ياوطن قلبي

Part 16

~ ياوطن قلبي ~

نعتذر عن القطعه
قراءة ممتعه 🫂🫂.
-

عند قسم الحريم
ابتسمت نجد بحب: الله غراام تهبلييين
تقدمت غرام تدور بفستانها الاصفر بحماس: كييفف ؟
نجد بحب: يجننن تاخذين العقلل
تقدمت غرام تحضن نجد اللي كانت لابسه احمر: بعددد روحي وانتي بعددد تهبلييين
كانو نجد وغرام بالمجلس لحالهم يتصورون ويمدحون بعض بعد كم دقيقه دخلت لميس الي كانت لابسه فستان سماوي قصير شوي ومعها لينا بفستانها الابيض عاري الاكتاف وشعرها ويفي
لميس: بناااااات تهبلونننن
نجد ببتسامه: يروحييي انتي وانتو تهبلوننن بعد
لينا : نجددد ي حظ سطام فيك تاخذييين العقل ماشاءالله
لميس: صدققق تهبلين ماشاءالله حتى غراام تجنن ي حظ الي بياخذها
حمر وجه غرام يوم تذكرت موضوع خطبة رعد لها
دخلت ريوف بفستانها الأبيض وضحكت على وجه غرام كيف احمررر نطقت ريوف : السلام عليكم مين الي محرج غرام اعترفو
(*^^ فستاتين البنات بالانستا بارت ١٠٩ و١١٠^^*)
لينا وهي تضحك: لميس قالت ي حظ الي بياخذك وهي تقلب طماطه
غرام وهي تحاول ما تبين خجلها: وشو عاادي
لفت ريوف الي كانت تعدل شعرها عند المرايه: بنااات ما قلت لكمم تخيلو رعدد خطب غرام
لفو كلهم على غرام الي غطت وجهها بخجل بعد دقايق دخلو امهاتهم والجده هدى وبنات حمد
فستان حور ابيض فيه ورد ازرق
فستان نوف مزيج بين ازرق اصفر اخضر * بحط صوره توضح*
فستان شذى مورد بورد برتقال
فستان رفيف ابيض عاري الاكتاف
تقدمو يعيدون على الجده هدى بحبب وسعاده جلسو يتقهوون ويحلون مع سوالفهم اللي ماليه المكان بعد دقايق دخلت هيام ام سيف ومعها بناتها الي لابسين نفس بعض فستان مورد بورد بنك وهيام فستانها اسود فيه ورد بنك واحمر ، تقدمت تعيد عليهم ويعيدون عليها كان المكان مليان سعاده وحبب
-
عند قسم الرجال
تقدمو يعيدون على الجد سليمان
طلال بعباطه: جدي مافيه عيديه؟
الجد بحب: الا فيه بس انت اخر واحد تاخذ
طلال بورطه: شدعوههه جدي امزح معك
هيثم بضحك وهو يهمس: احسن محد قال لك تتلقف
تقدم سطام يعيد على الجد ببتسامه: كل عاام وانت بخير وعساك من عوادة
الجد سليمان ببتسامه: وانتت بخير ي سطيم وانت بخيرر
جلسو يتقهوون ودخل الجد يعيد على حفيداته وبناته
تقدم يسلم عليهم وحده وحده وكل وحده يعطيها عيديه ٥٠٠﷼ طلع يعطي العيال عيدياتهم بحب
-
دخلو بنات وما بقى الا رغد وقفه وكانها تنتظر شي
طلع فارس يبي دورة المياه وشافها واقفه تقدم لها بستغراب: تبين شي؟
لفت بخوف: بسم الله خوفتنيي
سكت ينظر رد على سواله ، سكتت شوي وكملت: اء طلبت حلا وانتظره يجي عشان اخذه
كان فارس طول الوقت يناظر عيونها الي كانت تهرب من عيون فارس نطق وعيونه بعيونها: ادخلي انا اجيبه
رغد بخوف: بس ما دفعت
رفع حاجبينه ونطق بحده: ادخليي ي رغد قلت لك اجيبه
دخلت رغد وهي خايفه من نظراتها الحاده دخلت المجلس بعد ما ضبطت نفسها كان فستانها وردي فااتح قصير فوق الركبه
قامت غرام بحماس: يلا بنات خل نتصور
نجد وهي تعدل شعرها: اصبري لين تجي وسن والعنود
وقفت غرام بملل :اجل بطلع اصور نفسي
طلعت الحوش بملل تفكر بموضوع الخطبه جلست سرحانه شوي راحت بالفكاره لبعييييد ضاعت بين افكارها نسيت نفسها بعد كم دقيقه دخلت وسن والعنود الي قاطعو تفكيرها ودخل وراهم تركي ينزل الاغراض كلهم ما انتبهو لغرام بس تركي الي وقف مصدوم يشوف الي واقف قدامه بكامل زينتها بفستانها الاصفر وشكلها الي يفتن وقف يستوعب وبعد ثواني استوعب ولف يتنحنح : طريقق.
