رُوايَة ________ظِلْ
حُب وَ حَرب
أم أســــــد .....
لطفاً لا تنسوا التصويت
والتفاعل⭐💯
قراءة ممتعة ....
فرح : گمت من الفراش بملل باوعت الساعة گمزت من الفراش متأخرة على الدوام فتت للحمام سريع وطلعت اصحصح لبست ملابس الدوام جهزت نفسي نزلت لگيت هُدى مجهزة الريوگ
على ميز الطعام بوست ماما وبابا انداريت اطلع بلا ريوگ لأنو تأخرت رجعني صوت ماما
ورود : وين رايحة تركضين حبيبتي ما اكلتي؟
فرح : تأخرت كُلش ماما لازم اروح
ورود : تمام عُمري إذا تحبين خلي هُدى تجهزلچ شي تاخذي؟
فرح : تأخرت ماما باااي ما عندي وقت
. شمرت بوسة بالهوى وطلعت
لگيت وسام منتظرني لوحت بـ ايدي
مبتسمة شعرة نازل على عيونة
رفع شعرة بـ ابتسامة بحركتة المُعتادة
. صباح الخير
وسام : صباح الفل والياسمين متأخرة؟
فرح :اخذتني النومة بلا ما احس
وسام :النوم عافية من يجي وقت التعب
فرح :نوومة تجنن كُلش اجت بوقتها لأنو جد انتهيت من التعب ارهااق ارهاق
وسام :اكلتي؟
فرح :لا ملحگت
وسام :مو متفقين الأكل بوقتة
فرح : تأخرت اليوم
وسام : خلي منبه تگعدين من وقت عليه حتى يصيرلچ مجال
وترتيب وقت اكلچ لبسچ ليش كُله استعجال
فرح : اوكي احاول انظم وقتي هم صدُگ كلامك
وسام :تمام انتبهي لنفسچ
فرح : اوكي . نزلت ولوحت بـ ايدي اله بااايوو
. ابتسم وحرك السيارة دخلت القاعة
اركض ركض ما باقي غير دقائق وتبدي المحاضرة الحمدُلله الدكتور بعدة سلمت عليه واعتذرت عن تأخيري الكُل دخل بلحظة صمت بلش الدكتور يشرح نص المحاضرة واجت المديرة وگفت بالباب صاحت بأسمي الكامل سديت الملزمة وگمت . نعم
المديرة : ماما ابوج داز عليج ومتخربط كُلش لازم ترحين هسة بأسرع وقت ابو الخط منتظرج بـ الباب
