🦋 إسكريبتات شروق حسام 🦋

الجزء الثاني 🦋

بقلم شروق حسام 🦋

_" أولًا يعني ماسميش يا إسمك إيه إسمي دعاء وتاني حاجة يعني لما أشوف حاجة غلط قدامي لازم أصلحها وتالت حاجة اه أنا لسه ناقلة الكلية جديد فعلًا "

عنود بحدة " بصي بقى يا دعاء أنا مش بحب المناهدة الكتير علي حاجة مش مقتنعة بيها وكل الكلية عارفة بكده ف ياريت تسيبيني في حالي مش عشان شكلك متدينة أوي تخلي الكل نفس التدين المتشدد بتاعك "

دعاء بصدمة " إستني بس أنتِ بتقولي إيه ... "

مادتهاش فرصة تتكلم ومسكت إيد تالة وراحوا للمحاضرة بتاعتهم

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

في المحاضرة

عنود بزهق " أووووف بت خنقة أووي في جملة بتقول من تدخل فيما لا يعنيه سمع ما لا يرضيه كان نفسي أقول أكتر من كده بس أنا وقتي من دهب "

تالة بتوتر " إحم عنود أنتِ مش حاسة إننا في محاضرة وكل اللي فيها سامعك وأنتِ بتتكلمي "

عنود بعدم إهتمام " عادي مش فارقة خلي الدكتور الشيخ ده كمان يسمع أنا قولت هو يوم باين من أوله من بعد عريس الندامة اللي رفضته وإصرار سما عليه وأنا مابقتش رايقة ولا عايزة أسمع كلمة من حد "

واحد من وراها " وإيه كمان يا آنسه كملي كملي أصل إحنا قاعدين في الكافتيريا فقولي لي ممكن أساعدك "

عنود بحدة " أتكلم براحتي إذا كان في الكافتيريا أو هنا هو أنت بتدخل ليه ها بني آدم حشري بصحيح أنت مين أصلًا أول مرة أشوفك هنا "

_" بقى فيه إتنين حشريين أنت والبت المتدينة أوي دي "

عنود مدعية التفكير " بعد كل الروايات اللي قرأتها والمسلسلات وأنيميشن الروايات اللي شوفته أحب أقول إنك الدكتور الشيخ مش كده عشان بتتكلم بقلب جامد أوي ده غير إن مش باين عليك بس يلا ياما تحت السواهي دواهي "

مردش عليها ولا رفع عينه عليها من أول ما كلمها راح ناحية المنصة وإتكلم بجمود " معاكم دكتور فهد الدكتور الجديد بدل دكتور مؤمن اللي تقاعد اللي عنده أي سؤال يتفضل وياريت يكون سؤال مفيد غير كده لا مش بحب الكلام الفارغ و بعد كده اللي هيتكلم في محاضرتي هيبقي بره ده مستقبلًا يعني مش النهاردة بما إن ده أول يوم ليا هنا فمش هتكون محاضرة هخلي النهاردة للأسئلة بس "

_" دكتور أنت مرتبط "

فهد بحدة " قولت سؤال مفيد غير كده مش بجاوب علي أي أسئلة شخصية "

البنت بحرج وهي بتقعد " آسفه يا دكتور "

_" مش مشكلة حصل خير "

_" دكتور ممكن أسئلة دينية عادي "

عنود بضيق " البت اللي إسمها دعاء دي ورايا ورايا الله يستر "

فهد بهدوء " إتفضلي يا آنسه "

عدي الوقت والكل سأل اللي حابب يعرفه ودعاء سألته كذا سؤال في الدين وعنود حست إن كل الكلام ده موجهه ليها هي وده حسسها بضيق أكبر ناحيتهم

عنود مسألتش حاجة وفضلت قاعدة بهدوء بس من جواها حاسة بضيق حتي تالة سألته وده ضايقها أكتر

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد فترة

المحاضرة خلصت والكل خرج

عنود وقفت قدام فهد وسألته بحدة " أنت يا إسمك هو أنت ساكن فين حاسة إنِ سمعت عنك قبل كده ما هو مش معقول النهاردة سيرة الشيوخ تتكرر كتير كده وكمان أنت إزاي شيخ وأنت بالسن ده ها ها قول "

فهد رد عليها وهو غاضض بصره " إبعدي شوية يا آنسه ماينفعش تقربي كده حرام وإتكلمي بأسلوب أحسن من كده أنا دكتورك مش صاحبتك أنا وبعدين كل حاجة هتعرفيها مع الوقت "

خلص كلامه وسابها وخرج

عنود بضيق وهي بتضرب رجليها في الارض زي الأطفال " اعععع أنا هتجنن إيه ده لا لا أنا لازم أخد إستراحة فترة "

_" عنود "

عنود بصراخ " نعم مين عايزين إيه مني بقى أنا قرفت "

#شيخ_في_محراب_قلبي
#شروق_حسام