[ Uni ]
" ချန်းယောလ် အဆင်ပြေရဲ့လား။ "
အချုပ်ခန်း သံတိုင်ကြားရောက်နေတဲ့ ချန်းယောလ်က ခပ်ပေပေမော့ကြည့်လာသည်။ နှုတ်ခမ်းဖူးဖူးရဲ့ ထောင့်လေးမှာ သွေးစ,အနည်းငယ် စို့နေတော့ ဂယောင်ဆူးရင်ထဲ ထိတ်လန့်သွားရသည်။
" အဆင်ပြေတဲ့ပုံ ပေါက်နေလို့လား။ "
နံရံကို မှီပြီး ပေတေတေ ထိုင်နေတဲ့ ချန်းယောလ်က ဂယောင်ဆူးကို မကျေမနပ်မော့ကြည့်နေသည်။ ဂယောင်ဆူး သက်ပျင်းခိုးချပြီး ခပ်အေးအေးပြုံးပြလိုက်သည်။
" ဟုတ်ပါပြီ။ ခုဏကျရင် ထွက်ရတော့မှာပါ။ ကိုယ် ခံဝန်ကတိ ထိုးပေးပြီးပြီ။ "
" အဲ့ခံဝန်ကတိက လာတိုင်းထိုးနေရတာပဲ။ "
" ဟင် ချန်းယောလ်? "
ချန်းယောလ်က သူ့ဂုတ်သူပွတ်ပြီး မျက်စိတွေမှိတ်ကာ ခပ်တိုးတိုး ရေရွှတ်လိုက်တော့ ဂယောင်ဆူးက ပြန်မေးသည်။
စိတ်ရှုပ်သလို ကြည့်လာတဲ့ ချန်းယောလ် မျက်ဝန်းတွေကို အတက်နိုင်ဆုံး သတိထားပြီး ပြန်ကြည့်နေရသည်။ နည်းနည်းလေး လွှဲချော်သွားရင်တောင် အန္တရာယ်စက်ဝန်းထဲ ကျရောက်စေနိုင်တဲ့ မျက်ဝန်းမျိုးတွေ။
" ပတ်ချန်းယောလ်- ရှီ ထွက်လို့ရပါပြီ။ "
အသိပေးသံအဆုံး ရဲတစ်ယောက် ရောက်လာပြီး အချုပ်ခန်းတံခါးကို ဖွင့်ပေးသည်။ ချန်းယောလ်က အချုပ်ခန်းထဲကနေ ထွက်ပြီးသည်နှင့် မြှောက်ကြွမြှောက်ကြွဖြစ်နေတဲ့ ခြေလှမ်းနဲ့ ရှေ့က ဦးဆောင်သွားသည်။ စခန်းမှူးကိုတောင် ခပ်တည်တည်နဲ့ လက်နှစ်ချောင်းပူးပြီး အလေးပြုတဲ့ ပုံစံ လုပ်ပြနေသေးသည်။
" ဒိုဂယောင်ဆူး! "
" ဟင် .. ပြောလေ ချန်းယောလ်။ "
ရပ်ထားတဲ့ ကားနား ရောက်ခါနီး ချန်းယောလ်က ခပ်မာမာလှမ်းခေါ်သည်။ ဂယောင်ဆူးက အနောက်ခပ်လှမ်းလှမ်းက လိုက်နေရင်း ချန်းယောလ် ခေါ်သံကြောင့် အပြေးတစ်ပိုင်း ရောက်လာသည်။
" ကျုပ်ဆေးလိပ် သောက်ချင်တယ်။ "
" ဒီမှာဆေးလိပ် ။ "
YOU ARE READING
မုန်းခွင့် မရှိတဲ့ " မောင် "
Fanfictionမောင်ဟာလေ သိပ်ကို ဆိုးလိုက်တာ။ မောင်ဆိုးသလောက် ငါ့မှာ မုန်းခွင့်ကိုမရှိ။ 𝐬𝐭𝐚𝐫𝐭𝐞𝐝 𝐝𝐚𝐭𝐞 - 29.4.2024 𝐄𝐧𝐝 𝐝𝐚𝐭𝐞 - ? 🍒🍑 𝐂𝐡𝐚𝐧𝐲𝐞𝐨𝐥 × 𝐊𝐲𝐮𝐧𝐠𝐬𝐨𝐨 🍒🍑