وقفت غرام تمسك وسن: يمهه ميين !
وسن بضحك: ي الخبله وش مطلعك الحوش
غرام باحراج: مدري كنت اصور
دخلت مع وسن ووراهم العنود تاركين تركي الي ضاااعت علومه ما يدري منهي
-
كان فارس واقف برا ينتظر الي طالبه منه رغد يجي ويفكر وشاف تركي سرحان عند باب الحريم قرب منه ونطق: تروك وش تسوي هنا؟
تركي ببتسامه: ارحب كنت انزل الاغراض وحوست الحريم ، انت وش تسوي برا؟
فارس بورطه: هاه ريوف طالبه حلا وابي اجيبه لها
تركي بستغراب: طيب ادخل واذا جاء ترسل لك
تقدم تركي يسحبه داخل : امش تقهوى بس
دخل وكان المجلس كله سوالف بحب وحماس جلس تركي ودخل في دوامة الهواجيس ، فارس حاول يطلع اكثر من مره بس استسلم بعد ما الجد طلب منه يجلس وهو يفكر وش يسوي
-
عند البنات
كان الحماس مالي المكان ضحكهم وسوالفهم نجد كانت ابتسامتها ما تفارقه كانت معطيه كل المجلس سعاده وفرح من فرحها كان صووتها مالي الكان
تقدمت رغد تكلم غرام الي كانت متحمسه تسولف مع وسن ورفيف : غرام ابي جوالك ابي اصور فيه جوالي مدري وش فيها الكام حقه
غرام ببتسامه: سمي
سحبت جوالها وطلعت عند المرايات الي عند دورة المياه دخلت المكالمات تدور رقم فارس لقته وارسلته لنفسها وصورت كم صوره وارسلتها لها ورجعت المجلس تقدمت لغرام: يييعطيك العافيه وتصوير جوالك بطللل ماشاءالله
غرام وهي مبتسمه : يعافيييك ابد بالخدمه
رجعت مكانها وفتحت جوالها تكلم فارس
-
عند فارس كان حاط راسه على كتف هيثم بتعب : هاذي ثالث مره اصب لهم عجزت وانا ادور المجلس ماشاءالله كبييير
ضحك هثيم: قم بس عن كتفي الي فيني كافي
ضحك فارس من ضحكه: والله انك مدلع امش بس
عدل جلسته يطلع جواله واستغرب من الرقم الي يرسل له ،الرسايل؛ فارس، الحلا برا ، والفلوس دفعتها ، اعتذر على الازعاج
ابتسم فارس لا شعوري : ابشري الحين اطلع
وقف وطلع وهو يفكرر كيف جابت رقمه وليه ارسلت له هو رغم ان اخوانها فيه ، طلع واستلم الحلا وشكر الي وصله لهم شكر حارر حتى الي وصله لهم مستغرب منه
-
دخل وارسل لها: حطيته عند الباب الخلفي للمطبخ
استغرب رغد ليه حطه هناك كتبت بتردد: بس ليه ورا ما احب ذاك المكان؟
ابتسم فارس وارسل لها : عشان طلعت لك قطو فيه وخفتي منها😕؟
ضحكت رغد يستغرب: كيف تعرف😀؟
رد فارس: تعالي تعبت وانا واقف ابي اكلمك بموضوع🫣.
