يحجي ويبوس بيهم طبينه جوه كاعدين شمس وحوراء اجن سلموا وكعدوا واني لازمه بايد أساطير.. وين ما تروح اني لازمه ايدها مثل طفل مجلب بامه
همس مسلم باعوا الأيسر...
نباوعله شلون يعاملهم حقهم يحبوا..
شمس جابت ممه قمر وهو حطلها مخده كدامه ونومها وانطاها الممه ويمسح حلكه ويلاعبها ومكعد منتظر بحضنه يبوس بيهم فدوه شكد حلوين...
الايسر....
بسبب الظروف اللي عشتها دللت جهال ملهم لان ما عشت ويه اخواني جنت مريض ف ما اتقرب لاحد وممكن حقدت عليهم بسبب امهم وابوهم بس مالهم ذنب واطفال ملهم شفت نفسي بيهم ما ردت ينظلمون لان امهم وابوهم عديمين مسؤوليه بحيث صاروا بمعزه روحي هلكد ما تعلقت بيهم، منتظر من اجه للدنيا بحضني من اول ساعه بحيث اتذكر كأنما صار البارحه
قبل سنوات قليله .....
هستوني خلصت فتره العلاج بعدني انطوائي واتقزز من كلشي وما اختلط ملهم خايف ومخبوص على زوجته وابنه، وهو اول حفيد النه....
كاعد بالمختبر بالطوارئ كملت شغلي ورحت اشوفهم هستوههم يطلعون نجلاء لغرفه ثانيه حاط ايديني بجيوب البنطلون وامشي بعدم اهتمام صاحت وراي عمتي سماهر الي اعتبرها أكثر من ام
سماهر::- الايسر تعال...
انداريت ورحت عليها بس بدون ما انطق حرف جان اسامه وياي
اسامه ::- ها يمه..؟
سماهر ::- بعد امك وكلبها روحوا شوفوا الطفل أخذوا للخدج كالوا زين بس أخذوا خاف بي شي..؟
الايسر::- لا يمه إجراء روتيني....
رحنه اني واسامه وهو فرحان أكثر من ملهم نفسه
الايسر ::- المسودن شبيك تضحك....؟
ابتسم وكال بحماس
::-يعني راح يصير اكو نونو بالبيت فدوهههه اني اعوفك واروح اعيش يمهم علمود اشوفه لو اجيبه يمي...
غميته احجي
الايسر ::- ايييععع هو كائن مقزز جدا مقزز..
احجي منقرف لأن اتخبل من كلشي من كلشي اتقزز بس اخواني لو يتملطخون بالوحل هم احسهم نظيفين واخواني همه (ازهر، اسامه)
كفخني وكال..
اسامه ::- اصلا الجهال يخبلون اتمنى يصير عندي كومه جهال واول طفل اسمي الايسر على عمه والثاني ازهر يعني اسمي جهالي على عمامهم ...
ضحكت وكتله
::- ولو ما اتزوج بس همين اول طفل اسامه نذر عليه اسمي اسامه هاي إذا تزوجت...
يضحك هو وشعره المكفوش مو كيرلي بس مو سرح لا مجعد تقريبا زايدته وسامه ويضحك للرايح والجاي واني إعارك بالهوه شتان ما بيني وبينه...
وصلنه الخدج وطلعت الممرضه شايله طفل كالت انتو اخوان الدكتور ملهم؟
جاوبه اسامه بفرح
::- اي عزيزتي وين الطفل؟
YOU ARE READING
الأيسر "سلاسل الاحرار" (الاصليه)
ChickLitبين طيات الزمان ومرور الايام نعيش حبا عقيم بحياه من جحيم ضحايا لثأر قديم سيسقون من حميم لافعالهم الشنعاء وقتلهم للابرياء لسلاسله سيكونون سجناء...! واسرى لجهنم الحمراء.. عذاب، دمار، مرضاً وافتقار حرمان حزن وانكسار بين حرب جبابره و وحوش تظهر زهره بيضا...
السلسله الثامنه عشر
Start from the beginning
