نجوم محرقة وليل "دامس"

بارت ٣٦

#نجوم_محرقة_وليل_دامــــس

للتواصل انستگرام // ze8.h
حـسابي الواتباد // zai9_hr

#الـــزهرات ، تصويت وتعليق ابين الفقرات لطفاً

ــــــــــــــــــــــــــــــــــــ
مَمكن نختلف بـــس نَفترگ صَعبه .
𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖𓎖

مــــــروة ::- واكفة بالمطبخ اسوي غدا .. بـــــسام بالصالة وسمرة بالغرفة بس اذا يجي همام تطلع ابد ما
تكعد يم بـــسام ، احس مرات علاقتها وياه همام كلش
قوية وتحبة حتى أكثر من أهلها .. ذاك الموضوع سدوا وما جابوا ابد اي سيره أهلها للان ما خلوا مكان
ما دوروا بي ونوب مرت همام هاي طاشة السالفة الاهلها وهــسه الدنيا كلها تدري بيهم وأخوها كل شوي يتهدد يصيح بــــس خلي اطيح بايدي والگاها اذبحها وبــس الگاها اموتها وشيكولون جده وجدتة هاهي .. للان محد يدري بيها عند هــــمام غير بـــسام ، هــمام كل يوم يطلع يــدور حاله من حالهم الصبح يرجع بليل

بـــــسام كال الاهلة بعد الفشله الصارت حتى ما اكــدر
اشوف وجهي الربعي راح اطلع محافظة فتره وارجع
وما يدرون هنا .. اما اذا احد يجي هنا هي بــــس أمة وتجي وياه همام فـ قبل لا يجون بنص ساعة يدگ على بــــــسام ياخذ ســــمرة ويطلعوا لحد ما تروح .. وهـــيج عايشين كل هالفتره ..

مدنكة اگلي سمج ايــــدي هاي كل شوي ونملت ودرت للثانية ومو كلش اعرف اگلب السمچات بيها حركتي حيل بطيئة

انداريت على صوت ســـــمرة فاتت تحجي
- انطيني عنج اساعدج

:: لا لا شكرًا هو ما بقى بـــــس شوي

- دجيبي جاي تحسسيني خطار

احب هالعاده بيها تاخذ ميانة بسرعة اكو البعض ما يحبون الميانة الا بسرعة بـــس ما ادري اني احبها وهي ميانتها يعني كلش كلش حلوه مثل التكسر حاجز الخجل اليكون باني بينك وبينها ..

ابتسمت ووخرت على جهة أخذت مكاني تحجي

- عـــمو بــسام يحب تگلايت الطماطة وياه سـمج الگلي فـ كصصي طماطة حتى احمسها

هزيت راسي ورحت للثلاجة طلعت طماطة وكصص
كل شوي احس ايــــدي كلش وجعتني .. كملتهن وخليتهن يمها .. هي ضلت تسوي بالطماطة واني رحت كملت خليت المنشف بكاسات .. غسلت الشبت
خليتهن كلهن بصينية وطلعت بعد ما عليه تريــــد تاكل وياه عمها وحدها بكيفها .

طبيت غرفتي كاضه ايدي اتلوه ميته وجع تجي مرات
تخدر تبقها بـــس منمله وتجي مرات اموت شاطية توجعني .

تمددت لازمتها نزلت دموعي واني اذكر امي اخوي حياتي القبل لا اطب بالجحيم الدمر حياتي چنت وين
وصرت ويــــن .. شهكت كامتة الدمار الديصير بحالي
چنت من وحده كل همها دراستها وشتاكل الي وحده جاي تموت الف مره بالثانية .