-
طلعت رغد رغم خوفه بس فضولها طلعها وقفت رغم خوفها من الكان الي كان مافيه احد بس كيس الحلا الي طلبته تقدمت تبي تاخذه وحست بشخص يسحبها من خصرها كنت بتصرخ بس حط يده على فمها : اششش انا فارس يالخوافه من القطو
ابتسمت رغد رغم خوفها من الموقف ومسكت يده تبعدها وتحاول تبعد: وش تبي فكنيي
فارس ببتسامه : بسالك وابيك تجاوبيني واتركك
رغد بخوف : فارس اتركني ياخي
فارس الي ضاااع بعد ما سمع اسمه من منطوقها: ي عيون فارس انتييي ، ابي اخطبك وتكفين وافقي والله اني احبك من صغري ومن اول مره لعبت فيها معك ومن اول مره ضربتك فيها يشهد على ربيي اني اعشقك يبنت صقر
سكتت بصدمه وهو بعد ما سمعها الكلام الي يبي تركها وراح يخاف يطول يسوي فيها شي
وقفت مصدومه فيه شخص يحبها كذا ، دخلت وهي مصدومه ومبتسمه تحط الحلا حقها ابتسمت تصب لنفسها قهوه وتصوورها مع الحلا
-
وقفت نجد تطلع لـ سطام الي طلب يشوفها بعد ما استاذن من ابوها
*^ وشفيكم ولدنا محترم يستاذن ^*
تقدمت تسوف نفسها بالمرايه وترش من عطرها الي تحبه طلعت تدخل المجلس مبتسمه تشوف سطام واقف قدامها معطيها ضهره تقدمت بشوق من زمان ما شافته حضنته من ورا بحب ابتسم سطام يوم حس بيدينها الناعمه تحضنه لف : كل عام وانتي روح سطام وقلب وعمره كله
ابتسمت نجد باحراج: كل عام وانت بخيير
ضحك سطام: طلعتي ما تعرفين تردين
نجد ببتسامتها: شسوي انت قلت كل شي
ابتسم يدفن وجهه بعنقها تنهد ونطق: اعشققك يابنت عبدالعزيز
ابتسمت نجد وهي تشوف وجهه متغير: سطام ، صاير شي ؟
حضنها سطام اكثر وهو مايبي يبين لها وجهه لانه يدري انها تقدر تخليه يقول كل شي وانه ما يقدر يتحكم بنفسه قدامها : لا ابد بس مشتاااق لك حيل
ابتسمت نجد بحب: وانا مشتاق لك
رفع نفسه وحط جبينه على جبينها ونطق: تاكدي اني احبك وببقى احبك إلى اخر يوم بحياتي واذا جاء يوم واختفيت اعرفي اني برجع لك وبرجع وبرجع ولا تتنسين
‏وباسها بوسه خفيها وطلع تركها تدور بتفكيرها
-
دخل سطام المجلس سرحان بتفكير مايدري كيف بيبدا تقدم يجلس جنب الجد سليمان ونطق: ي جد
الجد سليمان الي كان يحبب سطام ويعده واحد من عياله: اسلم
سطام بتفكير: ي جد ماعاد صار معي وقت لازم اسافر اليوم باليل ابيك تخطب لـ نواف وفارس
الجد ببتسامه: ابشر بس من يبون
سطام بحزن: ودي انا الي اخطب لهم بس وش اسوي بسافر باليل مايمديني نواف يبي لميس وفارس يبي رغد وانا استاذنك ونجد لاحد ياخذها غييري امانه ي جدد نجد لا تروح والله مابيدي شي كله لعيونهم
ابتسم الجد بحزن: تهون تهون ونجد محد ماخذها معليك لك وزوجتك
وقف سطام بحزن وتعب وتفكير مايدري الشي الي بيسويه صح ولا خطاء مايدري هو بيرجع ولا لا مايدري عن مصيره بهاذي الروحه
تقدم لعمه عبدالعزيز ابو نجد وعطاء ظرف : اذا نجد ما اقتنعت اعطها هذا يا عمي
ومد له ظرف ثاني : وهاذي عيديتها
وطلع تاركم وراه مايدري وش بيصير تغير كل شي بثواني كان بيروح بعد العيد وفجاه قالو تعال طلع وهو سرحانن بتفكير مايدري وش بيصير ترك كل شي ونسى موضوع خطبة رعد وقف يحاول يرتب نفسه وقفت ينتتظر شخص بعد كم دقيقه وقف ذيب ومعها بهاج نطق ذيب الي ما اقتنع بالموضوع: سطام متاكد من الي تسويه اخاف ينقلب عليك الموضوع.
