جــــبروت ابــــي

part-1

بقــلمي || زهراء

#جـــبروت _ أبــــي

"البــارت الأول "

" بــسم ألله الرحــمن الرحـــيم "

( يِــــا عَـلــــيٌ )

~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.

{ حوࢪ الـعين }

حطيت راسي على الرحله واني اغفي اريد بس انام
فزيت على صياح المدرسه .
- حوورر يعنيي وتااليي وياااجج ؟؟؟؟
باوعتلها وهمست خجلانه عبن البنات عاينن عليٌَ
- أعتذر ست متتكرر .

- تضلن سهراناتتت علىى التلفونات للصبحح
لاا دراسه لا شغل لا عمل وتجن تنامن بالدرس
وخل وحده بيچن ترسبب يطلع الصوج بينهه .

سكتت وهيه بس كملت رزالتها دگ الجرص
عافتنه وطلعت .
رجعت راسي على الرحله وغمضت عيوني
حسيت على احد گعد يمي ..

فتحت عيني جانت صديقتي .
- گومي حور غسلي حتى تصحصحين راح تجي ام العلوم لا تروح هم ترزلج ..
گمت وياها غسلت وجهي ورجعت گعدت .

بدت الدروس وخلصت الدروس اني مافاهمه ولا شي منهن
بس طلعت أم السلاميه ذبيت حجابي وضميته بالجنطه
صارت الحله
شلت جنطتي وطلعت .
چنت  بس اريد اوصل حتى انام تعباانه وجسمي كله يوجعني من الشغل مال البارحه

طبيت للبيت امشي على كيف تلگاني ابوي گاعد باب المطبخ
لؤي - هلاا هلاا همززين شرفت ست الحسن والجماال .
ضليت واگفه بمكاني ارجف وهوه يتصيح ويتقرب عليٌَ.
- اليوم نبقه بدوون غده بلهه شنوو ست حور
چانت بالمدرسه موو ؟؟؟؟؟

گالها وطگني راجدي من قوته احس رگبتي طگت

وگعت بالگاع جرني من شعري گومني واني دمعه ما نزلت من عيني احس من الخوف
حتى اخاف ابجي .

حور - يابه والله هسه اسوي بسرعه ما اتأخر .
- شحدچ تتأخرين اعتبري هذاا انذار الج
المره الثانيه إذا ما لگيت أكل على الطباخ
شايفه هااي عيونچ الفرحانه بيهن ..

گالها وحط اصابيعه بعيوني وجرني من شعري صرخت ولزمت ايده اتوسل بي .