🦋 إسكريبتات شروق حسام 🦋

إسكريبت 🦋 قسوة ثم عوض 🦋

إسكريبت 🦋 بقلم شروق حسام 🦋

_" يا ماما أنا عايزة أكمل تعليم وأدخل كلية كويسة وأعلى مستوانا المادي. "

عفاف بقسوة " لأ مش هتكملي إحنا مش معانا فلوس تدخلك أنتِ وأخوكِ أخوكِ الكبير أولى وهيحسن مستوانا مش أنتِ. "

_" والله ما هاخد منكم حاجة هنزل أشتغل وهدفع مصاريف الكلية من معايا. "

_" أنا قلت اللي عندي وأنتِ هتاخدي دبلوم وتقعدي تساعديني في شغل البيت وتخلي بالك على إخواتك الصغيرين. "

_" يا بابا لو سمحت كلم ماما حاول تقنعها. "

سامح كان هيتكلم بس سكت لأنه عارف جبروت مراته وإنها متحكمة فيه زي اللعبة ولو إتكلم هتطرده بره البيت لأنه بإسمها.

محمد أخوها بحقد " عايزة تدخلي كلية عشان في الآخر تجيبي لنا العار وتتعرفي على شباب روحي يابت علي المطبخ اعملي لنا الغدا كتك القرف في شكلك اللي يسد النفس. "

سامح أبوها بضعف " أخوكِ عنده حق يا هند مينفعش تروحي كلية تكون مختلطة وأكيد هتقعي في الغلط البنت مالهاش غير بيت جوزها في الآخر. "

هند بكسرة وهمس " حتى أنت يا بابا! "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد 3 سنين

اشتغلت في مصنع ملابس بعد محيلات كتيرة لبابا وماما لما شافوا إن نفسيتي تعبت وافقوا.

خدت دبلوم تجارة وده ماكنش طموحي ولا حلمي أنا وقت الإمتحان حليت أي حاجة من كسرتي من أهلي وأحلامي اللي ضاعت وشايفاها قدام عيني بتتبخر.

ومحمد خد دبلوم بعد ما كان بياخد فلوس من ماما وبيصرفها على صحابه في الكافيهات ف سقط في المعهد فخد دبلوم.

روحت بعد يوم متعب وطويل في الشغل لقيت خالتي وعيالها موجودين عندنا.

_" مساء الخير يا جماعة. عاملة إيه يا خالتي؟ طمنيني عليكِ وحشتيني. "

_" كويسة يا عيون خالتك. أنتِ عاملة إيه؟ "

_" الحمد لله ماشية. "

عفاف بحدة " تعالي يا هند عايزاكِ في حاجة. "

_" حاضر يا ماما. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد شوية

_" عبد الله ابن خالتك جيه عشان يتقدم لك حسك عينك ترفضي وإلا أنتِ عارفة هعمل فيكِ إيه وأقسم باللّٰه مش هرحمك يا حيوانة. فاهمة ولا لأ؟ "

هند بدموع " فاهمة فاهمة. "

عفاف بقرف " روحي يلا إتنيلي إلبسي حاجة عدلة بدل القرف ده. "

_" حاضر. "

عفاف سابتها وخرجت من الأوضة وهي وقفت قدام المرايا وبدأت تكلم نفسها بجنون

_" قرف ده أنتِ طول عمرك بتضحي بيا عشان خاطر إخواتِ وعمرك ما فكرتِ فيا هدوم مافيش فلوس الأقيكي في نفس اليوم جايبة لإخواتِ كل حاجة لأ لأ ياربِ خليك معايا و ماتسيبنيش "

مسحت دموعي وخرجت.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد شوية

سعاد خالتها بفرحة " إحنا طبعًا عيلة واحدة ومفيش بينا كسوف إحنا جينا النهاردة يا حج سامح نطلب إيد هند بنت أختي لابنِ عبد الله الله يحفظه. "

سامح بتوتر " ناخد رأي...... "

عفاف بسرعة " على خيرة اللّٰه يا سعاد وهند موافقة مش هنلاقي أحسن من عبده يكون جوزها. مش صح ولا إيه يا هند؟ "

هند لسه هترد ......

#قسوة_ثم_عوض
#شروق_حسام