبوا بعالم لا عالمة ولا يمه خربوا حياتة سمعتة نهوا مستقبلة على ابوه انـتَ أخوها وقتلك الها غسل عار ما تبقى وتطلع .

::- زين انــــتَ ليششش سكتتت لييشششش عفتهم يسوون هيج همام ســــمرة جانت بــــس بيك تأمن وبس بيك تصدك لا تصير مثلهم وتسكت عن حقها لا
تظلمها ، قتلوها وأخذوا شبابها ورا عقولهم الزفت لا تسوي هيج تحبها انـــتَ وهي تحبك لا تسكت وتظلم
حقها فدوه همام فدوه لا تصير مثلهم .

كعد عدل ظهره على رأس الجرباية صافن لكدام ما حاجاني

::- همام يجوز يمي تظهر عكس الي بداخلك وبـــــس
يمها چنت اصفنلكم احسكم مو بــــس عم وبنت اخ لا
احسكم اصدقاء ، حتى شقاكم بعيد عن التزامات الاحترام ، واللـــه عمج واللـــه بت اخوك لازم واحد يحترم الثاني ، وعلى هالمبدأ اشوفكم يمكن من جنت كثر ما اصفن بيكم حتى اصدقاء هم ماكو هيج ،
اخوان مقربين وتحسك من عمرها .. لا تنسى كل هذا وتسكت عن الحق .. التألم من أجل الصدق خيرًا من المكافأة من أجل الكذب ، لا تكذب همام شما يكون الكلام راح تحجي يسببلك أذية احجي ، حتى لا تضل بعدين تعض اصابيعك ندم لأن سكتت عـــلى حقها لا تخلي دمها يروح هدر .

لزمت ايــــده وتقربت باوعلي .. الدموع بعينة يريــد يبجي

اتنفس يرجف وخر عينة ونطاني ظهره ..

- نامي .

خلاني مشتعلة افرفح لهدرجة الأنانية وصلت بيهم يقتلون البت ويتهمون الاخ بقتلها ، زيــن ابوها جبان ويمشي بكلام أمة ام السحورة ، امها امها معقولة ذيج الجبل ميهزك ريح ، توكف بوجهة الجبل شما جان صلب تقبل بتها تنقتل وابنها يلبس قتل اختة .. راسي انفجر غرگت بالأفكار تجيني منا وتأخذني منا ..

حرام إذا ذيج الليلة ضحگت النوم وغمضت عيني لحد ما مرت ساعات ذبلت عيوني وحدها ونمت

كعدت اسمع صوت بالغرفة فكيت عيني راسًا اباوع تجاه الصوت .

::- همام .. مدنك جان يفتح بالجرارات التفتت عليه

- صباح الخير .. زين كعدتي كومي توضي صلي يله