سطام بتفكير: ما بينقلب انتظر بس
-
انتهى عيدهم بفرحه وحزنه بسوالفهم وضحكهم وفرحتهم بحزن نجد من كلام سطام الاخير الي خالها تهوجس وتروح لعالم آخر بعيد عن الي حولها
كانت الساعه ١٢ الظهر
كان يصلي الظهر عشان يبي ينام تقدم يشوف ريوف غرقانه بنومها ابتسم يشوف بطنها الي كبر شوي تقدم يحضنها ويفكر بموضوع سطام دقايق وغرق بالنوم
-
كانت بفراشها تفكر تعبت من التفكير الي مسيطر عليها كانت تعبانه و كلامه تعبها اكثر وقفت تبي تروح دورة المياه طاحت بسبب دوخه كانت تحاول تقوم
بس ما قدرت جلست على الارض بحزن نزلت دموعها بدون ما تحس كانت تبي تعلم سطام بشي يوم شافته بس ما قدرت كان التفكير بيذبحها نطقت تكلم نفسها: كييييف بعلمه ان اقرب شخص له اكتشفنا ان عنده ورم بالدمااغ! ، ماااا عطاني مجالل كيييف اقول له
صرخت وبكتت بكاء هستيري ماقدرت تسيطر على نفسها، افكارها مشوشه حتى الشخص الي يعاني ما يعرف انه معه مرض خطير كذا
-
وقف سطام قدام بيت واحد من عمامه يفكر يرجع ولا يكمل ما يدري وش ممكن يصير لكن الشيء الوحيد اللي يبي يعرفه هلا أبو حي ولا ميت عمه كان شخص سيء ما تستبعد يسوي أي شيء يؤذي يضربه ممكن يذبح لأن أبو سطام كان سبب لتحول شخصية هذا العم هو اللي علم هذا الأشياء السيئة مثل المخدرات
‏هدف سطام الوحيد يعرف ماضي أبوه وشخص الوحيد اللي يعرف ماضي أبوه هو هذا العم بس على حسب كلام ذيب و بهاج ان العم ذا كان يتوعد بابو سطام وانه ممكن يسوي اي شي عشان ينتقم منه حاول اكثر من مره يقتل فارس
ذيب بخوف: سطام متاكد بتدخل ؟
سطام بتفكير: صدقني انا ابي اعرف وش صار لابوي وليه صار فيه كذا مستعد اضحي بس اعرف
بهاج: بس سطام وش الهدف من انك تعرف خلاص ابوك الله يرحمه
سطام بتفكير: رعد قال ان الي صار مع ابوي جريمه مو بس حادث انه توفى بسبب شخص
بهاج بصدمه: كيف دقييييقه!
ذيب بنفس صدمة بهاج: سطام متاكد !
سطام : شفت كلل شي عند رعد .
-
فلاش باك
اول مره يشوف فيها رعد ( بارت ٦٥)
رعد بفضول: انت وراك سالفه ودك تقولها؟
سطام ببتسامه لان وده يفضفض وما يبي لشخص يعرفه حيل يبي شخص شوي وخلاص يبعد عنه: خل نخليه باليل اذا نامو الناس نطلع نسمر انا وانت
رعد بضحك: تمم
بعد العشاء باليل طلع سطام الشارع مع ملهم ينتظرون رعد بعد ما حددو موعد يتقابلون فيه
باليل الشارع هدوء وقف رعد وركب سطام وملهم ونطق سطام : سلاام
رعد وهي يحاول يثبت جواله: وعليكم السلام ارحبو وين ودكم نروح
سطام بهدوء: مكان هدووء ابي اسولف ونشرب شاهي
ابتسام رعد: ابدد تم
وقف عند محل شاهي اخذ ٣ اكواب شاهي
رعد وهو يحرك السياره: سطام انت سطام مين لاني شاك بشي اليوم ابو ملهم قاله لنا .
سطام وهو متلذذ بطعم الشاهي : سطام بن فراس رباح آل عبدالله
وقف رعد السياره بصدمه: مييين ميين!!!
