Rebirth As Khattar (ခတ္တာအဖြစ်ပြန်လည်မွေးဖွားခြင်း)Completed

အပိုင်း ၆၄

''ကိုဆက်ထင်''

အနားသို့ရောက်လာသည့်အေးကိုကြောင့်ဆက်ထင်လှည့်ကြည့်လိုက်သည့်အခါတွင် ။

''ရဲမင်းကြီးကြွလာပါရဲ့ကိုဆက်ထင်နှုတ်ဆက်ပါဦး''

ခြံထဲဝင်လာသည့်ကားပေါ်မှတုတ်ကောက်ထောက်ကာဆင်းလာသည့်ရဲမင်းကြီးကိုတွေ့သည့်အခါတွင် ထိုင်ရာမှထလိုက်ပြီးနောက် အနားသို့သွား၍နှုတ်ဆက်လိုက်သည်။

''ဂုဏ်ပြုပါရဲ့ မောင်ရင်''

''တကူးတကလာချီးမြင့်ပေးလို့ဝမ်းသာပါရဲ့''

''ကျုပ်တက်ရောက်သင့်တာပေါ့ဒီပွဲဟာအားလုံးမျှော်လင့်နေတဲ့မောင်ရင့်ရဲ့မင်္ဂလာပွဲပဲ''

''ကောင်းပါပြီ ကြွပါဦး''

နေရာထိုင်ခင်းပေးပြီးနောက် ရဲမင်းကြီးအားအရာရှိများကလဲလာရောက်နှုတ်ဆက်ကြသည်။ အထင်ကရပုဂ္ဂိုလ်ဖြစ်သည့်အတွက် ထိုအနားတွင်ခြံဝန်းထဲမှလူအများဝိုင်းအုံသွား၏။ဆက်ထင်တို့မင်္ဂလာပွဲအကြောင်းချီးမွမ်းပြောဆိုနေကြသည့်အပြင်မောင်ခတ္တာအကြောင်းကိုပါအားလုံးဝိုင်း၍ပြောနေသည်မလို့ရဲမင်းကြီးဟာစိတ်ဝင်စားလျက်ရှိပြီးဆက်ထင်ကိုကြည့်လာကာ။

''ဘယ်မလဲ မောင်ရင့်ရဲ့အချစ်တော်လေးက''

''မောင်အေးကို ခတ္တာကိုသွားခေါ်ချေဦး''

''ဟုတ်ကဲ့ကိုဆက်ထင်''

ခပ်လှမ်းလှမ်းကစားပွဲဝိုင်းတွင်ထိုင်နေသည့်မောင်ခတ္တာအားအေးကိုကအနားကပ်၍ခေါ်လိုက်သောအခါတွင် ဆက်ထင်အားတချက်လှမ်းကြည့်ပြီးနောက်ထိုင်ရာမှထကာ အနားသို့လျှောက်လာ၏။ အားလုံးရဲ့အကြည့်ဟာမောင်ခတ္တာဆီသို့ရောက်ရှိနေကြပြီးစိတ်ဝင်တစားရှိဟန်တူသည်။

မောင်ခတ္တာဟာ ခုနကနှင့်မတူတော့ပါပဲ တည်ကြည်သွားပြီး လူကြီးတွေအားသွားတက်လေးတွေပေါ်သည်အထိခေါင်းလေးငုံ့ကာပြုံးရင်းနှုတ်ဆက်လာသည်။

''ကျုပ်ရဲ့သတိုးသားလေးပါ''

ရဲမင်းကြီးအားမိတ်ဆက်ပေးလိုက်သည့်အခါ ရဲမင်းကြီးကကျေနပ်အားရစွာပြုံးရယ်၏။