انكب الشاهي على سطام الي انصدم من ردة فعله وملهم الي كوبه انكب نصه نطق سطام بحده: فراسس رباححح آل عبدالله
رعد بتفكيير: اصبر ي ولد لا يكون الي ببالي
سطام وهو مبتلش بالشاهي الي على ثوبه: وشوو الي ببالك!
ملهم بتفيكر: صدق وشو الي ببالك؟
رعد وهو يفتح جواله: فيه حادث متعمد صار لشخص بهاذا الاسم بس بتاكد من اشياء
ورفع الجوال يكلم
سطام كان ساكت بصدمه وبدا يكلم نفسه ؛ فيه احد ذبح ابوي! ، يس ليه؟ ، هو كيف يعرف ابوي
ملهم: دقيقه رعد كيف تعرف ابو سطام؟؟
رعد بتجاهل: الو معك العميد رعد بن فهدد ، اي احتاج الرقيب مروان بسرعه ، الو مروان ابيك تصور لي ملف الحادث المتعمد الي صار قبل كم سنه الي وريتني إياه قبل كم شهر تقول ما لقو حل لهاذي السالفه ، الله يبشرك بالجنه اعجل بالله
بعد دقايق وصلته صور الملف وعرف سطام ان ابوه توفى بحادث بس الحادث مدبر فيه احد ورا هاذا الحادث
-
نرجع الواقع
وقف سطام قدام الباب بتفكير وتوتر وطق الباب والجرس وقف اكثر من ٥ دقايق ومعها بهاج وذيب
بهاج: مافيه احد خل نروح
ذيب وهو يهز راسه: اي سطام مافيه احد يلا
راحو بهاج وذيب وقف سطام بتفكير مايبي يرجع يبي يعرف وش صاير ونطق: بس جاي هنا من طريق بعييييد مابي ارجع
بهاذي اللحظه انفتح طرف الباب ولف سطام بسرعه شاف بنت بعمر صغيير ما تتجاوز العشر سنوات نطقت البنت بخوف: بابا مو فيه راح وما رجع
تقدم سطام بشويش: وين راح وكم صار له
رجعت البنت بخوف: شوي ويرجع
وقف سطام يوم شافها خايفه: ماا بسوي لك شي انا
سكت يفكر وتذكر هناي : انا ابي اصير صديقك اسمي سطام
وقفت البنت بتفكير وابتسمت : طيب انا اسمي جود
وقف سطام ببتسامه: انا عندي اخوان تبني اعرفك عليهم واحد اسمه ذيب والثاني بهاج
ابتسمت جود : طيب وينهم
تقدم بهاج بنص ابتسامه: والله طلعت تعرف للبزران
ذيب بضحك : ما عرفتككك!
نطق سطام: عادي تدخليننا بيتكم الكببير؟
وقفت جود بتفكير: طيب تعالو
دخلو وهم مبتسمين كانهم انتصرو مايدرون وش بيجيهم
جلسو يسولفون مع جود ويضحكون
بعد تقريباً ساعه ونص
انفتح الباب بشكل مرعب ودخل شخص بـ العشرين من عمره ومعها سلاح: مييين انتو وش تسون هناا فيه بيتنا!!!!
وقف سطام بهدوء: ابد جايين ندور عمي وخال ذيب وبهاج واسطه معنا
بهاج كتم ضحكته نطق الشخص بصدمه: اقولك مين انتو وتستعبط علي؟
سطام بنفس الهدوء: ابد انا جاي اسال عن فراس بن رباح
تقدم الشخص بصدمه : وش علاقتك فيه؟
تنهد سطام: امم والله ابوي
الشخص بصدمه اكثر: ابووووك؟؟؟؟
سطام بهدوء: معك سطام بن فراس
دخل يده بجيبه وطلع جواله وحطه على اذنه: الو يبه ولد فراس هنا ، ايه معه ولد عمتي نوره وواحد مدري منهو
بهاج وهو يناظر لـ ذيب: لا بارك الله فيك محد يعرفني ليه ماخذني؟
كتم ذيب ضحكته وهو يناظر جود نطق الشخص بعصبيه: جود روحي داخل عند جنان يلاا
وقفت جود بخوف وطلعت من المجلسه

-

رايكم يهمني وتوقعاتكم وش ممكن يصير .
دعواتكم عندي اختبارات 🥹